အလုပ်သမားရေးရာဆိုင်ရာ ရုံးအမှတ်(၅၁) ၊ နေပြည်တော် မှ ၂၀၁၈-၂၀၁၉ ဘဏ္ဍာရေးနှစ်အတွင်း ဆေးရုံသုံးပစ္စည်းကိရိယာများဝယ်ယူရန်အတွက် တင်ဒါအောင်မြင်သူများကြေညာခြင်း

အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန
အလုပ်သမားရေးရာဆိုင်ရာ ရုံးအမှတ်(၅၁) ၊ နေပြည်တော် မှ
၂၀၁၈-၂၀၁၉ ဘဏ္ဍာရေးနှစ်အတွင်း ဆေးရုံသုံးပစ္စည်းကိရိယာများဝယ်ယူရန်အတွက်
တင်ဒါအောင်မြင်သူများကြေညာခြင်း

တင်ဒါအောင်မြင်သည့် စာရင်းအပြည့်အစုံ

အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန အလုပ်သမားရေးရာဆိုင်ရာ ရုံးအမှတ်(၅၁) ၊ နေပြည်တော် မှ ၂၀၁၈-၂၀၁၉ ဘဏ္ဍာရေးနှစ် အတွင်း တည်ဆောက်ရေးလုပ်ငန်းများဆောင်ရွက်ရန် သက်ဆိုင်ရာလုပ်ငန်းများအလိုက် တင်ဒါအောင်မြင်သည့် ကုမ္ပဏီများစာရင်းအား ကြေညာအပ်ပါသည်… လုပ်ငန်းအလိုက် တင်ဒါအောင်မြင်သူများစာရင်း အပြည့််အစုံ

နေပြည်တော် မေ လ ၂၁

အဓမ္မခိုင်းစေမှုပပျောက်ရေးနှင့်ပတ်သက်၍ အမျိုးသားအဆင့် အဓမ္မခိုင်းစေမှုပပျောက်ရေး တိုင်ကြားမှုယန္တရား (National Complaints Mechanism) မထူထောင်မီ တိုင်ကြားစာလက်ခံ ဖြေရှင်းရေး လုပ်ငန်းစဉ်များကို အတည်ပြုနိုင်ရန် အလုပ်သမားရေးရာပူးပေါင်းဆောင်ရွက်ရေး လုပ်ငန်းကော်မတီ (High Level Working Group – HLWG) ညှိနှိုင်းအစည်းအဝေးကို ယနေ့ မွန်းလွဲ ၁၃:၀၀ နာရီတွင် နေပြည်တော်ရှိ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန အစည်းအဝေးခန်းမ တွင်ကျင်းပသည်။

အဆိုပါညှိနှိုင်းအစည်းအဝေးပွဲသို့ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန ပြည်ထောင်စုဝန်ကြီး ဦးသိန်းဆွေ နှင့်အတူကော်မတီဝင်များဖြစ်ကြသည့် သက်ဆိုင်ရာ ဝန်ကြီးဌာနများမှ အမြဲတမ်းအတွင်းဝန်များ၊ ညွှန်ကြားရေးမှူးချုပ်များနှင့် တာဝန်ရှိသူများ တက်ရောက်ခဲ့ကြပါသည်။

ညှိနှိုင်းအစည်းအဝေးတွင် ပြည်ထောင်စုဝန်ကြီးမှ အမှာစကားပြောကြားရာ၌ မြန်မာနိုင်ငံ အနေဖြင့် အဓမ္မခိုင်းစေမှုဆိုင်ရာပြဌာန်းချက်အမှတ် ၂၉ ကိုလက်ခံထားပြီး အဖွဲ့ဝင် နိုင်ငံတစ်နိုင်ငံ၏ တာဝန်ရှိမှုအရအကောင်အထည်ဖော်ဆောင်ရွက်လျက်ရှိသော်လည်း ၂၀၁၉ ခုနှစ် မတ်လတွင်ကျင်းပ ခဲ့သည့် (၃၃၅) ကြိမ်မြောက် ILO အုပ်ချုပ်မှုအဖွဲ့အစည်းအဝေးတွင် ILO ညွှန်ကြားရေးမှူးချုပ်မှ တင်ပြသည့် မြန်မာနိုင်ငံဆိုင်ရာအစီရင်ခံစာတွင် ပဋိပက္ခဖြစ်ပွားနေသည့် ဒေသများ၌ အဓမ္မခိုင်းစေမှု များရှိနေသေးသည်ဟုဖော်ပြထားပါကြောင်း။

ILO အုပ်ချုပ်မှုအဖွဲ့အစည်းအဝေးတွင် အဓမ္မခိုင်းစေမှုပပျောက်ရေးအတွက် အမျိုးသား အဆင့်တိုင်ကြားမှုယန္တရား အမြန်ဆုံးထူထောင်နိုင်ရေး ဝိုင်းဝန်းဆွေးနွေးခဲ့ကြပြီး နိဂုံးချုပ်မှတ်ချက် တွင် အဓမ္မခိုင်းစေမှုပပျောက်ရေးကို ထိရောက်သည့် ဖြေရှင်းမှုလုပ်ငန်းစဉ်ပြောင်းလဲ တည်ထောင် နိုင်ရန် အချိန်တိကျစွာသတ်မှတ်ထားသည့် လုပ်ငန်းစီမံချက်ရေးဆွဲပြီး ILOနှင့်အနီးကပ်ပူးပေါင်း ဆောင်ရွက်ရန် အစိုးရကိုတိုက်တွန်းခဲ့ပါကြောင်း၊

သို့ဖြစ်ပါ၍ အဓမ္မခိုင်းစေမှုပပျောက်ရေးနှင့် ပတ်သတ်ပြီး အစိုးရအနေဖြင့် နိုင်ငံတဝန်းလုံး လွှမ်းခြုံနိုင်သည့် လုပ်ငန်းစီမံချက် လက်တွေ့အကောင်အထည်ဖော်ရေးနှင့် အမျိုးသားအဆင့် အဓမ္မ ခိုင်းစေမှုပပျောက်ရေးတိုင်ကြားမှုယန္တရား (National Complaints Mechanism – NCM ) ထူထောင်ရေးလုပ်ငန်းများ ဆောင်ရွက်နိုင်ရန် သက်ဆိုင်ရာဌာနများမှ ပူးပေါင်းဆောင်ရွက်ကြရန် အရေးကြီးပါကြောင်း၊၂၀၁၉ခုနှစ်၊ မတ်လ ၄ ရက်နေ့မှ ကျင်းပခဲ့သည့် High Level Working Group- HLWG အစည်းအဝေးတွင် ILO မှ အဆိုပြုလာသည့် အဓမ္မခိုင်းစေမှုပပျောက်ရေး လုပ်ငန်းစီမံချက် (Action Plan)နှင့်အတူ အမျိုးသားအဆင့်အဓမ္မခိုင်းစေမှုပပျောက်ရေးတိုင်ကြားမှု ယန္တရား (National Complaint Mechanism) ထူထောင်ရေး၊ အမျိုးသားအဆင့်တိုင်ကြားမှု ယန္တရားမထူထောင်မီ ကြားကာလအတွင်း တိုင်ကြားစာများ လက်ခံဖြေရှင်းရေးနှင့် ပတ်သက်၍ ဆွေးနွေးခဲ့ပြီး သက်ဆိုင်ရာဌာနများ၏ သဘောထားမှတ်ချက်များပေးပို့ခဲ့ပါကြောင်း၊ ဌာနများ၏ အကြံပြုချက် သဘောထားမှတ်ချက် များနှင့်အညီ အမျိုးသားအဆင့် အဓမ္မခိုင်းစေမှုပပျောက်ရေး တိုင်ကြားမှုယန္တရားကို အလုပ်သမားရေးရာ ပူးပေါင်းဆောင်ရွက်ရေးလုပ်ငန်းကော်မတီတွင် ပြုပြင် ရေးဆွဲထားပါကြောင်း၊ ရေးဆွဲထားသည့် အမျိုးသားအဆင့်အဓမ္မခိုင်းစေမှုပပျောက်ရေးတိုင်ကြားမှု ယန္တရားနှင့်ပတ်သက်၍ တက်ရောက်လာသည့် ကော်မတီဝင်များမှ ရင်းနှီးပွင်လင်းစွာအကြံပြု ဆွေးနွေးကြစေလိုပါကြောင်းပြောကြားခဲ့ပါသည်။

ထို့နောက် အမြဲတမ်းအတွင်းဝန် ဦးမျိုးအောင် က ဝန်ကြီးဌာနများမှ ပေးပို့လာသည့် သဘော ထားမှတ်ချက်များနှင့် လုပ်ငန်းစီမံချက်၊ အမျိုးသားအဆင့်အဓမ္မခိုင်းစေမှု ပပျောက်ရေးတိုင်ကြားမှု ယန္တရားနှင့်အဆိုပါယန္တရားမထူထောင်မီ တိုင်ကြားစာလက်ခံဖြေရှင်းရေးလုပ်ငန်းစဉ်တို့အားရှင်းလင်း တင်ပြရာ တက်ရောက်လာသည့် ကော်မတီဝင်များမှ လိုအပ်ချက်များကို ဝိုင်းဝန်းအကြံပြုဖြည့်စွက် ဆွေးနွေးအတည်ပြုခဲ့ကြကြောင်းသတင်းရရှိပါသည်။

နေပြည်တော်၊ မေ လ ၂၀ ရက်

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၏ ပြည်ပတွင်အလုပ် လုပ်ကိုင်မှုကြီးကြပ်ရေးကော်မတီ၏ (၁/၂၀၁၉) ကြိမ်မြောက် လုပ်ငန်းညှိနှိုင်းအစည်းအဝေး ကို ယနေ့ နံနက် ၁၀:၀၀ အချိန်တွင် အဆိုပါ ဝန်ကြီးဌာန အစည်းအဝေးခန်းမတွင် ကျင်းပပြုလုပ်ခဲ့ ပါသည်။

