အလုပ်သမားရေးရာဆိုင်ရာ ရုံးအမှတ်(၅၁) ၊ နေပြည်တော် မှ ၂၀၁၈-၂၀၁၉ ဘဏ္ဍာရေးနှစ်အတွင်း ဆေးရုံသုံးပစ္စည်းကိရိယာများဝယ်ယူရန်အတွက် တင်ဒါအောင်မြင်သူများကြေညာခြင်း

အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန
အလုပ်သမားရေးရာဆိုင်ရာ ရုံးအမှတ်(၅၁) ၊ နေပြည်တော် မှ
၂၀၁၈-၂၀၁၉ ဘဏ္ဍာရေးနှစ်အတွင်း ဆေးရုံသုံးပစ္စည်းကိရိယာများဝယ်ယူရန်အတွက်
တင်ဒါအောင်မြင်သူများကြေညာခြင်း

တင်ဒါအောင်မြင်သည့် စာရင်းအပြည့်အစုံ

အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန အလုပ်သမားရေးရာဆိုင်ရာ ရုံးအမှတ်(၅၁) ၊ နေပြည်တော် မှ ၂၀၁၈-၂၀၁၉ ဘဏ္ဍာရေးနှစ် အတွင်း တည်ဆောက်ရေးလုပ်ငန်းများဆောင်ရွက်ရန် သက်ဆိုင်ရာလုပ်ငန်းများအလိုက် တင်ဒါအောင်မြင်သည့် ကုမ္ပဏီများစာရင်းအား ကြေညာအပ်ပါသည်… လုပ်ငန်းအလိုက် တင်ဒါအောင်မြင်သူများစာရင်း အပြည့််အစုံ

နေပြည်တော်၊ ဇူလိုင်  ၁၇

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ ပြည်ထောင်စုဝန်ကြီး ဦးသိန်းဆွေသည် ကုလသမဂ္ဂအတွင်းရေးမှူးချုပ်၏  မြန်မာနိုင်ငံဆိုင်ရာ အထူးကိုယ်စားလှယ်    Mrs. Christine Scharaner Burgener ဦးဆောင်သည့် ကိုယ်စားလှယ်အဖွဲ့အား ဇူလိုင်လ (၁၇)ရက် ယနေ့ နံနက် (၁၀) နာရီအချိန်တွင် နေပြည်တော်ရှိ အဆိုပါဝန်ကြီးဌာန၊ ပြည်ထောင်စု ဝန်ကြီး၏ ဧည့်ခန်းမ၌ လက်ခံတွေ့ဆုံသည်။

ထိုသို့တွေ့ဆုံရာတွင် ပြည်ထောင်စုဝန်ကြီးနှင့်အတူ တာဝန်ရှိသူများတက်ရောက်ခဲ့ကြပြီး ကုလသမဂ္ဂအထူးကိုယ်စားလှယ်အဖွဲ့အနေဖြင့် ယခုခရီးစဉ်အတွင်း ရခိုင်ပြည်နယ်သို့ သွား ရောက်ခဲ့မှုနှင့် ရခိုင်ပြည်နယ်အတွင်း ဖြစ်ပေါ်တိုးတက်မှုများနှင့်ပတ်သက်၍ မြင်တွေ့သိရှိခဲ့မှု အခြေအနေများ၊ မိမိတို့ဝန်ကြီးဌာနမှ ရခိုင်ပြည်နယ်အတွင်း နိုင်ငံသားစိစစ်ခံရမည့်သူ၏ သက်သေခံကတ်ပြား (NV Card) ထုတ်ပေးမှုနှင့်  တစ်နိုင်ငံလုံးအတိုင်းအတာဖြင့် NV Card ထုတ်ပေးပြီးစီးမှုအခြေအနေ၊ မောင်တောမြို့နယ်၌ ဝန်ထမ်းများစုဖွဲ့အခြေပြု၍ NV Card ထုတ်ပေးနေမှုအခြေအနေ၊ NV Card ထုတ်ပေးပြီးသူများအား နိုင်ငံသားစိစစ်ခံရန် လျှောက်ထား နိုင်ပြီး သတ်မှတ်ကာလအတွင်း ၎င်းကိုင်ဆောင်သင့်သည့် ကတ်ပြားတစ်မျိုးမျိုး ထုတ်ပေးနိုင်ရေး အတွက် စီစဉ်ဆောင်ရွက်မှု၊ NV Card သည် မြန်မာနိုင်ငံအတွင်းနေထိုင်ကြောင်းနှင့် NV Card ကိုင်ဆောင်၍ သတ်မှတ်ဒေသတွင်း လွတ်လပ်စွာသွားလာနိုင်မှုနှင့် ရရှိခံစားရမည့် အကျိုးကျေးဇူး များ၊ ရခိုင်ပြည်နယ်အတွင်း နှစ်ဖက်အဖွဲ့အစည်းများ အဆင်ပြေစွာဆက်ဆံနေထိုင်နိုင်ရေးအတွက် ကြိုးပမ်းဆောင်ရွက်နေမှု အခြေအနေများ၊  ဘင်္ဂလားဒေ့ရှ်နိုင်ငံသို့ နေရပ်စွန့်ခွာသွားသူများ ပြန်လည်လက်ခံရေးအတွက် မိမိတို့ဝန်ကြီးဌာနနှင့် UNDP / UNHCR တို့ကြား နားလည်မှု စာချွန်လွှာ လက်မှတ်ရေးထိုးဆောင်ရွက်နေမှု၊ နေရပ်စွန့်ခွာသွားသူများအနေဖြင့် မိမိတို့၏ ဆောင်ရွက်ချက်များကို မှန်ကန်စွာ သိရှိခြင်းမရှိဘဲ စိုးရိမ်ကြောင့်ကြမှုများရှိနေမှု၊ မှန်ကန် သောသတင်းအချက်အလက်များရရှိရေးနှင့် ပြန်လည်လက်ခံရေးလုပ်ငန်းစဉ်များ အသင့်ပြင်ဆင် ထားရှိမှုအခြေအနေများကို သိရှိနိုင်ရေးအတွက် မိမိတို့အနေဖြင့် ကြိုးပမ်းဆောင်ရွက်နေမှု၊ ပြန်လည်လက်ခံရေးအတွက် မြန်မာ-ဘင်္ဂလားဒေ့ရှ်နှစ်နိုင်ငံ အစည်းအဝေးများ ကျင်းပကာ ညှိနှိုင်း ပူးပေါင်းဆောင်ရွက်နေမှု၊ ပြန်လည်လက်ခံရေးလုပ်ငန်းစဉ်တွင် တွေ့ကြုံရသည့်အခက်အခဲများနှင့် ဖြေရှင်းဆောင်ရွက်နိုင်မည့် နည်းလမ်းများ၊ ကုလသမဂ္ဂအထူးကိုယ်စားလှယ်အနေဖြင့် ယင်း လုပ်ငန်းစဉ်အောင်မြင်ရေးအတွက် ပံ့ပိုးကူညီဆောင်ရွက်ပေးမည့်အစီအစဉ်၊ ရခိုင်ပြည်နယ် တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးအတွက် နိုင်ငံတော်အစိုးရ၏ ဆောင်ရွက်ချက်များ အပေါ် သိရှိနားလည်အသိအမှတ်ပြုမှုနှင့် ဆက်လက်ကူညီဆောင်ရွက်ပေးမည့် အစီအစဉ်များနှင့် စပ်လျဉ်း၍ ရင်းနှီးပွင့်လင်းစွာအမြင်ချင်း ဖလှယ်ဆွေးနွေးခဲ့ကြကြောင်း သတင်းရရှိသည်။