အစည်းအဝေးတွင်ကော်မတီဥက္ကဋ္ဌ၊အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အား ဝန်ကြီးဌာန၊ပြည်ထောင်စုဝန်ကြီးဦးသိန်းဆွေ၊ နယ်စပ်ရေးရာဝန်ကြီးဌာန၊ ပြည်ထောင်စုဝန်ကြီး ဒုတိယဗိုလ်ချုပ်ကြီးရဲအောင်နှင့်အတူ ကော်မတီအဖွဲ့ဝင်များဖြစ်ကြသော ပြည်ထဲရေးဝန်ကြီးဌာန နှင့်ပို့ဆောင်ရေးနှင့်ဆက်သွယ်ရေးဝန်ကြီးဌာနမှ ဒုတိယဝန်ကြီးများ၊ ပြည်ထောင်စုစာရင်းစစ်ချုပ်ရုံး၊ နိုင်ငံခြားရေးဝန်ကြီးဌာန၊ မြန်မာနိုင်ငံတော်ဗဟိုဘဏ်၊ လူမှုဝန်ထမ်းကယ်ဆယ်ရေးနှင့် ပြန်လည် နေရာချထားရေးဝန်ကြီးဌာန၊ သတင်းရဲတပ်ဖွဲ့၊ ရေကြောင်းပို့ဆောင်ရေးဦးစီးဌာန၊ အထွေထွေ အုပ်ချုပ်ရေးဦးစီးဌာနတို့မှအမြဲတမ်းအတွင်းဝန်များ၊တာဝန်ရှိသူများနှင့်ဝန်ကြီးဌာနမှတာဝန်ရှိသူများ တက်ရောက်ခဲ့ကြပါသည်။

အစည်းအဝေးတွင်ပြည်ထောင်စုဝန်ကြီးက အဖွင့်အမှာစကားပြောကြားရာ၌မိမိအနေဖြင့် ပြည်ပတွင်အလုပ်လုပ်ကိုင်မှုကြီးကြပ်ရေးကော်မတီ လမ်းညွှန်ချက်ဖြင့် သက်ဆိုင်ရာဝန်ကြီးဌာန များမှ ဝန်ထမ်းများဖြင့် ထိုင်းနိုင်ငံမှာရောက်ရှိနေသည့် အထောက်အထားမဲ့ မြန်မာအလုပ်သမား များကိုမည်သူမည်ဝါဖြစ်ကြောင်း သက်သေခံလက်မှတ် CI ထုတ်ပေးခဲ့ရာတွင် အလုပ်သမား များ၏ Bio Matrix ကိုယ်ရေးအချက်အလက်များကို မျက်စိသူငယ်အိမ် scanဖတ်ခြင်း၊ လက်ဆယ်ချောင်းလက်ဗွေရယူခြင်းတို့ဆောင်ရွက်ပြီး ၁၃-၅-၂၀၁၉ ရက်နေ့ထိ အလုပ်သမား စုစုပေါင်း ၁,၆၆၆,၁၁၅ဦး၏ အချက်အလက်များကို ကောက်ယူ၍နိုင်ခဲ့ပြီး ထိုင်းနိုင်ငံတွင် တရားဝင်အလုပ်သမားများအဖြစ် ပြောင်းလဲပေးနိုင်ခဲ့ကြောင်း အလုပ်သမားများ၏ ကိုယ်ရေး အချက်အလက်များကို National Data Center တွင်ထိန်းသိမ်းထားရှိတာကြောင့် အဆိုပါအချက် အလက်များကိုမည်သည့်ဌာနမှမဆို လိုအပ်သလိုအသုံးပြုနိုင်မှာ ဖြစ်ပါကြောင်း။

ထိုင်းနိုင်ငံသို့MoUစနစ်နဲ့ မြန်မာအလုပ်သမားများ တရားဝင်စေလွှတ်ခြင်း လုပ်ငန်းစဉ်ကို ၂၀၁၀ ခုနှစ်မှ စတင်ဆောင်ရွက်ခဲ့ပြီး မြန်မာရွှေ့ပြောင်းအလုပ်သမားများအနေနဲ့ ဥပဒေပါ အခွင့်အရေးနှင့် လူမှုကာကွယ်စောင့်ရှောက်မှုများ ရရှိခံစားနိုင်ရန် နှစ်နိုင်ငံအစိုးရအကြား ညှိနှိုင်း ကြိုးပမ်းဆောင်ရွက်မှုများထိရောက်စွာလုပ်ဆောင်နိုင်ခဲ့ပါကြောင်း။

ထိုင်းနိုင်ငံရောက် မြန်မာရွှေ့ပြောင်းအလုပ်သမားများနှင့်စပ်လျဉ်း၍ မြန်မာ-ထိုင်းနှစ်နိုင်ငံ အစိုးရအကြား နှစ်နိုင်ငံညှိနှိုင်း အစည်းအဝေးများကို အလှည့်ကျကျင်းပပြုလုပ်လျက်ရှိရာ မေလ ၁၃ ရက်နေ့မှ ၁၄ ရက်နေ့တွင် ထိုင်းနိုင်ငံ၊ ဖူးခက်မြို့၌ကျင်းပခဲ့သည့် “မြန်မာ-ထိုင်းနှစ်နိုင်ငံ အလုပ်သမားရေးရာ ကျွမ်းကျင်သူများညှိနှိုင်းအစည်းအဝေး” ကို ညွှန်ကြားရေးမှူးချုပ် ဦးဝင်းရှိန် ဦးဆောင်၍ ပြည်ပတွင်အလုပ်လုပ်ကိုင်မှု ကြီးကြပ်ရေးကော်မတီအဖွဲ့ဝင်များ ဖြစ်ကြသည့် ကောင်စစ်ရေးရာနှင့် ဥပဒေရေးရာဦးစီးဌာန၊ အမျိုးသားမှတ်ပုံတင်နှင့် နိုင်ငံသားဦးစီးဌာန၊ သတင်းရဲတပ်ဖွဲ့ နှင့်လူကုန်ကူးမှုတားဆီးနှိမ်နင်းရေးရဲတပ်ဖွဲ့ တို့မှ ကိုယ်စားလှယ်များတက်ရောက် ခဲ့ပြီး ထိုင်းနိုင်ငံသို့ MoUစနစ်ဖြင့် မြန်မာအလုပ်သမားများ တရားဝင်စေလွှတ်ခြင်းလုပ်ငန်းစဉ်အရ မြန်မာရွှေ့ပြောင်းအလုပ်သမားများအား ဥပဒေပါအခွင့်အရေးနှင့် လူမှုကာကွယ်စောင့်ရှောက်မှု များ ရရှိခံစားနိုင်ရန်နှစ်နိုင်ငံအစိုးရအကြား ညှိနှိုင်းကြိုးပမ်းဆောင်ရွက်မှုများ ထိရောက်စွာလုပ် ဆောင်နိုင်ခဲ့ပါကြောင်း။

အဆိုပါအစည်းအဝေးတွင် ထိုင်းနိုင်ငံသို့မြန်မာအလုပ်သမားများ တရားဝင်စေလွှတ်သည့် MoUလုပ်ငန်းစဉ်များ၊ ၂၀၁၉ခုနှစ်၊နိုဝင်ဘာလ၁ရက်နေ့နှင့် ၂၀၂၀ခုနှစ်၊ မတ်လ၃၁ရက်နေ့တို့တွင် အလုပ်လုပ်ကိုင်ခွင့်လက်မှတ် သက်တမ်းကုန်ဆုံးမည့် မြန်မာအလုပ်သမားများဆက်လက် အလုပ် လုပ်ကိုင်ခွင့်ရရှိရေး၊ မြန်မာအလုပ်သမားများအား ဥပဒေပါ အခွင့်အရေးအပြည့်အဝရရှိရေးနှင့် လူမှုကာကွယ်စောင့်ရှောက်မှုပေးရေး၊ ထိုင်းနိုင်ငံသို့ MoUစနစ်ဖြင့် မြန်မာရေလုပ်သားများ စေလွှတ်နိုင်ရေး၊ MoU စနစ်ဖြင့်ထိုင်းနိုင်ငံသို့ အလုပ်သမားစေလွှတ်ခြင်း လုပ်ငန်းစဉ်အတွက် ကုန်ကျစရိတ် သတ်မှတ်ခြင်းနှင့် ထိုင်းနိုင်ငံနှင့်မြန်မာနိုင်ငံတို့အကြား လက်မှတ်ရေးထိုးထားသော အလုပ်သမား များအလုပ်ခန့်ထားရေးဆိုင်ရာ သဘောတူစာချုပ်ကို သက်တမ်းတိုးနိုင်ရေးတို့ကိုညှိနှိုင်း ဆွေးနွေး ခဲ့ပါကြောင်း။

ထိုင်းနိုင်ငံ၊ ဂျပန်နိုင်ငံနဲ့ ကိုရီးယားသမ္မတနိုင်ငံမှာရှိတဲ့ ပင်လယ်ငါးဖမ်းလုပ်ငန်းများသို့ ပြည်ပအလုပ်အကိုင် အကျိုးဆောင်လိုင်စင်ရအေဂျင်စီများမှ သတ်မှတ်ချက်များနဲ့အညီ မြန်မာ ရေလုပ်သားများ စေလွှတ်ရန် ၂၇-၁၁-၂၀၁၈ ရက်နေ့တွင် ကျင်းပပြုလုပ်ခဲ့သည့် (၄၇/၂၀၁၈) ကြိမ်မြောက် ပညာရေး၊ ကျန်းမာရေးနှင့် လူ့စွမ်းအားအရင်းအမြစ်ဖွံ့ဖြိုးတိုးတက်ရေးကော်မတီ အစည်းအဝေးမှ ခွင့်ပြုမိန့်ရရှိခဲ့ပြီး သက်ဆိုင်ရာအေဂျင်စီများမှ လုပ်သားများစေလွှတ်ရေး ဆောင်ရွက်နေပြီဖြစ်ပါကြောင်း။

မြန်မာနိုင်ငံ၏ စီးပွားရေးဖွံ့ဖြိုးတိုးတက်စေရန်၊ လိုအပ်သည့် လူသားအရင်းအမြစ် ဖွံ့ဖြိုးတိုးတက်မှုကို အထောက်အကူပြုစေရန်၊ မြန်မာနိုင်ငံသို့ နည်းပညာဆိုင်ရာကျွမ်းကျင်မှုများ၊ အတတ်ပညာများနှင့် အသိပညာများ လွှဲပြောင်းပေးနိုင်ရန်၊ ထိုမှတစ်ဆင့် အပြည်ပြည်ဆိုင်ရာ
ပူးပေါင်းဆောင်ရွက်မှု တိုးမြှင့်ပေးနိုင်ရန်အတွက် ဂျပန်နိုင်ငံနှင့် မြန်မာနိုင်ငံအစိုးရအကြား နည်းပညာအလုပ်သင် သင်တန်းသားစီမံချက်ဆိုင်ရာ ပူးပေါင်းဆောင်ရွက်ရေးစာချွန်လွှာ (MOC) ကို၁၉-၄-၂၀၁၈ ရက်နေ့တွင် လက်မှတ်ရေးထိုးခဲ့ပြီးပြည်ပအလုပ်အကိုင် အကျိုးဆောင်လိုင်စင်ရ အေဂျင်စီများမှတစ်ဆင့် ဂျပန်နိုင်ငံသို့ နည်းပညာအလုပ်သင် သင်တန်းသားများအား စနစ်တကျ စေလွှတ်လျက်ရှိပါကြောင်း။

ထို့အပြင် ဂျပန်နိုင်ငံနှင့် မြန်မာနိုင်ငံအစိုးရတို့အကြား ကျွမ်းကျင်လုပ်သားနေထိုင်ခွင့်ပုံစံ ဖြင့် နိုင်ငံခြားသား လူ့စွမ်းအားအရင်းအမြစ်ဆိုင်ရာစနစ်အား စနစ်တကျ လည်ပတ်ဆောင်ရွက်မှု နှင့်စပ်လျဉ်း၍ သတင်းအချက်အလက် ပူးပေါင်းဆောင်ရွက်မှုအတွက် အခြေခံမူဘောင်ဆိုင်ရာ ပူးပေါင်းဆောင်ရွက်မှုစာချွန်လွှာ (MOC) ကို ၂၈-၃-၂၀၁၉ ရက်နေ့တွင် လက်မှတ်ရေးထိုးခဲ့ပြီး ဂျပန်နိုင်ငံမှ ဟိုတယ်ဝန်ဆောင်မှုလုပ်ငန်းအတွက် ကျွမ်းကျင်လုပ်သားခေါ်ယူရန် မြန်မာနိုင်ငံသို့ ၂၀၁၉ ခုနှစ်၊ အောက်တိုဘာလတွင် စာမေးပွဲလာရောက်စစ်ဆေးရန် လျာထားပါကြောင်း။

ပြည်ပအလုပ်အကိုင် အကျိုးဆောင်လိုင်စင်ရ အေဂျင်စီများကို ကြီးကြပ်ကွပ်ကဲနိုင်ရန် ပြည်ပတွင်အလုပ်လုပ်ကိုင်မှု ကြီးကြပ်ရေးကော်မတီ၏ အစည်းအဝေး ခွင့်ပြုချက်ဖြင့် “ မြန်မာပြည်ပ အလုပ်အကိုင်ဝန်ဆောင်မှုလုပ်ငန်းရှင်များ အဖွဲ့ချုပ်” ကိုဖွဲ့စည်းပြီးဖြစ်ကာ နိုင်ငံတော်၏ဦးစားပေး လုပ်ငန်းစဉ်ဖြစ်သော ပြည်တွင်းနှင့်ပြည်ပနိုင်ငံများသို့ သွားရောက်လုပ်ကိုင်မည့် အလုပ်သမားများ အတွက် ကောင်းမွန်သည့်လုပ်ငန်းခွင် ဖြစ်စေရေး၊ ဥပဒေနှင့်အညီခံစားခွင့်များ ရရှိစေရေး အဆိုပါ မြန်မာပြည်ပအလုပ်အကိုင် ဝန်ဆောင်မှုလုပ်ငန်းရှင်များအဖွဲ့ချုပ်နဲ့ တွေ့ဆုံဆွေးနွေးမှုများ လုပ်ဆောင်ကာ မြန်မာရွှေ့ပြောင်း အလုပ်သမားများ၏အခက်အခဲများနှင့် ပြဿနာများကို အချိန်နှင့်တစ်ပြေးညီဖြေရှင်း ဆောင်ရွက်ပေးလျက်ရှိပါကြောင်းပြောကြားခဲ့ပါသည်။

ထို့နောက် ပြည်ပတွင်အလုပ်လုပ်ကိုင်မှုကြီးကြပ်ရေးကော်မတီ၊ အတွင်းရေးမှူး၊ ညွှန်ကြား ရေးမှူးချုပ် ဦးဝင်းရှိန် မှ ၂၀၁၈ ခုနှစ် နိုဝင်ဘာလမှ ၂၀၁၉ ခုနှစ် ဧပြီလအထိ ပြည်ပတွင်အလုပ်လုပ် ကိုင်မှုကြီးကြပ်ရေးကော်မတီ၏ လုပ်ငန်းဆောင်ရွက်မှု အခြေအနေများ၊ ငွေကြေးသုံးစွဲမှုအခြေအနေ များကိုရှင်းလင်းတင်ပြခဲ့ပါသည်။ ဆက်လက်၍ အစည်းအဝေးသို့တက်ရောက်လာသည့် ကော်မတီ အဖွဲ့ဝင်များမှ သက်ဆိုင်ရာဝန်ကြီးဌာနများ၏ လုပ်ငန်းစဉ်များအလိုက် ရွှေ့ပြောင်းအလုပ်သမားများ အား ကာကွယ်စောင့်ရှောက် ပေးမှုအခြေအနေများ၊ ရွှေ့ပြောင်းအလုပ်သမားများ၏ ငွေကြေးများ အား မြန်မာနိုင်ငံသို့ပြန်လည်လွဲပို့ပေးနိုင်မည့် အခြေအနေများ၊ ထိုင်းနိုင်ငံမှပြန်လည်ရောက်ရှိလာ သည့်တရားမဝင်ရွှေ့ပြောင်း အလုပ်သမားများသူများအား ကြိုဆိုလက်ခံရေးဆောင်ရွက်နေသည့် အခြေအနေများနှင့် ပတ်သက်၍ အားဝိုင်းဝန်းအကြံပြုဆွေးနွေးခဲ့ကြပြီး အစည်းအဝေးကို ၁၂:၀၀ အချိန်တွင်ရုပ်သိမ်းခဲ့ပါသည်။

အလုပ်သမား၊ လူဝင်မှုကြီးကြပ်ရေးနှင့် ပြည်သူ့ အင်အားဝန်ကြီးဌာန၊ အစည်းအဝေးခန်းမ၌ မြန်မာနိုင်ငံလုပ်သားများ ကျွမ်းကျင်မှု “စံ” သတ်မှတ် ပြဋ္ဌာန်းရေးအဖွဲ့ (NSSA)၏ ၂၀၁၉ ခုနှစ်၊ ဇန်နဝါရီလမှ ဧပြီလအထိ ကျွမ်းကျင်မှုဖွံ့ဖြိုးတိုးတက် ရေးဆောင်ရွက်မှုအခြေအနေ၊ တိုးတက်မှုအခြေအနေနှင့် ဆက်လက်ဆောင်ရွက်မည့် လုပ်ငန်းစဉ် များနှင့် ချိတ်ဆက်ပြီးမြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသောဖွံ့ဖြိုးတိုးတက်မှု စီမံကိန်း(MSDP)သို့ နိုင်ငံဖွံ့ဖြိုးရေးအချက်အလက်များ ပေးအပ်နိုင်ရန်ရည်ရွယ်၍ ကျွမ်းကျင် မှုဖွံ့ဖြိုးတိုးတက်ရေးဆိုင်ရာ ပေါင်းစပ်ညှိနှိုင်းရေးလုပ်ငန်းအဖွဲ့ခွဲ အစည်းအဝေး Skills Development Sub Sector Coordination Group(SDSSCG) Meeting ကို ၁၅-၅-၂၀၁၉ ရက်နေ့တွင် ရုံးအမှတ်(၅၁) နေပြည်တော်၌ ကျင်းပပြုလုပ်ခဲ့ပါသည်။

အဆိုပါအစည်းအဝေးသို့ အလုပ်သမားညွှန်ကြားရေးဦးစီးဌာနမှ ညွှန်ကြားရေးမှူးချုပ်၊ ဦးဝင်းရှိန်နှင့်တာဝန်ရှိသူများ၊ NSSA မှတာဝန်ရှိသူများ၊ ကျွမ်းကျင်မှုဖွံ့ဖြိုးတိုးတက်ရေးဆိုင်ရာ ပေါင်းစပ်ညှိနှိုင်းရေးလုပ်ငန်းအဖွဲ့ခွဲ အဖွဲ့ဝင်များ၊ ILO၊ GIZ၊ Swisscontact ၊ JICA တို့မှ တာဝန်ရှိသူများ စုစု ကပေါင်း(၆၅)ဦးတက်ရောက်ခဲ့ကြကြောင်း သတင်းရရှိပါသည်။

skill-dev-sub-sect-meeting
Skills Development Sub Sector Coordination Group (SDSSCG)၊ ဥက္ကဋ္ဌ၊ အလုပ်သမားညွှန်ကြားရေးဦးစီးဌာန၊ညွှန်ကြားရေးမှူးချုပ်၊ဦးဝင်းရှိန်မှအဖွင့်အမှာစကားပြောကြားစဉ်