နေပြည်တော်  ဇူလိုင် ၁၅

သဘာဝပတ်ဝန်းကျင် ထိန်းသိမ်းရေးနှင့် ရုံးပတ်ဝန်းကျင်  စိမ်းလန်းစိုပြေရေးတို့ အတွက် ရည်ရွယ်၍ အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၏ မိုးရာသီစုပေါင်း သစ်ပင်စိုက်ပျိုးပွဲကို ယနေ့ ဇူလိုင်လ ၁၅ ရက်၊နံနက်ပိုင်းတွင် နေပြည်တော်ရှိ အဆိုပါဝန်ကြီးဌာန ရုံးအမှတ်(၅၁)အနီးသတ်မှတ်နေရာ ၌ ကျင်းပရာ ရှေးဦးစွာ ပြည်ထောင်စုဝန်ကြီး ဦးသိန်းဆွေက ကံ့ကော်ပျိုးပင်ကို စတင်စိုက်ပျိုးပေးပြီး အမြဲတမ်းအတွင်းဝန် နှင့် ညွှန်ကြားရေးမှူးချုပ်များ၊ ဝန်ထမ်း များက သတ်မှတ်နေရာ အသီးသီး၌ သစ်ပင်ပျိုးပင်များကို တပျော်တပါး စုပေါင်းစိုက်ပျိုးကြရာ ပြည်ထောင်စုဝန်ကြီး နှင့်တာဝန်ရှိသူများက လှည့်လည်ကြည်ရှု့အားပေးကြသည်။

အဆိုပါ မိုးရာသီစုပေါင်း သစ်ပင်စိုက်ပျိုးပွဲတွင် ကံ့ကော်ပင်၊ ပိတောက်ပင်၊ ခရေပင်၊ ရတနာတန်းဝင်ကျွန်းပင်၊ ငုဝါပင်၊ ပျဉ်းကတိုးပင်နှင့် မဟော်ဂနီပင်စသည့် နှစ်ရှည်ပင်ပျိုးပင်ပေါင်း (၃၀၀) ကျော်ကို စုပေါင်း စိုက်ပျိုးခဲ့ကြကြောင်း သတင်းရရှိပါသည်။

နေပြည်တော်၊ ဇူလိုင် ၁၁ ။

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ ပြည်ထောင်စုဝန်ကြီး ဦးသိန်းဆွေသည် ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး(UNHCR) ဌာနေကိုယ်စားလှယ် Mr. Johan Cels အား ဇူလိုင်လ (၁၁) ရက်နေ့ ယနေ့ ညနေ(၄) နာရီတွင် နေပြည်တော်ရှိ အဆိုပါ ဝန်ကြီးဌာန၊ ပြည်ထောင်စုဝန်ကြီး၏ဧည့်ခန်းမ၌ လက်ခံတွေ့ဆုံသည်။