နေပြည်တော်၊ မေလ ၁၄
မြန်မာ – ထိုင်း နှစ်နိုင်ငံ အလုပ်သမားရေးရာ ကျွမ်းကျင်သူများ ညှိနှိုင်းအစည်းအဝေးကို ၂၀၁၉ခုနှစ်၊ မေလ ၁၃ ရက်နေ့မှ ၁၄ ရက်နေ့ထိ ထိုင်းနိုင်ငံ၊ ဖူးခက်မြို့တွင် ကျင်းပပြုလုပ်ခဲ့ရာ အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ အလုပ်သမားညွှန်ကြားရေး ဦးစီးဌာန ညွှန်ကြားရေးမှူးချုပ် ဦးဝင်းရှိန် ဦးဆောင်၍ ပြည်ပတွင်အလုပ်လုပ်ကိုင်မှုကြီးကြပ်ရေး ကော်မတီအဖွဲ့ဝင်များဖြစ်သောကောင်စစ်ရေးရာနှင့်ဥပဒေရေးရာဦးစီးဌာန၊ အမျိုးသားမှတ်ပုံတင် နှင့်နိုင်ငံသားဦးစီးဌာန၊ သတင်းရဲတပ်ဖွဲ့၊ လူကုန်ကူးမှုတားဆီးနှိမ်နင်းရေးရဲတပ်ဖွဲ့တို့မှ ကိုယ်စား လှယ်များ၊ထိုင်းနိုင်ငံဆိုင်ရာမြန်မာသံရုံးရှိသံမှူးကြီးနှင့်အလုပ်သမားသံအရာရှိအပါအဝင်ကိုယ်စားလှယ်အဖွဲ့ဝင်၁၃ဦးနှင့် ထိုင်းနိုင်ငံ၊အလုပ်သမားဝန်ကြီးဌာန၊ အလုပ်အကိုင်ဌာန၊ ညွှန်ကြားရေးမှူး ချုပ် Mrs. PetcharatSinauy ဦးဆောင်သော ကိုယ်စားလှယ်အဖွဲ့ဝင် ၁၈ဦး၊ စုစုပေါင်း ၃၁ဦး တက်ရောက်၍ညှိနှိုင်းဆွေးနွေးခဲ့သည်။
အစည်းအဝေးတွင် ထိုင်းနိုင်ငံသို့ မြန်မာအလုပ်သမားများ တရားဝင်စေလွှတ်သည့် MoU လုပ်ငန်းစဉ်၊ ၂၀၁၉ခုနှစ်၊နိုဝင်ဘာလ၁ရက်နေ့နှင့်၂၀၂၀ခုနှစ်၊မတ်လ၃၁ရက်နေ့ တို့တွင်အလုပ်လုပ် ကိုင်ခွင့်လက်မှတ်သက်တမ်းကုန်ဆုံးမည့် မြန်မာအလုပ်သမားများ ဆက်လက်အလုပ်လုပ်ကိုင်ခွင့် ရရှိရေး၊ မြန်မာအလုပ်သမားများအား ဥပဒေပါအခွင့်အရေး အပြည့်အဝရရှိရေးနှင့်လူမှုကာကွယ် စောင့်ရှောက်မှုပေးရေး၊ထိုင်းနိုင်ငံသို့ MoU စနစ်ဖြင့်မြန်မာရေလုပ်သားများစေလွှတ်နိုင်ရေး၊MoU စနစ်ဖြင့် ထိုင်းနိုင်ငံသို့အလုပ်သမားစေလွှတ်ခြင်းလုပ်ငန်းစဉ်အတွက်ကုန်ကျစရိတ်သတ်မှတ်ခြင်း နှင့် ထိုင်းနိုင်ငံနှင့်မြန်မာနိုင်ငံတို့အကြားလက်မှတ်ရေးထိုးထားသော အလုပ်သမားများ အလုပ် ခန့်ထားရေးဆိုင်ရာသဘောတူစာချုပ်ကိုသက်တမ်းတိုးနိုင်ရေးတို့ကိုညှိနှိုင်းဆွေးနွေးခဲ့ကြသည်။
ညွှန်ကြားရေးမှူးချုပ်နှင့်အဖွဲ့သည် ၂၀၁၉ခုနှစ်၊မေလ၁၂ရက်နေ့တွင်ထိုင်းနိုင်ငံ၊မဟာချိုင်မြို့ ၌ဖွင့်လှစ်ထားရှိသော သာမန်နိုင်ငံကူးလက်မှတ်ထုတ်ပေးရေးဌာနစိတ်၏အလုပ်သမားများအချက် အလက် ကောက်ယူရေးစင်တာသို့သွားရောက်၍စခန်း၌ တာဝန်ထမ်းဆောင်နေသော ဝန်ထမ်း များကိုတွေ့ဆုံ၍ လုပ်ငန်းဆောင်ရွက်မှုအခြေအနေ၊ လုပ်ငန်းများဆောင်ရွက်ရာတွင်ကြုံတွေ့ ရသည့် အခက်အခဲများကိုမေးမြန်းခဲ့ပြီးလိုအပ်သည်များကိုမှာကြားခဲ့သည်။

နိုင်ငံဖွံ့ဖြိုးတိုးတက်ရေးနှင့် အလုပ်လုပ်ကိုင်နိုင်သူ တစ်ဦးချင်းဝင်ငွေတိုးပွားစေရေးအတွက် ရည်ရွယ်၍ အလုပ်အကိုင်အခွင့်အလမ်းများပိုမိုရရှိစေရေးအတွက် ပြည်ပသို့တရားဝင်စေလွှတ်ခြင်း နှင့်ပြည်တွင်းအလုပ်အကိုင်များရှာဖွေပေးခြင်းတို့အား အလုပ်သမား၊ လူဝင်မှုကြီးကြပ်ရေးနှင့်ပြည်သူ့ အင်အားဝန်ကြီးဌာနမှ စဉ်ဆက်မပြတ်ကြိုးပမ်းဆောင်ရွက်လျက်ရှိပါသည်။
ထိုသို့ဆောင်ရွက်ရာတွင် ပြည်တွင်းအလုပ်အကိုင်ရရှိရေးကို ဦးစားပေးဆောင်ရွက်ပေးခဲ့ပြီး သင့်တော်ကောင်းမွန်သည့် အလုပ်အကိုင်များရရှိစေရေးနှင့် အလုပ်ရှင်များအတွက်လည်း အလုပ် သမားလုံလောက်စွာခန့်အပ်ထားရှိရန် အလုပ်အကိုင်နှင့်အလုပ်သမားရှာဖွေရေးရုံးများတွင် Labour Exchange Management System ဖြင့် Online မှဆောင်ရွက်ပေးခြင်းတို့အား လုပ်ဆောင်လျက်ရှိရာ ၂၀၁၉ခုနှစ်၊ ဧပြီလ အတွင်းအပြည့်အစုံ…

နေပြည်တော် မေ ၁၃ ရက်
အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ ပြည်ထောင်စုဝန်ကြီး ဦးသိန်းဆွေ သည် Euro Cham Myanmar ၏ Executive Director ဖြစ်သူ Mr. Filip Lauwerysen ဦးဆောင်သော ကိုယ်စားလှယ်အဖွဲ့အား ယနေ့နံနက် ၁၀:၀၀ နာရီအချိန် တွင် နေပြည်တော်ရှိ အဆိုပါဝန်ကြီးဌာန ၊ အစည်းအဝေးခန်းမတွင် လက်ခံတွေ့ဆုံသည်။
ထိုသို့တွေ့ဆုံရာတွင် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီးမှ ၂၀၁၉ ခုနှစ် မတ်လ အတွင်း Euro Cham Myanmar မှ ဆွေးနွေး အကြံပြု ခဲ့သည့် အချက်အလက်များနှင့်ပတ်သက်၍ ဖြစ်ပေါ်တိုးတက်ဆောင်ရွက်ထားရှိမှုများ အပါအဝင် ဆွစ်ဇာလန်နိုင်ငံ၊ဂျီနီဗာမြို့တွင် ဇွန်လအတွင်း ကျင်းပပြုလုပ်မည့် ၁၀၈ ကြိမ်မြောက် ILC ညီလာခံ ၌ အလုပ်သမားရေးရာကိစ္စ တိုးတက်ဆောင်ရွက်ထားရှိမှုများနှင့် မြန်မာနိုင်ငံ၏ ရင်ဆိုင်နေရသော စိန်ခေါ်မှုများကို ဖြေရှင်းနိုင်ရေးအတွက် အလုပ်ရှင်၊ အလုပ်သမားများ အပါအဝင် သက်ဆိုင်ရာ မိတ်ဖက်ဝန်ကြီးဌာနများ ILO၊ IOM နိုင်ငံတကာအဖွဲ့အစည်းများနှင့် EU အပါအဝင် ဖွံ့ဖြိုးမှုမိတ်ဖက် များနှင့်အတူတကွ ပူးပေါင်းဆောင်ရွက်လျက်ရှိပါကြောင်း၊
ထိုနောက်ပြည်ထောင်စုဝန်ကြီးမှဆက်လက်ဆွေးနွေးရာတွင် EBA (Everything But Arms) ရုပ်သိမ်းသွားပါက အခြေခံအလုပ်သမားများဖြစ်ကြသည့် အထူးသဖြင့်အမျိုးသမီးအလုပ်သမားများ အနေဖြင့် အလုပ်အကိုင်အခွင့်အလမ်းများဆုံးရှုံးပြီး လည်းကောင်းတို့၏ ဝင်ငွေနည်းမိသားစုများပါ ထိခိုက်နိုင်မည် ဖြစ်ပါကြောင်း၊ အလုပ်ရှင်များနှင့်နိုင်ငံ၏ ဝင်ငွေများပါထိခိုက်စေပြီး နိုင်ငံတော်မှ ဆောင်ရွက်နေသည့် ဒီမိုကရေစီပြုပြင်ပြောင်းလဲရေး ဆောင်ရွက်ရာတွင် ဒီမိုကရေစီစနစ်အပေါ် ပြည်သူများ၏ ယုံကြည်မှုများစွာ ကျဆင်းနိုင်ပါကြောင်း၊ ပြည်သူအများစုက မျော်လင့်ထားသည်မှာ ဒီမိုကရေစီအရပ်သားအစိုးရတက်လာပါက EU အပါအဝင် အခြားနိုင်ငံများကပါ ဝိုင်းဝန်းကူညီ၍ လိုအပ်ချက်အချို့ကို ဖြေလျော့ပေးမည်ဆိုလျှင် စီးပွားရေး၊ အလုပ်အကိုင်များနှင့် လူမှုဘဝဖွံ့ဖြိုး တိုးတက်လာမည်ဟု မျော်လင့်ထားပါကြောင်း၊ Euro Cham Myanmar မှ အဓိကဆွေးနွေးလိုသည့် အချက်(၃)ချက် ဖြစ်သည့် ရခိုင်ပြည်နယ်ကိစ္စ၊ သတင်းလွတ်လပ်ခွင့်ကိစ္စနှင့် အလုပ်သမားဥပဒေ ပြုပြင်ပြောင်းလဲရေးကိစ္စများနှင့်ပတ်သက်၍ ပြောကြားရာတွင် ရခိုင်ပြည်နယ် တည်ငြိမ်အေးချမ်းရေး နှင့်ပတ်သက်၍ မြန်မာနိုင်ငံအနေဖြင့် ဘင်္ဂလားဒေ့ရှ်နိုင်ငံ နှင့် MOU ရေးထိုးပြီး နှစ်နိုင်ငံ အကောင် အထည်ဖော်နိုင်ရေး ဆွေးနွေးမှုများ စဉ်ဆက်မပြတ် လုပ်ဆောင်လျက်ရှိကြောင်း၊ UNHCR ၊ UNDP အဖွဲ့များနှင့်လည်း MOU ရေးထိုးကာကွင်းဆင်းလေ့လာမှု(၃)ကြိမ်ဆောင်ရွက်ခဲ့ပြီး MOU သက်တမ်း ထပ်မံ၍ဆက်လက်တိုးမြင့်ရန်မူအားဖြင့် သဘောတူညီပြီးဖြစ်ပါကြောင်း၊ အစိုးရအနေဖြင့်ရခိုင်ဒေသ ကိုအေးချမ်းတည်ငြိမ်အောင် ကြိုးစားဆောင်ရွက်လျက် ရှိပါကြောင်း၊ သတင်းလွတ်လပ်ခွင့်နှင့် ပတ်သက်၍မိမိတို့နိုင်ငံသည်ဒီမိုကရေစီစနစ်ကိုစတင်ကူးပြောင်းကျင့်သုံးနေသည့်နိုင်ငံဖြစ်ရာသတင်း လွတ်လပ်ခွင့်အနေဖြင့်တည်ဆဲဥပဒေများနှင့်အညီ သက်ဆိုင်ရာဝန်ကြီးဌာနများမှ သတင်းလွတ်လပ် ခွင့်များရှိအောင် ဆောင်ရွက်ပေးလျှက်ရှိပါကြောင်း၊ အလုပ်သမားဥပဒေပြုပြင်မှုများ နှင့်ပတ်သက်၍ အလုပ်ရှင်၊အလုပ်သမားအငြင်းပွားမှုဥပဒေအား ပြည်ထောင်စုလွှတ်တော်မှ အတည်ပြုပြဌာန်းခဲ့ပြီး ဖြစ်ပါကြောင်း ထိုသို့ဥပဒေမပြဌာန်းမှီ အစိုးရ၊ အလုပ်ရှင်၊အလုပ်သမားသုံးပွင့်ဆိုင်အကြိမ်ကြိမ်ကြား နာဆောင်ရွက်ခဲ့ပြီး ပြည်သူ့လွှတ်တော်နှင့်အမျိုးသားလွှတ်တော် ကိုယ်စားလှယ်များမှ ထဲထဲဝင်ဝင် အသေးစိတ်ဆွေးနွေးပြီးအတည်ပြုပြဌာန်းခဲ့ခြင်းဖြစ်ပါကြောင်း၊ အလုပ်သမားအဖွဲ့အစည်းဥပဒေနှင့် ပတ်သက်၍လည်း အလုပ်ရှင်၊အလုပ်သမားများ၏ တင်ပြချက်များကို ထည့်သွင်းစဉ်းစား၍ ဌာနတွင်း ဆွေးနွေးဆောင်ရွက်လျှက်ရှိပါကြောင်း၊ ထို့အတူသုံးပွင့်ဆိုင်ဆွေးနွေးပွဲများအမြန်ဆုံး ပြန်လည်စတင် နိုင်ရေးဆောင်ရွက်လျှက်ရှိရာ ၁၀၈ ကြိမ်မြောက် ILC ညီလာခံမတိုင်မှီ အဆင်ပြေမည်ဟု ယုံကြည် မျှော်လင့်ပါကြောင်း၊ မိမိတို့အနေဖြင့် ILO နှင့်ရင်းနှီးစွာပူးပေါင်းဆောင်ရွက်လျှက်ရှိပြီး အမျိုးသား အဆင့်အဓမ္မခိုင်းစေမှုပပျောက်ရေးတိုင်ကြားမှုယန္တရား(National Complaints Mechanism – NCM) ထူထောင်ရေးနှင့် ILO ကွန်ဗန်းရှင်း တစ်ခု အား ၁၀၈ ကြိမ်မြောက် ILC ညီလာခံမတိုင်မှီသဘောတူ လက်မှတ်ရေးထိုးနိုင်ရေးအတွက် လုပ်ထုံးလုပ်နည်းနှင့်အညီ ဌာနတွင်းဆွေးနွေးမှုများ ပြုလုပ်လျက် ရှိကြောင်း၊ အပါအဝင် အလုပ်သမားရေးရာကိစ္စရပ်များနှင့်ပတ်သက်၍ ရင်းနှီးပွင့်လင်းစွာဆွေးနွေးခဲ့ ကြပါသည်။
အဆိုပါတွေ့ဆုံပွဲသို့ ပြည်ထောင်စုဝန်ကြီး နှင့်အတူညွှန်ကြားရေးမှူးချုပ်များနှင့်တာဝန်ရှိသူ များတက်ရောက်ခဲ့ကြကြောင်းသတင်းရရှိသည်။