ထိုသို့တွေ့ဆုံရာတွင် ပြည်ထောင်စုဝန်ကြီးနှင့်အတူ အမြဲတမ်းအတွင်းဝန် ဦးအေးလွင်နှင့် တာဝန်ရှိသူများတက်ရောက်ခဲ့ကြပြီး  ဝန်ကြီးဌာနနှင့် UNDP  ၊  UNHCR တို့အကြား  သုံးပွင့်ဆိုင် နားလည်မှုစာချွန်လွှာ သက်တမ်းတိုးမြှင့်နိုင်ခြင်းအတွက် လုပ်ငန်းများဆက်လက် ဆောင်ရွက်နိုင် မှုအခြေအနေ၊ မြန်မာ-ဘင်္ဂလားဒေ့ရှ် နှစ်နိုင်ငံနယ်စပ်အကြားရှိ ပြည်သူများအတွက် ဒေသ လုံခြုံရေးအခြေအနေပေးပါက ဆက်လက်ဆောင်ရွက်သွားမည့်အစီအစဉ်၊ ရခိုင်ပြည်နယ်မှ နေရပ် စွန့်ခွာသွားသူများ ပြန်လည်လက်ခံရေးအတွက် ယခုလအတွင်း မြန်မာကိုယ်စားလှယ်အဖွဲ့ဝင် များ ဘင်္ဂလားဒေ့ရှ်နိုင်ငံသို့ သွားရောက်ညှိနှိုင်းဆွေးနွေးဆောင်ရွက်မည့်အစီအစဉ်၊ မိုးရာသီကာလ အတွင်း ရခိုင်ပြည်နယ် ဘူးသီးတောင်၊ မောင်တောဒေသသို့  UNHCR မှ သွားရောက်ဆောင်ရွက် မည့် အစီအစဉ်များအား ခေတ္တဆိုင်းငံ့ထားမှုနှင့် လုပ်ဆောင်နိုင်မည့် အခြားလုပ်ငန်းများ ဆောင်ရွက်နိုင်ရေးအတွက် ခွင့်ပြုချက်တင်ပြဆောင်ရွက်သွားမည့်အစီအစဉ်၊ ထိုင်းနိုင်ငံရောက် မြန်မာနိုင်ငံသားများ ပြန်လည်လက်ခံရေးအတွက် နှစ်နိုင်ငံ အစိုးရအချင်းချင်း ပူးပေါင်း ဆောင်ရွက်နေမှု၊ ယင်းလုပ်ငန်းစဉ်အပေါ် UNHCR မှ ပံ့ပိုးကူညီဆောင်ရွက်ပေးမှုအခြေအနေ၊ ထိုင်းနိုင်ငံရှိ ဒုက္ခသည်စခန်းများမှ မြန်မာနိုင်ငံသို့ ပြန်လာချင်သူများအတွက် နိုင်ငံသားစိစစ်ရေး လုပ်ငန်းဆောင်ရွက်နေမှုနှင့် ပြန်လည်လက်ခံရေးလုပ်ငန်းများ ဆောင်ရွက်နေမှုအခြေအနေ၊ ထိုင်းနိုင်ငံရှိ မြန်မာရွှေ့ပြောင်းလုပ်သားများအတွက် နှစ်နိုင်ငံညှိနှိုင်းမှုအရ တရားဝင်လုပ်သားများ ဖြစ်စေရေး ကြိုးပမ်းအကောင်အထည်ဖော်ဆောင်ရွက်နေမှု၊ ထိုင်းနိုင်ငံရှိ ဒုက္ခသည်စခန်းများမှ မြန်မာနိုင်ငံသားဟုဆိုသူများ ပြန်လည်လက်ခံရေးလုပ်ငန်းစဉ်တွင် ပံ့ပိုးကူညီပေးနိုင်ရေးအတွက် UNHCR မှ ရေးဆွဲထားသည့် စီမံချက်စာတမ်းအပေါ် လေ့လာသုံးသပ်အကြံပြုပေးနိုင်ရေး အခြေ အနေ၊ ပြန်လည်လက်ခံရေးလုပ်ငန်းစဉ်များတွင် UNHCR မှ နီးကပ်စွာ ပံ့ပိုးကူညီဆောင်ရွက်ပေး မည့် အစီအစဉ်များနှင့်စပ်လျဉ်း၍ ရင်းနှီးပွင့်လင်းစွာ အမြင်ချင်းဖလှယ် ဆွေးနွေးခဲ့ကြကြောင်း သတင်းရရှိသည်။

နေပြည်တော်၊ ဇူလိုင်  ၁၀ ။

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ ပြည်ထောင်စုဝန်ကြီး ဦးသိန်းဆွေသည် ဩစတြီးယားနိုင်ငံ OeSD မှ Senior Government Program Manager,                 Mr. Wilhelm Faul ဦးဆောင်သည့် ကိုယ်စားလှယ်အဖွဲ့အား ဇူလိုင်လ (၁၀) ရက်နေ့ ယနေ့ မွန်းလွဲ(၂)နာရီခွဲတွင် နေပြည်တော်ရှိ အဆိုပါဝန်ကြီးဌာန၊ ပြည်ထောင်စုဝန်ကြီး၏ဧည့်ခန်းမ၌ လက်ခံတွေ့ဆုံသည်။

ထိုသို့တွေ့ဆုံရာတွင် ပြည်ထောင်စုဝန်ကြီးနှင့်အတူ တာဝန်ရှိသူများတက်ရောက်ခဲ့ကြပြီး မြန်မာနိုင်ငံနှင့် ဩစတြီးယားနိုင်ငံတို့အကြား e-Government စနစ် ဆိုင်ရာလုပ်ငန်းများ ပူးပေါင်းဆောင်ရွက်နိုင်ရေးအခြေအနေ၊ e-ID စနစ်လုပ်ငန်းများ အကောင်အထည်ဖော် ဆောင်ရွက်နိုင်ရေးအတွက် ဩစတြီးယားနိုင်ငံအစိုးရမှ ပံ့ပိုးကူညီဆောင်ရွက်ပေးမည့် အစီအစဉ်နှင့် ဩစတြီးယားနိုင်ငံ OeSD မှ မြန်မာနိုင်ငံ၏ Unique ID လုပ်ငန်းအတွက် လုပ်ငန်းစီမံချက်များရေးဆွဲဆောင်ရွက်မှုအခြေအနေ၊ OeSD ၏ လုပ်ငန်းစီမံချက်အပေါ် မိမိတို့ဌာနနှင့် အခြားသောဆက်စပ်ဌာနများ၏ သဘောထားမှတ်ချက်ပြုမှုများနှင့် သဘောထား မှတ်ချက်များအပေါ် OeSD မှ ပြန်လည်ဆောင်ရွက်ပေးမည့်အခြေအနေ၊ UID လုပ်ငန်းအတွက် OeSD ၏ အတွေ့အကြုံများ၊ သိသင့်သိထိုက်သည့်အချက်အလက်များ မျှဝေပေးနိုင်ရေး အခြေအနေနှင့် မိမိတို့ဘက်မှ ကြိုတင်ပြင်ဆင်ဆောင်ရွက်ရမည့် အစီအစဉ်များ၊ UID လုပ်ငန်း ဆောင်ရွက်ရာတွင် Biographic နှင့် Biometric Data များ ကောက်ယူဆောင်ရွက်မည့်အစီအစဉ်၊ နှစ်ဖက်နိုင်ငံအစိုးရ၏ သဘောတူညီမှုအရ လုပ်ငန်းများဆက်လက်ဆောင်ရွက်နိုင်ရေးအတွက် အထက်အဆင့်ဆင့်သို့ တင်ပြဆောင်ရွက်ရမည့်အစီအစဉ်၊ လုပ်ငန်းများအဆင်မြေချောမွေ့စွာ ဆောင်ရွက်နိုင်ရေးအတွက် လုပ်ငန်းဆိုင်ရာအကြံပေးအဖွဲ့ ငှားရမ်းဆောင်ရွက်နိုင်ရေးနှင့် လုပ်ငန်းဆိုင်ရာသဘောတူစာချုပ်များ ချုပ်ဆိုဆောင်ရွက်မည့် အစီအစဉ်၊ UID လုပ်ငန်း အောင်မြင်စွာဆောင်ရွက်ပြီးစီးပါက e-ID စနစ်လုပ်ငန်းအတွက်ဆက်လက်အကောင်အထည်ဖော် ဆောင်ရွက်မည့်လုပ်ငန်းအစီအစဉ်များ၊ မြန်မာနိုင်ငံအတွက် အရေးကြီးသည့် လုပ်ငန်းတစ်ခု ဖြစ်ပြီး ရေရှည်အကျိုးရှိမည့် စီမံချက်ဖြစ်သည်နှင့်အညီ လုပ်ငန်းများမှန်ကန်တိကျစွာဖြင့် သတ်မှတ်ကာလအတွင်း လုပ်ငန်းများအချိန်မီပြီးစီးနိုင်ရေး ကြိုးပမ်းဆောင်ရွက်ရမည့် အခြေအနေ၊  လုပ်ငန်းများအောင်မြင်စွာအကောင်အထည်ဖော်ဆောင်ရွက်နိုင်ရေးအတွက် OeSD မှပံ့ပိုးကူညီဆောင်ရွက်ပေးနိုင်ရေးအခြေအနေများ၊ ရှေ့ဆက်လက်ဆောင်ရွက်မည့်လုပ်ငန်းစဉ် များနှင့်စပ်လျဉ်း၍ ရင်းနှီးပွင့်လင်းစွာဆွေးနွေးခဲ့ကြကြောင်း သတင်းရရှိသည်။