ရန်ကုန် မေ ၁၁ ရက်
အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနနှင့် ရွှေ့ပြောင်းသွားလာ ခြင်းဆိုင်ရာ နိုင်ငံတကာအဖွဲ့အစည်း (IOM)တို့ပူးပေါင်း၍ နိုင်ငံတကာလုပ်သားများ ရွှေ့ပြောင်းခြင်း စီမံခန့်ခွဲမှုဆိုင်ရာ အမျိုးသားအဆင့် ဒုတိယ(၅)နှစ်တာ လုပ်ငန်းစီမံချက်(၂၀၁၈-၂၀၂၂) မိတ်ဆက်ပွဲ အခမ်းအနား ကို ရန်ကုန်မြို့၊ Shangri-La Hotel ၌ ယနေ့ ကျင်းပပြုလုပ်ခဲ့ရာ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ ပြည်ထောင်စုဝန်ကြီး၊ ဦးသိန်းဆွေ၊ ဌာနဆိုင်ရာ ကိုယ်စားလှယ်များ၊ အပြည်ပြည်ဆိုင်ရာ အဖွဲ့အစည်းများမှ ကိုယ်စားလှယ်များ၊ ရွှေ့ပြောင်းသွားလာ ခြင်းဆိုင်ရာနိုင်ငံတကာအဖွဲ့အစည်း (IOM) မြန်မာမှ Chief of Mission Mr. Akio Nakayama နှင့် အရပ်ဖက်လူမှုကိုယ်စားလှယ်များ တက်ရောက်ခဲ့သည်။
ပြည်ထောင်စုဝန်ကြီး၊ ဦးသိန်းဆွေက နိုင်ငံတကာလုပ်သားများ ရွှေ့ပြောင်းခြင်းစီမံခန့်ခွဲမှု ဆိုင်ရာ အမျိုးသားအဆင့် ဒုတိယ(၅)နှစ်တာ လုပ်ငန်းစီမံချက်(၂၀၁၈-၂၀၂၂) အား အများပြည်သူ သိရှိ စေရန် ရည်ရွယ်ကျင်းပခြင်းဖြစ်ကြောင်း၊ IOM Global Migration Indicators, 2018 အရ ကမ္ဘာ့လူဦး ရေ ၇.၆ ဘီလီယံခန့်ရှိသည့်အနက် ၂၅၈ မီလီယံခန့်သည် ရွှေ့ပြောင်းသွားလာနေပြီး ၁၅၀.၃ သန်း အနက် ၇.၈% သည် အရှေ့တောင်အာရှက ရွှေ့ပြောင်းအလုပ်သမားများဖြစ်ကြောင်း၊ အလုပ်အကိုင် အခွင့်အလမ်းနည်းပါးခြင်း၊ လုပ်ခလစာကွာခြားခြင်း၊ လုပ်သားဈေးကွက် ကွာဟချက်ရှိခြင်း၊ နည်းပညာဖွံ့ဖြိုးတိုးတက်မှု မြန်ဆန်လာခြင်းကြောင့် ရွှေ့ပြောင်းသွားလာလုပ်ကိုင်မှု မြင့်တက်နေသည် ကို လေ့လာတွေ့ရှိရကြောင်း၊ မြန်မာနိုင်ငံအနေဖြင့် ရွှေ့ပြောင်းသွားလာ လုပ်ကိုင်ခြင်းဆိုင်ရာမူဝါဒများ ချမှတ်ထားပြီး ၁၉၉၉ ခုနှစ် ပြည်ပအလုပ်အကိုင်ဆိုင်ရာ ဥပဒေအရ အစိုးရပြည်ပ အလုပ်အကိုင် အေဂျင်စီ တစ်ခုအပါအဝင် ပြည်ပအလုပ်အကိုင် အကျိုးဆောင်လိုင်စင်ရ အေဂျင်စီ ၂၇၇ ခုနှင့် ထိုင်း နိုင်ငံ၊ စင်္ကာပူနိုင်ငံ၊ မလေးရှားနိုင်ငံ၊ ကိုရီးယားသမ္မတနိုင်ငံ၊ ဂျပန်နိုင်ငံ၊ အရှေ့အလယ်ပိုင်းနိုင်ငံအချို့နှင့် ပြည်ပနိုင်ငံများသို့ မြန်မာအလုပ်သမားများကို စနစ်တကျ စေလွှတ်ပေးလျက်ရှိကြောင်း ပြောကြား ခဲ့သည်။
ဆက်လက်၍ ပြည်ထောင်စုဝန်ကြီးမှ ရွှေ့ပြောင်းအလုပ်သမားများအတွက် စိန်ခေါ်မှုများခြင်း ကြောင့် ရွှေ့ပြောင်းသွားလာခြင်းဆိုင်ရာ နိုင်ငံတကာအဖွဲ့အစည်းအပါအဝင် ဆက်စပ်ဝန်ကြီးဌာနများ၊ အပြည်ပြည်ဆိုင်ရာအဖွဲ့အစည်းများ၊ အစိုးရမဟုတ်သည့်အဖွဲ့အစည်းများနှင့် ပူးပေါင်းရေးဆွဲထားသည့် “နိုင်ငံတကာလုပ်သားများရွှေ့ပြောင်းခြင်းစီမံခန့်ခွဲမှုဆိုင်ရာအမျိုးသားအဆင့်ဒုတိယ(၅)နှစ်တာလုပ်ငန်း စီမံချက် (၂၀၁၈-၂၀၂၂)” ကိုအကောင်အထည်ဖော် ဆောင်ရွက်လျက်ရှိပါကြောင်း၊ အရှေ့တောင်အာရှ နှင့် အခြားနိုင်ငံများတွင် သင့်လျော်ကောင်းမွန်သော အလုပ်အကိုင်ရရှိစေခြင်းဖြင့် ဂုဏ်သိက္ခာရှိသော ရွှေ့ပြောင်းသွားလာမှုဖြစ်စေရေး မြန်မာရွှေ့ပြောင်းအလုပ်သမားများကို ပံ့ပိုးပေးရန် ရေရှည်မျှော်မှန်း ထားကြောင်း၊ အမျိုးသားအဆင့် ဒုတိယ (၅) နှစ်တာ လုပ်ငန်းစီမံချက်တွင် ရွှေ့ပြောင်းလုပ်သားများကို အကာအကွယ်ပေးခြင်းနှင့်ဆိုင်သည့် လုပ်ထုံးလုပ်နည်းများ ပိုမိုခိုင်မာအားကောင်းအောင် လုပ်ဆောင် ခြင်း၊ ဘေးကင်းလုံခြုံစိတ်ချရသည့် လုပ်သားစုဆောင်းခြင်း၊ ပြည်ပမထွက်ခွာမီနှင့် အလုပ်မခန့်မီပို့ချ ပေးသော လုပ်ငန်းခွင်အကြိုသင်တန်းများနှင့် ကျွမ်းကျင်မှုသင်တန်းများ၊ ဥပဒေ ကြောင်းအရ ကူညီပံ့ပိုး ပေးခြင်း၊ ပြည်ပရောက်ရွှေ့ပြောင်းလုပ်သားများအတွက် အထောက်အပံ့ဖြစ်စေ မည့်ဝန်ဆောင်မှုများ ပေးခြင်း၊ အမျိုးသားစီးပွားရေးဖွံ့ဖြိုးမှု မူဝါဒများချမှတ်ရာတွင်လုပ်သား ရွှေ့ပြောင်းခြင်းနဲ့ စပ်လျဉ်း၍ ကဏ္ဍအလိုက်ထည့်သွင်းခြင်း၊ မိသားစုလွှဲပို့ငွေများ စနစ်တကျဖြစ်ရေးနှင့်ကောင်းမွန်စွာ အသုံးချရေး၊ ရွှေ့ပြောင်းလုပ်သားများ၏ မိသားစုများအားပံ့ပိုးကူညီခြင်း၊ ရွှေ့ပြောင်းလုပ်သားများနေရပ်ပြန်ခြင်းနှင့် မိသားစုပြန်လည်ပေါင်းစည်းခြင်း၊ ပြည်ပအလုပ်အကိုင်အခွင့်အလမ်း ပိုမိုရရှိစေရေးဆောင်ရွက်ခြင်း၊ လုပ်သားများရွှေ့ပြောင်းခြင်းဆိုင်ရာ သတင်းအချက်အလက်များ၊ စီမံခန့်ခွဲမှုစနစ်များ တိုးတက်အောင် လုပ်ဆောင်ခြင်း၊ နှစ်နိုင်ငံပူးပေါင်းဆောင်ရွက်မှု၊ ဒေသတွင်းနိုင်ငံများနှင့် ပူးပေါင်းဆောင်ရွက်မှု၊ နိုင်ငံ တကာနှင့်ပူးပေါင်းဆောင်ရွက်မှုစသည့်မဟာဗျူဟာမြောက်ကဏ္ဍများထည့်သွင်းထားကြောင်းပြောကြား ခဲ့သည်။
ဆက်လက်၍ လုပ်ငန်းအဖွဲ့မှ အတွင်းရေးမှူးနှင့် IOM မှ Liaison and Programme Officer တို့က နိုင်ငံတကာလုပ်သားများ ရွှေ့ပြောင်းခြင်းစီမံခန့်ခွဲမှုဆိုင်ရာ အမျိုးသားအဆင့် ဒုတိယ (၅)နှစ်တာ လုပ်ငန်းစီမံချက် (၂၀၁၈-၂၀၂၂) စပ်လျဉ်း၍ လုပ်ငန်းဆောင်ရွက်မှုနှင့် အကြောင်းအရာများကို ရှင်းလင်း ပြောကြားခဲ့ကြောင်း သတင်းရရှိသည်။

ရန်ကုန်မြို့ မေလ ၁၁ရက်
အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့သည် ပြင်ပလူနာဝန်ဆောင်မှုဆိုင်ရာ ကျန်းမာရေးစောင့်ရှောက်မှုကို တိုးမြှင့်ဆောင်ရွက်နိုင်ရန် အတွက် OSCအထွေထွေရောဂါကုဆေးရုံနှင့် ပူးပေါင်း၍ လူမှုဖူလုံရေး-OSC အထွေထွေရောဂါ ကုဆေးခန်း ဖွင့်လှစ်ခြင်းအခမ်းအနားကိုယနေ့နံနက်ပိုင်းတွင် ရန်ကုန်တိုင်းဒေသကြီး၊မြောက်ဥက္ကလာပမြို့နယ်၊ OSCအထွေထွေရောဂါကုဆေးရုံ၌ ကျင်းပခဲ့ပါသည်။
အခမ်းအနားပထမအစီအစဉ်အရ အလုပ်သမား၊ လူဝင်မှုကြီးကြပ်ရေ:နှင့် ပြည်သူ့အင်အား ဝန်ကြီးဌာန၊ ပြည်ထောင်စုဝန်ကြီး၊ ရန်ကုန်တိုင်းဒေသကြီးအစိုးရအဖွဲ့၊ စီမံကိန်းနှင့်ဘဏ္ဍာရေး ဝန်ကြီး၊ ပြည်သူ့လွှတ်တော်ကိုယ်စားလှယ်၊ OSC ဆေးရုံတာဝန်ခံ၊ အလုပ်ရှင်ကိုယ်စားလှယ်နှင့် အလုပ်သမားကိုယ်စားလှယ် တို့က ဆေးခန်းကို ဖဲကြိုးဖြတ်ဖွင့်လှစ်ပေးကာ ဆေးခန်းအတွင်း လှည့်လည်ကြည့်ရှု့ကြသည်။
ဆက်လက်ပြီး အခမ်းအနား ဒုတိယပိုင်း အစီအစဉ်ကို ကျင်းပခဲ့ရာ အခမ်းအနားတွင် ပြည်ထောင်စုဝန်ကြီး ဦးသိန်းဆွေက အမှာစကားပြောကြားရာတွင် မြန်မာနိုင်ငံအနေဖြင့် လူမှု ကာကွယ်စောင့်ရှောက်ရေးကို ဆောင်ရွက်ခြင်းဖြင့် သာတူညီမျှမှုနှင့်သဟဇာတဖြစ်မှုများထွန်းကား သော မြန်မာ့လူ့ဘောင်တစ်ရပ် တည်ဆောက်ရန် မျှော်မှန်းပြီး နိုင်ငံသူနိုင်ငံသားများ၏ လူမှုစီးပွား ဘဝလိုအပ်ချက်များ ဖြည့်ဆည်းဆောင်ရွက်ပေးနိုင်ရန်အတွက် မြန်မာနိုင်ငံ၏ လူမှုကာကွယ်စောင့် ရှောက်ရေးမဟာဗျူဟာစီမံချက်ကိုရေးဆွဲပြီး သက်ဆိုင်ရာဝန်ကြီးဌာနများ ပူးပေါင်း၍ အကောင် အထည်ဖော်ဆောင်ရွက်လျက်ရှိပါကြောင်း၊
လူမှုဖူလုံရေးအဖွဲ့သည် မြန်မာနိုင်ငံတွင် တစ်ခုတည်းသော ကျန်းမာရေးစောင့်ရှောက်မှု အာမခံစနစ်ဆောင်ရွက်လျက်ရှိသည့် အဖွဲ့အစည်းဖြစ်ပြီး၂၀၁၂ခုနှစ်၊ လူမှုဖူလုံရေးဥပဒေနှင့်အညီ အလုပ်သမား၊အလုပ်ရှင်တို့၏ ထည့်ဝင်ကြေးငွေတို့ဖြင့် နိုင်ငံတော်၏ အဓိကကုန်ထုတ်စွမ်းအားစု ဖြစ်သည့် အလုပ်သမားများ၏ လူမှုဘဝလုံခြုံရေးနှင့် ကျန်းမာရေးစောင့်ရှောက်မှုများကို ပိုမိုခံစား ရရှိစေရန် လူမှုဖူလုံရေးစီမံကိန်းကို ချမှတ်ဆောင်ရွက်လျက်ရှိပါကြောင်း၊
အာမခံအလုပ်သမားများ၏ ကျန်းမာရေးစောင့်ရှောက်မှုများကို မြှင့်တင်ဆောင်ရွက်နိုင်ရန် ဝန်ဆောင်မှုပေးသူနှင့် ဝန်ဆောင်မှုဝယ်ယူသူ ခွဲခြားလုပ်ကိုင်သည့် Provider Purchaser Split (PPS)စနစ်ကို အကောင်အထည်ဖော် ဆောင်ရွက်နိုင်ရေးအတွက် စမ်းသပ်ဆေးခန်းများကို ၂၀၁၈ ခုနှစ် တွင်စတင်၍ ဆေးခန်း (၆) ခန်းဖွင့်လှစ်ခဲ့ပါကြောင်း၊ ရန်ကုန်တိုင်းဒေသကြီးအတွင်း အလုပ် လုပ်ကိုင်နေကြတဲ့ အာမခံအလုပ်သမားများ၏ ကျန်းမာရေးစောင့်ရှောက်မှုကို အဆင်ပြေ စွာရရှိ နိုင်စေရန် လူမှုဖူလုံရေး-OSC အထွေထွေရောဂါကုဆေးခန်းကိုစမ်းသပ်စီမံကိန်း (Pilot Project) အနေဖြင့်ထပ်မံတိုးချဲ့ဆောင်ရွက်ခြင်းဖြစ်ပါကြောင်း ပြောကြားသည်။
ဆက်လက်၍ ရန်ကုန်တိုင်းဒေသကြီးအစိုးရအဖွဲ့၊ စီမံကိန်းနှင့်ဘဏ္ဍာရေးဝန်ကြီး ဦးမြင့်သောင်း က ကျန်းမာရေးကဏ္ဍတွင် ရင်းနှီးမြှုပ်နှံခြင်းသည်ပြည်သူလူထု၏ ကျန်းမာရေး အခြေအနေကိုတိုးတက်လာနိုင်စေရုံမျှမကစီးပွားရေးဖွံ့ဖြိုးတိုးတက်မှုကိုလည်းအထောက်အကူပြုစေပြီးအရည်အသွေးပြည့်ဝသည့် ကျန်းမာရေးစောင့်ရှောက်မှုကို လူတိုင်းလက်လှမ်းမီရရှိရေးသည် နိုင်ငံတော်၏ ရေရှည်တည်တံ့သည့် ဖွံ့ဖြိုးတိုးတက်မှုအတွက် အဓိကကျသည့်ကိစ္စရပ်တစ်ခုဖြစ် ပါကြောင်း၊ ဆေးဝါးကုသမှုပေးခြင်းလုပ်ငန်းကို အာမခံအလုပ်သမားများ စိုက်ထုတ်သုံးစွဲမှုမရှိ အောင်ဆောင်ရွက်ပေးပြီး ဆေးဖိုးစိုက်ထုတ်သုံးစွဲငွေများကို ပြန်လည်တောင်းခံရာမှာ မြန်မြန် ဆန်ဆန်ခွင့်ပြုထုတ်ပေးခြင်းဖြင့် အလုပ်သမားများရဲ့ယုံကြည်အားထားမှုကို ပိုမိုရရှိစေမှာ ဖြစ်ပါကြောင်း၊
ရန်ကုန်တိုင်းဒေသကြီးတွင် စက်မှုဇုန် (၂၉)ဇုန်၊ အထူးစီးပွားရေးဇုန် (၁) ဇုန်ရှိပြီး လုပ်သား အင်အား (Labour Force) မှာ (၃.၀၉) သန်း ခန့်ရှိတဲ့အတွက် အခြားတိုင်းဒေသကြီး၊ ပြည်နယ်များ ထက်လုပ်သားအင်အားများပြားပြီး ဒေသတွင်းရွှေ့ပြောင်းလုပ်ကိုင်တဲ့ အလုပ်သမား များပြားလျက် ရှိတာကို တွေ့ရှိရမှာဖြစ်ကြောင်း၊လူမှုဖူလုံရေးအဖွဲ့မှာရှိတဲ့ ဆေးရုံ၊ ဆေးခန်းများ အပြင် ခေတ်မီ ဆေးရုံတစ်ရုံဖြစ်တဲ့ OSC ဆေးရုံနဲ့စာချုပ်ချုပ်ဆိုပြီးအလုပ်သမားတွေရဲ့ ကျန်းမာရေးစောင့်ရှောက် မှုကိုပိုမိုကောင်းမွန်အောင် ဆောင်ရွက်ပေးတာဖြစ်လို့ ဝမ်းမြောက်ဝမ်းသာကြိုဆိုပါကြောင်းနှင့် ယခုလိုဆောင်ရွက်ပေးတဲ့အတွက် အလုပ်သမားတွေရဲ့ ကျန်းမာရေးစောင့်ရှောက်မှု ကုန်ကျစရိတ် ကို တစ်ဖက်တစ်လမ်းက သက်သာစေမှာဖြစ်ပါကြောင်း၊
လူမှုဖူလုံရေးအဖွဲ့မှ ဆောင်ရွက်လျက်ရှိတဲ့ လူမှုဖူလုံရေးစီမံကိန်းဟာ အလုပ်သမားတွေရဲ့ လူမှုစီးပွားဘဝအထောက်အကူဖြစ်စေမည့်အပြင် နိုင်ငံတော်၏ ဖွံ့ဖြိုးတိုးတက်မှုအတွက်လည်း အထောက်အကူပေးနိုင်မှာဖြစ်တဲ့အတွက် ဒီပြုပြင်ပြောင်းလဲမှုကိုအောင်မြင်စွာ အကောင်အထည် ဖော်တဲ့နေရာမှာ မိမိတို့ ရန်ကုန်တိုင်းဒေသကြီး အစိုးရအဖွဲ့အနေဖြင့်လည်း ပူးပေါင်းပါဝင်ဆောင် ရွက်သွားမှာဖြစ်ပါကြောင်း၊ အလုပ်ရှင်၊ အလုပ်သမားများ၊ ဆေးရုံမှတာဝန်ရှိသူများ၊ ဌာနဆိုင်ရာ အသီးသီးမှတက်ညီလက်ညီ ပူးပေါင်းပါဝင်သွားကြဖို့တိုက်တွန်း ပြောကြားလိုပါကြောင်းပြောကြား သည်။
၎င်းနောက် OSC ဆေးရုံမှ တာဝန်ရှိသူ ဦးသူရအောင်က ဆေးခန်းဖွင့်လှစ်ရခြင်းနှင့်ပတ် သက်၍ ရှင်းလင်းတင်ပြပြီး၊ အလုပ်ရှင်ကိုယ်စားလှယ် ဦးအေးထွေး(Hollywood ပေါင်မုန့် စက်ရုံ) နှင့်အလုပ်သမားကိုယ်စားလှယ် ဒေါ်နှင်းရီအေး (ရှင်ဆောင်းအထည်ချုပ်စက်ရုံ) တို့က ကျေးဇူးတင် စကားပြောကြားသည်။ ထို့နောက် ပြည်ထောင်စုဝန်ကြီးမှ ဒေါက်တာသန်းဝင်း ပြည်သူ့လွှတ်တော် ကိုယ်စားလှယ်နှင့်ဦးမြင့်လွင်၊ တိုင်းဒေသကြီးလွှတ်တော် ကိုယ်စားလှယ်တို့အား လည်းကောင်း၊ ရန်ကုန်တိုင်းဒေသကြီး အစိုးရအဖွဲ့၊ စီမံကိန်းနှင့်ဘဏ္ဍာရေးဝန်ကြီး မှ အလုပ်ရှင်ကိုယ်စားလှယ် ဦးအေးထွေးနှင့် အလုပ်သမားကိုယ်စားလှယ် ဒေါ်နှင်းအေးရည် အားလည်းကောင်း၊ ဦးအောင်မင်း (Chir Man OSC) ဆေးရုံ မှပြည်ထောင်စုဝန်ကြီးနှင့် ရန်ကုန်တိုင်းဒေသကြီး အစိုးရအဖွဲ့၊ စီမံကိန်း နှင့်ဘဏ္ဍာရေးဝန်ကြီး တို့အားလည်းကောင်း၊ လူမှုဖူလုံရေးအဖွဲ့ ညွှန်ကြားရေးမှူးချုပ် မှ မြို့နယ် အထွေထွေအုပ်ချုပ်ရေးမှူးနှင့် ဦးသူရအောင် (ManagingDirector)OSCဆေးရုံ တို့အား လည်းကောင်း ဖွင့်ပွဲအထိမ်းအမှတ် ဂုဏ်ပြုလက်ဆောင် များပေးအပ်ခဲ့ပါသည်။
အကျုံးဝင်အာမခံအလုပ်သမားများအတွက် ကျန်းမာရေးစောင့်ရှောက်မှု လုပ်ငန်းမျာကိုပိုမို ထိရောက်ကျယ်ပြန့်စွှာဆောင်ရွက်ပေးနိုင်ရေးအတွက် ပုဂ္ဂလိကဆေးရုံ၊ဆေးခန်းများနှင့်သဘောတူ စာချုပ်ချုပ်ဆိုပြီး Provider Purchaser Split (PPS) စနစ်အရပြင်ပလူနာ ကျန်းမာရေးစောင့် ရှောက်မှုကို အဆင့်မြှင့်တင်ဆောင်ရွက်ခြင်းနှင့် နိုင်ငံတကာ၌ကျင့်သုံးလျက်ရှိသည့် Capitation စနစ်အရငွေပေးချေမှုဖြင့် ဆေးခန်းများ ကိုဖွင့်လှစ်၍ လည်းကောင်း၊ ကျန်းမာရေးဝန်ဆောင်မှု ကုမ္ပဏီများနှင့် သဘောတူစာချုပ်ချုပ်ဆိုပြီးဝန်ဆောင်မှု တစ်ကြိမ် အတွက် သတ်မှတ်နှုန်းထားဖြင့် ငွေပြန်လည်ပေးချေခြင်း (Per Visit) ဖြင့်လည်းကောင်း၊ ဆေးဝါးသုံးစွဲမှုအတွက် (Fee for Service) ဖြင့်ငွေပြန်လည်ပေးချေခြင်း ဖြင့်လည်းကောင်း စမ်းသပ်ကျင့်သုံးအကောင်အထည်ဖော်ခြင်းတို့ကို ဆောင်ရွက်လျက်ရှိကြောင်းသိရသည်။