နေပြည်တော် ၊ဇူလိုင်  ၉ ရက်

အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ပြည်ထောင်စုဝန်ကြီး ဦးသိန်းဆွေ သည် မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံသံရုံးမှ သံအမတ်ကြီးဖြစ်သူ H.E. Mr. Chen Hai ဦးဆောင်သောအဖွဲ့အား ယနေ့မွန်းလွဲ ၁၃:၃၀ နာရီ အချိန်တွင် နေပြည်တော်ရှိ အဆိုပါဝန်ကြီးဌာန အစည်းအဝေးခန်းမတွင် လက်ခံတွေ့ဆုံသည်။

ထိုသို့တွေ့ဆုံရာတွင် ပြည်ထောင်စုဝန်ကြီး နှင့်အတူ အလုပ်သမားရေးရာဆိုင်ရာ အမြဲတမ်း အတွင်းဝန် ဦးမျိုးအောင်၊ လူဝင်မှုကြီးကြပ်ရေးနှင့်ပြည်သူ့အင်အားဆိုင်ရာ အမြဲတမ်းအတွင်းဝန် ဦးအေးလွင်၊ညွှန်ကြားရေးမှူးချုပ်များနှင့်တာဝန်ရှိသူများတက်ရောက်ခဲ့ကြပြီး ပြည်ထောင်စုဝန်ကြီး က ဝန်ကြီးဌာနအနေဖြင့် အလုပ်သမားရေးရာဆိုင်ရာလုပ်ငန်းများနှင့် လူဝင်မှုကြီးကြပ်ရေးဆိုင်ရာ လုပ်ငန်းများ အဖြစ် ၂ ပိုင်းခွဲ၍ဆောင်ရွက်လျှက်ရှိပါကြောင်း၊ မြန်မာ တရုတ်နယ်စပ်ဒေသများတွင် နယ်စပ်ဝင်ပေါက် ၈ခုမှ နှစ်နိုင်ငံ ပြည်သူများ ဝင်ထွက်ခွင့်နှင့်ပတ်သက်၍ နယ်စပ်ဂိတ်များအား အဆင့်မြှင့်တင်နိုင်ရန် မိမိတို့ဖက်မှ ကြိုးစားဆောင်ရွက်လျှက်ရှိပါကြောင်း၊ အနာဂတ်တွင် နှစ်နိုင်ငံ ကူးသန်း သွားလာမှုပိုမိုများပြားလာနိုင်သည့်အတွက် လွယ်ကူချောမွေ့စွာ ဖြတ်သန်းသွားလာခွင့် ရရှိရေးနှင့် အခက်အခဲများရှိပါက နှစ်နိုင်ငံပူးပေါင်း ဖြေရှင်းသွားမည်ဖြစ်ပါကြောင်း၊ တရုတ်နိုင်ငံ သံအမတ်ကြီး က ဟောင်ကောင်နှင့်မကာအိုဒေသများမှမြန်မာနိုင်ငံသို့ ဝင်ရောက် သူများအား ဗီဇာ ကင်းလွတ်ခွင့်ရှိကြောင်း၊ တရုတ်နိုင်ငံတစ်ခုလုံး အတိုင်းအတာအရ လူဦးရေ များပြားသည့်အတွက် အခက်အခဲရှိမည်ဆိုပါက ဦးစားပေးအနေဖြင့် စီးပွားရေးဖွံ့ဖြိုးတိုးတက်သည့် ဒေသများအား ဦးစွာ ဗီဇာကင်းလွတ်ခွင့်ရရှိရေးဆောင်ရွက်ပေးစေလိုပါကြောင်း၊ ထို့အတူ မြန်မာနိုင်ငံ၏အကြိမ်ကြိမ်ဝင် ရောက်ခွင့်ဗီဇာ ကုန်ကျစရိတ်များပြားသည့်အတွက် ပြန်လည်စဉ်းစားသုံးသပ်ပေးစေလိုပါကြောင်း၊ တရုတ်နိုင်ငံဆိုင်ရာမြန်မာသံရုံးမှဝန်ထမ်းများ၏မိသားစုဝင်များအား တရုတ်နိုင်ငံအစိုးရမှဗီဇာကြေး ကင်းလွတ်ခွင့်ပြုထားသဖြင့် မြန်မာနိုင်ငံဆိုင်ရာတရုတ်ပြည်သူ့သမ္မတနိုင်ငံသံရုံးမှ ဝန်ထမ်းများ၏ မိသားစုဝင်များအားလည်းထိုနည်းတူစွာဆောင်ရွက်ပေးစေလိုပါကြောင်း၊ဆက်လက်၍ ပြည်ထောင်စု ဝန်ကြီးက ရှင်းလင်းပြောကြားရာတွင် တရုတ်နိုင်ငံရှိ အခြားသောဒေသများမှ ပြည်သူများ ကိုလည်း ဆိုက်ရောက်ဗီဇာ၊ E -Visa  များဖြင့်ခွင့်ပြုပေးလျှက်ရှိပါကြောင်း၊ ထို့ကြောင့် တရုတ်ခရီးသွားများ အနေဖြင့်မြန်မာနိုင်ငံသို့ ယခင်ကာလများထက်သွားရောက်မှု ပိုမိုများပြားလာပါကြောင်း၊ နယ်စပ် ဒေသများနှင့် ပတ်သက်၍ လတ်တလောတွင် နယ်စပ်ဖြတ်သန်းခွင့်လက်မှတ် (Border Pass –BP) နှင့်ယာယီနယ်စပ်ဖြတ်သန်းခွင့်လက်မှတ် (Temporary Boder Pass-TBP) ဖြင့် နှစ်နိုင်ငံပြည်သူ များသွားလာလျှက်ရှိပြီး နောင်တွင် ပတ်စပို့၊ ဗီဇာ ဖြင့်သွားလာနိုင်ရေးအတွက် မြန်မာနိုင်ငံအစိုးရ အနေဖြင့် လုပ်ထုံးလုပ်နည်းနှင့်အညီစဉ်းစား ဆောင်ရွက်လျက်ရှိပါကြောင်း၊ ဗီဇာကိစ္စများနှင့် ပတ်သက်၍ နိုင်ငံခြားရေးဝန်ကြီးဌာနမှတဆင့် နှစ်ဘက်ညှိနှိုင်း ဆောင်ရွက်ရမည်ဖြစ်ပါကြောင်းနှင့် ဗီဇာကြေးသည် တရုတ်နိုင်ငံတစ်ခုတည်းသာမဟုတ်ဘဲ အခြားနိုင်ငံများပါ တစ်ပြေးညီသတ်မှတ် ထားခြင်းဖြစ်ပါကြောင်း၊ ထို့အပြင် နှစ်နိုင်ငံပြည်သူများဝင်ထွက်ခွင့် အဆင်ပြေချောမွေ့စေရေး အတွက် ရင်းနှီးပွင့်လင်းစွာအမြင်ခြင်း ဖလှယ်ဆွေးနွေးခဲ့ကြကြောင်းသတင်းရရှိပါသည်။

နေပြည်တော်၊ ဇူလိုင် ၃

မြန်မာနိုင်ငံ၏ e-ID စနစ်အကောင်အထည်ဖော် ဆောင်ရွက်နိုင်ရေးအတွက် e-ID စနစ် လုပ်ငန်းကော်မတီ၏ တတိယအကြိမ်လုပ်ငန်းညှိနှိုင်းအစည်းအဝေးကို ဇူလိုင်လ (၃) ရက်၊  ယနေ့ နံနက်(၁၀)နာရီတွင် နေပြည်တော်ရှိ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန၊ အစည်းအဝေးခန်းမ၌ကျင်းပရာ အခမ်းအနားသို့ e-ID စနစ်လုပ်ငန်းကော်မတီဥက္ကဋ္ဌ၊ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေ၊ လုပ်ငန်းကော်မတီ ဒုတိယဥက္ကဋ္ဌ ၊ ပို့ဆောင်ရေးနှင့် ဆက်သွယ်ရေးဝန်ကြီးဌာန ဒုတိယ ဝန်ကြီး ဦးသာဦးနှင့် လုပ်ငန်းကော်မတီဝင်များ၊ တာဝန်ရှိသူများတက်ရောက်ကြသည်။

အစီအစဉ်အရ ရှေးဦးစွာ e-ID စနစ်လုပ်ငန်းကော်မတီဥက္ကဋ္ဌ၊ ပြည်ထောင်စုဝန်ကြီး ဦးသိန်းဆွေက အမှာစကားပြောကြားရာတွင် မိမိတို့ဝန်ကြီးဌာနအနေဖြင့် e-ID Population Registry စနစ် အကောင်အထည်ဖော်ဆောင်ရွက်နိုင်ရေးအတွက် ဆက်စပ်ဝန်ကြီးဌာနများနှင့် ပူးပေါင်းဆောင်ရွက်လျက်ရှိပါကြောင်း၊ ထို့ပြင် နိုင်ငံတကာအဖွဲ့အစည်းများနှင့်လည်း ညှိနှိုင်း ဆွေးနွေးဆောင်ရွက်ခဲ့ရာ ဩစတြီးယားနိုင်ငံ OeSD မှ e-ID စနစ်တည်ဆောက်ရန်အတွက် ပံ့ပိုးကူညီဆောင်ရွက်ပေးမည့် အစီအစဉ်များနှင့်ပတ်သက်၍ စီမံကိန်းအဆိုပြုဆောင်ရွက်ခဲ့ပါ ကြောင်း၊ ယင်းစီမံကိန်းအဆိုပြုလွှာနှင့့််ပတ်သက်၍ စီမံကိန်းနှင့်ဘဏ္ဍာရေးဝန်ကြီးဌာန၊ ရင်းနှီး မြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၊ ပြည်ထောင်စုရှေ့နေချုပ်ရုံးနှင့် ဖွံ့ဖြိုးမှု အကူအညီများညှိနှိုင်းရေးအဖွဲ့ (DACU) တို့သို့ သဘောထားမှတ်ချက်များတောင်းခံခဲ့ပြီးဖြစ်ပါ ကြောင်း၊ ထို့အပြင် e-ID စနစ် လုပ်ငန်းကော်မတီဝင်များနှင့် ဆပ်ကော်မတီများအလိုက် စီမံကိန်း အဆိုပြုလွှာအပေါ် အကြံပြုချက်များတောင်းခံစုစည်းထားပြီးဖြစ်ရာ အကြံပြုချက်များနှင့် ပတ်သက်၍ စီမံခန့်ခွဲရေးဆိုင်ရာအကြံပြုချက်၊ နည်းပညာပိုင်းဆိုင်ရာ အကြံပြုချက်၊ သဘောတူ စာချုပ်ဆိုင်ရာအကြံပြုချက်များဟူ၍ အပိုင်း(၃)ပိုင်းခွဲခြား စုစည်းထားပါကြောင်း၊ ယခုတက်ရောက် လာသည့် ကော်မတီဝင်များအနေဖြင့် ယင်းအကြံပြုချက်များကို ထပ်မံဖြည့်စွက်လိုသည့်အချက်များ၊ ညှိနှိုင်းဆွေးနွေးလိုသည့် အချက်များရှိပါက ဖြည့်စွက်ဆွေးနွေးပေးကြရန်ဖြစ်ပါကြောင်း၊ ဩစတြီးယားနိုင်ငံ OeSD ၏  အဆိုပြုလွှာတွင် Unique ID ထုတ်ပေး သည့်အဆင့်အထိသာပါရှိပြီး ကတ်ထုတ်ပေးခြင်း၊ ရုံးအဆောက်အဉီနှင့် အင်တာနက်ကွန်ယက်များ၊ အုပ်ချုပ်မှုဆိုင်ရာ အထွေထွေ ကုန်ကျစရိတ်များ ပါဝင်ခြင်းမရှိသဖြင့် ကျန်ရှိသည့်ကုန်ကျမည့်ငွေများကို နိုင်ငံတော်ဘတ်ဂျက်မှ တောင်းခံသုံးစွဲရမည်ဖြစ်ပါကြောင်း ယင်းခန့်မှန်းကုန်ကျစရိတ်များကို သက်ဆိုင်ရာဆပ်ကော်မတီ များအလိုက် ခန့်မှန်းတွက်ချက်ပေးထားပါကြောင်း၊ OeSD ၏ အဆိုပြုလွှာအပေါ် အကြောင်းပြန်ကြား နိုင်ရေးအတွက် စီးပွားရေးရာကော်မတီထံ အမှာစာပေးပို့တင်ပြပြီး၊ ခွင့်ပြုချက်ရရှိမှသာ ဆက်လက် ဆောင်ရွက်သွားမည်ဖြစ်ပါကြောင်း၊ ယင်းကာလအတွင်း စီမံကိန်းအဆိုပြုလွှာနှင့်ပတ်သက်၍ ဖြည့်စွက် အကြံပြုဆွေးနွေးပေးကြစေလိုကြောင်း၊ အပြီးသတ်ဆွေးနွေးအကြံပြုချက်များကို OeSD နှင့် အသေးစိတ် ပြန်လည်ညှိနှိုင်းဆွေးနွေးသွားမည်ဖြစ်သဖြင့် တက်ရောက်လာကြသူများအနေဖြင့် OeSD ၏ အဆိုပြုလွှာအပေါ် ပွင့်ပွင့်လင်းလင်း သုံးသပ်ဆွေးနွေးအကြံပြုပေးကြရန် တိုက်တွန်းပါ ကြောင်းဖြင့် အကျယ်တဝင့်ရှင်းလင်းပြောကြားသည်။