ရန်ကုန် မေ ၁၀

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ အလုပ်သမားရေးရာ ဆက်ဆံရေးဦးစီးဌာနမှ ကျင်းပပြုလုပ်သော အလုပ်သမားရေးရာအငြင်းပွားမှုဖြေရှင်းရေးဆိုင်ရာ နှီးနှောဖလှယ်ပွဲကို၁၀-၅-၂၀၁၉ရက်နေ့၊နံနက်(၉:၀၀)နာရီတွင် ရန်ကုန်တိုင်းဒေသကြီး၊ ရန်ကုန်မြို့၊ Panda Hotel ၌ကျင်းပပြုလုပ်ခဲ့ရာ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီး ဌာန၊ ပြည်ထောင်စုဝန်ကြီး ဦးသိန်းဆွေ၊ ရန်ကုန်တိုင်းဒေသကြီး အစိုးရအဖွဲ့ဝင် ရခိုင်တိုင်းရင်းသား လူမျိုးရေးရာဝန်ကြီး ဦးဇော်အေးမောင်၊ အမျိုးသားလွှတ်တော်၊ လူဝင်မှုကြီးကြပ်ရေးနှင့် ပြည်တွင်း ပြည်ပအလုပ်သမားဆိုင်ရာကော်မတီ ဥက္ကဋ္ဌ ဦးကျော်ထွေး နှင့် အဖွဲ့ဝင်၊ ဧရာဝတီတိုင်းဒေသကြီး အစိုးရအဖွဲ့ဝင် လူမှုရေးဝန်ကြီး ဒေါက်တာလှမြတ်သွေး၊ ရန်ကုန်တိုင်းဒေသကြီးလွှတ်တော် ကိုယ် စားလှယ်များ၊ အမြဲတမ်းအတွင်းဝန် ဦးမျိုးအောင်၊ ILO Liaison Officer Mr.RoryMungoven၊ ပြည်ထောင်စုသမ္မတ မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI)၊ မြန်မာနိုင်ငံတောင်သူလယ်သမား၊ စိုက်ပျိုးရေးနှင့် စားသောက်ကုန်ထုတ်လုပ်ငန်း ပေါင်းစုံ အလုပ်သမားသမဂ္ဂများအဖွဲ့ချုပ် (AFFM-IUF)၊ မြန်မာနိုင်ငံစက်မှုလက်မှုနှင့် ဝန်ဆောင်မှု လုပ်ငန်းပေါင်းစုံအလုပ်သမားသမဂ္ဂအဖွဲ့ချုပ်(MICS-TUsF)၊ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန လက်အောက်ရှိ ဦးစီးဌာန၊ အဖွဲ့ရုံးများမှ ရန်ကုန်တိုင်းဒေသကြီးတာဝန်ခံ များ၊ ခုံသမာဓိကောင်စီဝင်များ၊ ရန်ကုန်တိုင်းဒေသကြီး၊ ရခိုင်ပြည်နယ်၊ ကရင်ပြည်နယ်၊ မွန်ပြည် နယ်၊ ဧရာဝတီတိုင်းဒေသကြီး၊ ပဲခူးတိုင်းဒေသကြီးနှင့် တနင်္သာရီတိုင်းဒေသကြီးရှိ ခုံသမာဓိအဖွဲ့ဝင် များ၊ ရန်ကုန်တိုင်းဒေသကြီးအတွင်းရှိ မြို့နယ်ညှိနှိုင်းဖျန်ဖြေရေးအဖွဲ့ဝင်များ စုစုပေါင်း (၁၃၂) ဦးခန့် တက်ရောက်ခဲ့ကြပါသည်။

နှီးနှောဖလှယ်ပွဲတွင် ပြည်ထောင်စုဝန်ကြီးကအလုပ်သမားရေးရာအငြင်းပွားမှုဖြေရှင်းရေး ဆိုင်ရာနှီးနှောဖလှယ်ပွဲပြုလုပ်ခြင်းဖြင့် အလုပ်ရှင်၊ အလုပ်သမား အကြား အငြင်းပွားမှုများကို ဥပဒေနှင့်အညီလက်တွေ့ အကောင်အထည်ဖော် ဖြေရှင်းဆောင်ရွက်နေကြသော မြို့နယ်ညှိနှိုင်း ဖျန်ဖြေရေးအဖွဲ့ဝင်များ၊ ခုံသမာဓိအဖွဲ့ဝင်များ၊ ခုံသမာဓိကောင်စီဝင်များ၏ အငြင်းပွားမှုဖြေရှင်း ရေးဆိုင်ရာအတွေ့အကြုံများအပြန်အလှန်ပေါင်းစပ် ဖလှယ်နိုင်သောကြောင့် နောင်တွေ့ကြုံရမယ့် အငြင်းပွားမှုများကိုဖြေရှင်းရာမှာများစွာ အထောက်အကူဖြစ်စေကြောင်း၊ အငြင်းပွားမှု များအား ထိရောက်စွာဖြေရှင်းနိုင်ရေးအတွက် အငြင်းပွားမှုဖြေရှင်းရေးယန္တရားခိုင်မာအားကောင်းရန် လိုအပ် သကဲ့သို့ အငြင်းပွားမှုဖျန်ဖြေဆုံးဖြတ်သည့်အဖွဲ့ဝင်များ၏ စွမ်းဆောင်ရည်အပေါ်တွင်လည်းမူတည် ကြောင်း၊ ၎င်းအပြင် အလုပ်ရှင်နှင့် အလုပ်သမားများသည် တည်ဆဲအလုပ်သမားဥပဒေများကို သိရှိ လေးစားလိုက်နာရန်လည်းလိုအပ်ပါကြောင်း၊ ယနေ့ပြုလုပ်တဲ့ နှီးနှောဖလှယ်ပွဲတွင် ဝိုင်းဝန်းဆွေးနွေးခြင်းဖြင့် အလုပ်ရှင်နှင့်အလုပ်သမားအငြင်းပွားမှုများကို ထိရောက်စွာဖြေရှင်းနိုင်မည့်နည်းလမ်း များနှင့် ဆုံးဖြတ်ချက်ရလဒ်ကောင်းများထွက်ပေါ်လာမည်ဟုယုံကြည်ကြောင်းပြောကြားခဲ့ပါသည်။

ဆက်လက်၍ တက်ရောက်လာကြသည့် မြို့နယ်ညှိနှိုင်းဖျန်ဖြေရေးအဖွဲ့ဝင်များ၊ ခုံသမာဓိ အဖွဲ့ဝင်များ၊ ခုံသမာဓိကောင်စီဝင်များမှ လက်ရှိဖြစ်ပေါ်နေသောအလုပ်သမားရေးရာ အငြင်းပွားမှု ကိစ္စရပ်များနှင့်စပ်လျဉ်း၍ ၂၀၁၂ ခုနှစ်၊ အလုပ်သမားရေးရာအငြင်းပွားမှုဖြေရှင်းရေး ဥပဒေနှင့်အညီ ဖြေရှင်းဆောင်ရွက်ခဲ့သည့် အတွေ့အကြုံများ၊ အားသာချက်၊ အားနည်းချက်များနှင့် စိန်ခေါ်မှုများ ကိုအချင်းချင်းရင်းနှီးပွင့်လင်းစွာဆွေးနွေး၍ အသိအမြင်များဖလှယ်ခဲ့ကြ ပြီးအလုပ်သမားရေးရာ အငြင်းပွားမှုဖြေရှင်းရေးနည်းဥပဒေပြင်ဆင်နိုင်ရေးအတွက် လိုအပ်သည့်အကြံပြုချက်များဆွေးနွေး ခဲ့ကြကြောင်းသိရသည်။

အလုပ်သမားရေးရာအငြင်းပွားမှုဖြေရှင်းရေးဥပဒေအရညှိနှိုင်းဖျန်ဖြေရေးအဖွဲ့၊ခုံသမာဓိအဖွဲ့နှင့် ခုံသမာဓိကောင်စီတို့ဖြင့် အဆင့်ဆင့် ညှိနှိုင်းဖျန်ဖြေဆုံးဖြတ်ပေးလျက်ရှိရာ ၂၀၁၈ ခုနှစ်၊ ဇန်နဝါရီလမှ ၂၀၁၉ ခုနှစ် ဧပြီလအထိညှိနှိုင်းဖျန်ဖြေရေးအဖွဲ့များမှ (၁၅၆၀)မှု၊ ခုံသမာဓိအဖွဲ့များမှ (၁၃၉)မှု၊ ခုံသမာဓိကောင်စီမှ (၇၁)မှုကို ဖြေရှင်းဆောင်ရွက်ပြီးစီးခဲ့သည်ဟု သိရှိရပြီး ယခုကဲ့သို့ နှီးနှောဖလှယ်ပွဲတွင် တွေ့ဆုံဆွေးနွေးခြင်းဖြင့် အလုပ်သမားရေးရာအငြင်းပွားမှုဖြေရှင်းရေးဥပဒေ၊ နည်းဥပဒေများနှင့်အညီအလုပ်ရှင်နှင့်အလုပ်သမားအငြင်းပွားမှုများကိုထိရောက်စွာဖြေရှင်းနိုင်မည့် နည်းလမ်းများနှင့် ဆုံးဖြတ်ချက်ရလဒ်ကောင်းများကိုသိရှိလာနိုင်ခြင်း၊ အငြင်းပွားမှုနည်းပါးသည့် ဒေသများမှ ကိုယ်စားလှယ်များအနေဖြင့် အငြင်းပွားမှုများပြားသည့်ဒေသမှ ကိုယ်စားလှယ်များ၏ ဆွေးနွေးချက်များကိုသိရှိခြင်းဖြင့်အသိအမြင် ဗဟုသုတများတိုးပွားလာနိုင်ပြီး မိမိတို့ဒေသတွင် အငြင်းပွားမှုများဖြေရှင်းဆောင်ရွက်ရမည်ဆိုပါက သာဓကကောင်းများအဖြစ်ကိုးကားနိုင်မည်ဖြစ် ကြောင်းသိရှိရပါသည်။

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန မှ တင်ဒါခေါ်ယူခဲ့သည့် ရုံးအမှတ် (၅၁) အဆောက်အဦး Inter Call System တယ်လီ ဖုန်းလိုင်း တပ်ဆင်ခြင်းလုပ်ငန်းဆောင်ရွက်ရန် …20190510_115414