ထို့နောက် လုပ်ငန်းကော်မတီဒုတိယဥက္ကဋ္ဌ ဒုတိယဝန်ကြီး ဦးသာဦးနှင့် ကော်မတီဝင်များက e-ID စနစ်အကောင်အထည်ဖော်ဆောင်ရွက်မှုအခြေအနေ၊ ဩစတြီးယားနိုင်ငံ OeSD ၏ စီမံကိန်း အဆိုပြုလွှာနှင့်ပတ်သက်၍ စီမံခန့်ခွဲရေး၊ နည်းပညာပိုင်းနှင့် လုပ်ငန်းဆိုင်ရာသဘောတူစာချုပ် စသည့် အကြံပြုချက်များအပေါ် ကဏ္ဍအလိုက် သုံးသပ်တွေ့ရှိမှုများ၊ မိမိတို့နိုင်ငံ၌အသုံးပြုမည့်     e-ID စနစ်အတွက် အထောက်အကူပြုနိုင်မှုနှင့် လက်တွေ့ဆောင်ရွက်နိုင်မည့်အခြေအနေ၊ ပြည်တွင်း/ ပြည်ပအပါအဝင် နိုင်ငံတကာအဆင့်ဖြင့် စနစ်တစ်ခုလုံးချိတ်ဆက်ဆောင်ရွက်နိုင်မှု၊ နည်းပညာပိုင်း ဆိုင်ရာ အကြံပေးအဖွဲ့ ဖွဲ့စည်းဆောင်ရွက်နိုင်ရေးနှင့် လုပ်ငန်းဆိုင်ရာစက်ပစ္စည်းများ၊ စနစ်များကို ဆက်လက်လွှဲပြောင်းထိန်းသိမ်း၍ အဆင့်မြှင့်တင်ဆောင်ရွက်မည့်အစီအစဉ်များ လုပ်ဆောင်နိုင်ရေး အခြေအနေ၊ e-ID စနစ်အကောင်အထည်ဖော်ဆောင်ရွက်မည့်အစီအစဉ်များနှင့်ပတ်သက်၍ ပြည်သူ လူထုမှသိရှိစေရန်အတွက် မီဒီယာများမှတစ်ဆင့် ကျယ်ကျယ်ပြန့်ပြန့်ထုတ်ပြန် ကြေညာအသိပေး သွားရန်လိုအပ်မှုအခြေအနေ၊ လုပ်ဆောင်မည့်လုပ်ငန်းများအား အသေးစိတ်စီမံချက်ရေးဆွဲ၍ သတ်မှတ်ကာလအတွင်း ပြီးစီးအောင်လုပ်ဆောင်သွားမည့်အခြေအနေတို့နှင့်စပ်လျဉ်း၍ အသီးသီး သုံးသပ်ဆွေးနွေးအကြံပြုကြသည်။

ယင်းနောက် ပြည်ထောင်စုဝန်ကြီးက ဆွေးနွေးတင်ပြချက်များအပေါ် လိုအပ်သည်များ ဖြည့်စွက်မှာကြားပြီး အားလုံး၏ အကြံပြုချက်များကို အလေးထားဆောင်ရွက်သွားမည်ဖြစ်ပြီး OeSD မှ ကျွမ်းကျင်ပညာရှင်အဖွဲ့သည် ယခုလ ဒုတိယအပတ်အတွင်းလာရောက်ရန်ရှိသဖြင့် လုပ်ငန်းများဆက်လက်လုပ်ဆောင်နိုင်ရန် မိမိတို့ဘက်မှ တွေ့ရှိချက်၊ အကြံပြုချက်များကို တိတိကျကျ ဆွေးနွေးနိုင်ရန် တာဝန်ရှိသူများအနေဖြင့့်် ကြိုတင်ပြင်ဆင်ထားကြရန်နှင့် ယခု e-ID စနစ် လုပ်ငန်းစဉ် သည် နိုင်ငံအတွက်အရေးကြီးသည့် လုပ်ငန်းတစ်ခုဖြစ်သဖြင့် e-ID စနစ် အောင်မြင်စွာ အကောင်အထည်ဖော်ဆောင်ရွက်နိုင်ရေးအတွက် ဝန်ကြီးဌာနများ၊ အဖွဲ့အစည်းများမှ ဝိုင်းဝန်း ကူညီပံ့ပိုးဆောင်ရွက်နိုင်ရေး နိဂုံးချုပ်အမှာစကားပြောကြားကာ အစည်းအဝေးကိုရုပ်သိမ်း လိုက်ကြောင်း သတင်းရရှိသည်။

နေပြည်တော် ၊ ဇူလိုင်လ ၈ ရက်

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ ပြည်ထောင်စုဝန်ကြီး ဦးသိန်းဆွေသည် (အလုပ်သမားရေးရာဆိုင်ရာ) ဝန်ထမ်းများနှင့် နေပြည်တော်ရှိ ရုံးအမှတ်(၅၁)၊ စုဝေးခန်းမ၌ ယနေ့နံနက် (၀၉:၃၀) နာရီအချိန်တွင် တွေ့ဆုံ၍ အမှာစကားပြောကြားခဲ့ပါသည်။

ပြည်ထောင်စုဝန်ကြီး၊ ဦးသိန်းဆွေ မှ တွေ့ဆုံအမှာစကားပြောကြားရာတွင် မိမိတို့ဝန်ကြီး ဌာနရှိ ဝန်ထမ်းများအားစုစည်းတွေ့ဆုံရခြင်းမှာ ဝန်ထမ်းများ၏ ဆန္ဒသဘောထားများနှင့် အကြံပြု ချက်များကိုသိရှိရန်နှင့်သိသင့်သိထိုက်သည်များကိုပြောကြားရန်ဖြစ်ကြောင်း၊ ဝန်ကြီးဌာန ဆန္ဒဖော် ထုတ်ပွဲများကို တာဝန်ရှိသူများဦးစီး၍ လစဉ်ဌာနအလိုက် ဆောင်ရွက်လျက်ရှိပါကြောင်း၊ ဌာနတွင် ရှိကြသည့် ဝန်ထမ်းများအားလုံးက မိမိတို့၏လုပ်ငန်းတာဝန်များကို စေတနာထား၍ကျေပွန်အောင် ဆောင်ရွက်ပေးစေလိုပါကြောင်း၊ ဝန်ကြီးဌာနတစ်ခုအောင်မြင်ရေးသည်အောက်ခြေရှိ ဝန်ထမ်းများ မှ ပြည်ထောင်စုဝန်ကြီးအထိ အားလုံးတွင်တာဝန်ရှိပါကြောင်း၊ အားလုံးမိမိတို့တာဝန် များကိုခွဲဝေ ထမ်းဆောင်နေကြခြင်း ဖြစ်ပါကြောင်း၊ ဝန်ထမ်းများအားလုံး တက်ညီလက်ညီကြိုးစားဆောင်ရွက် ရန်အရေးကြီးပါကြောင်း၊ ဌာနတွင်ရှိကြသည့် ဝန်ထမ်းတစ်ဦးချင်း၏ စွမ်းဆောင်ရည် မြင့်မားလာမှ သာလျှင် ဌာနများ၏စွမ်းဆောင်ရည်မြင့်မားလာမည်ဖြစ်ပါကြောင်း၊ ဌာနအသီးသီး၏ စွမ်းဆောင် ရည်မြင့်မားလာမှသာလျှင် ဝန်ကြီးဌာန စွမ်းဆောင်ရည်မြင့်မားလာမည် ဖြစ်ပါကြောင်း၊ အချို့ ဝန်ထမ်းများအနေဖြင့်အလုပ်ကို ကြိုးစားလုပ်ဆောင်ကြသည်ကို တွေ့ရှိရပါကြောင်း၊ အရည်အချင်း ရှိခြင်း၊ ကြိုးစားလုပ်ဆောင်ခြင်း၊ စေတနာထားခြင်း၊ ပတ်ဝန်းကျင်နှင့်ဆက်ဆံရေးပြေပြစ်ခြင်း တို့သည် အကောင်းဆုံးဝန်ထမ်းဖြစ်ပါကြောင်း၊ အဆိုပါဝန်ထမ်း၏ ဂုဏ်သတင်းသည်လည်းမွေးပျံ့ နေမည်ဖြစ်ပါကြောင်း၊ ထိုသို့သောဝန်ထမ်းမျိုးများစွာရှိရန်လိုပါကြောင်း၊ တစ်ချို့ဝန်ထမ်းများသည် ဌာနစွဲအလွန်ထားရှိသောကြောင့် အခြားဌာနများနှင့်ပူးပေါင်းဆောင်ရွက်ရာတွင် လိုအပ်ချက်များ ရှိကာ ဝန်ကြီးဌာန၏ပုံရိပ်သည်ပျောက်ကွယ်သွားနိုင်ပြီး လုပ်ငန်းများလုပ်ကိုင်ရာတွင်လည်း နှောင့် နှေးကြန့်ကြာခြင်းများရှိပါကြောင်း၊ သို့ဖြစ်ပါ၍ ဌာနများ၏အလုပ်ကို မိမိအလုပ် မိမိတို့အားလုံး၏ အလုပ်တာဝန်များဟူ၍ စေတနာထား၊ကိုယ်ချင်းစာထား၍ညီညီညာညာမိသားစုစိတ်ဖြင့်  လုပ်ကိုင် မည်ဆိုပါက လုပ်ငန်းများပိုမိုအောင်မြင်မည်ဖြစ်ပါကြောင်း၊ဝန်ထမ်းကောင်းများသည်ပေးအပ်သည့် တာဝန်နှင့်တွေ့ကြုံရသည့်အခက်အခဲများ၊စိန်ခေါ်မှုများကိုအခွင့်အရေးများအတွေ့အကြုံအသစ်များ ဟုရှု့မြင်၍ နည်းလမ်းရှာကြံကာ အောင်မြင်အောင် ဆောင်ရွက်တတ်သူများ ဖြစ်ကြပါကြောင်း၊ ထို့ကြောင့် ဝန်ထမ်းများအနေဖြင့် ပေးအပ်လာသည်လုပ်ငန်းတာဝန်များကို နည်းလမ်းများရှာကြံ၍ အောင်မြင်အောင် တက်ကြွစွာကြိုးစား လုပ်ဆောင်ကြရန် တိုက်တွန်းပြောကြား လိုပါကြောင်း၊ ထို့အပြင်ဝန်ထမ်းများအားလုံးအနေဖြင့်မိမိကိုယ်မိမိအရည်အချင်းရှိစေရေး အစဉ်ကြိုးစားနေကြရန် နှင့် ဆက်စပ်ဌာနများနှင့်လည်း ပူးပေါင်းဆောင်ရွက်နိုင်ရန်လိုအပ်ပါကြောင်း၊ ထို့အတူဝန်ကြီးဌာန အချင်းချင်းချိတ်ဆက်ဆောင်ရွက်ရသည့် ကိစ္စရပ်များတွင်လည်း အချိန်မီပြည့်ပြည့်စုံစုံပေးပို့ဆောင် ရွက်ရန်လည်းလိုအပ်ပါကြောင်း၊သို့မှာသာမိမိဌာန၏ ဂုဏ်သတင်းသည် မွှေးပျံ့မည်ဖြစ်ပါကြောင်း၊ မိမိတို့တာဝန်ကို ကျေပွန်အောင်ဆောင်ရွက်ပေးစေလိုကြောင်း၊ သင်တန်းကိစ္စရပ်များ အနေဖြင့် ဌာနတွင်းသင်တန်းများ၊ အခြားသောသင်တန်းများ၊ ဗဟိုဝန်ထမ်းတက္ကသိုလ်များမှ ဖွင့်လှစ်သည့် သင်တန်းများနှင့် နိုင်ငံခြားသင်တန်းများသည် နိုင်ငံတော်၏ ပြုပြင်ပြောင်းလဲမှုအရ အချိန်ကုန်ခံ၊ ငွေကြေး အကုန်အကျခံ၊ လုပ်အားများအဆုံးရှုံးခံဖွင့်လှစ်ပေးထားပါသဖြင့် အဆိုပါသင်တန်းများကို တက်ရောက်ကြရာတွင် မိမိ၏အရည်အချင်းများကို ပိုမိုတိုးတက်စေရန်နှင့် မိမိဌာနတွင်အကျိုးရှိစွာ အသုံးချနိုင်စေရန် အလေးထားကြိုးစား သင်ယူစေလိုပါကြောင်း၊ ထို့အတူ ပြည်ပနိုင်ငံများသို့ သင်တန်းများ၊ လေ့လာရေးခရီးများ ၊ဆွေးနွေးပွဲများသွားရောက်ရာတွင်လည်း သွားရောက်ရမည့် ရည်ရွယ်ချက်နှင့် မိမိနှင့်သက်ဆိုင်သည့် ဘာသာရပ်များကို ကျွမ်းကျင်ပိုင်နိုင်စွာသိရှိထားရန်လိုအပ် ပါကြောင်း၊ သို့မှသာမိမိနိုင်ငံအတွက်အကျိုးရှိမည့် တောင်းဆိုချက်များ၊ အားသာချက်များကိုပိုင်ပိုင် နိုင်နိုင်ထောက်ပြပြောဆိုနိုင်မည်ဖြစ်ပြီး မိမိနိုင်ငံအတွက် အကျိုးကျေးဇူးများပိုမို ရရှိနိုင်မည်ဖြစ်ပါ ကြောင်း၊ နိုင်ငံခြားသို့သွားရောက်သူများအနေဖြင့် နိုင်ငံကိုယ်စားပြု သွားရောက်ခြင်း ဖြစ်သဖြင့် သွားရောက်ရမည့်ကိစ္စအတွက် ထဲထဲဝင်ဝင်ပိုင်နိုင်စွာ အချက်အလက်ကျကျသိရှိနားလည်ဆွေးနွေး ပြောဆိုနိုင်ခြင်းဖြင့် နိုင်ငံ၏ဂုဏ်ကိုမြှင့်တင်ရမည်ဖြစ်ပါကြောင်း၊ လူဝင်မှုကြီးကြပ်ရေးနှင့် လူ့စွမ်း အားအရင်းအမြစ်ဌာနကို တိုင်းဒေသကြီး/ပြည်နယ်များတွင် ဖွင့်လှစ်ထားသည်ကို လည်းသိရှိမည် ဖြစ်ပါကြောင်း၊ ထို့အတွက် အောက်ခြေရှိရုံးများအနေဖြင့် အသစ်ဖွင့်လှစ်သည့် ဝန်ကြီးဌာနနှင့် ပူးပေါင်းဆောင်ရွက်ကြရန်နှင့် ကြုံတွေ့ရသည့် လိုအပ်ချက်များကိုလည်း တင်ပြစေလိုကြောင်းနှင့် လိုအပ်သည်များကိုလည်း ရုံးချုပ်မှ ဖြည့်ဆည်း ဆောင်ရွက် ပေးစေလိုပါကြောင်း၊ ထို့အပြင် ပြည်ထောင်စု Fonts ကိုစတင်အသုံးပြုနေပြီဖြစ်ရာ ပြင်ဆင်သင့်သည်များကို ဆောင်ရွက်ပြီးဖြစ် မည်ကိုလည်းယုံကြည်ပါကြောင်း၊ နိုင်ငံတော်မှ လျှပ်စစ်မီတာခများနှင့်ပတ်သက်၍ အရှုံးခံနေရ သဖြင့် ထိုအရှုံးများကိုကာမိစေရန်နှင့် လိုအပ်သည့် နေရာများကိုလျှပ်စစ်အလင်း ပေးနိုင်ရန်ဆောင် ရွက်ခြင်းဖြစ်သည်ကို ဝန်ထမ်းများအနေဖြင့်သိရှိစေလိုကြောင်း၊ ထို့အတွက်လျှပ်စစ်မီးကို လိုအပ် မှသာဖွင့်၍မလိုအပ်ပါက ပိတ်ထားခြင်းဖြင့် လျှပ်စစ်မီး မရရှိသေးသည့်ဒေသများကို လျှပ်စစ်မီးပေး စွမ်းနိုင်မည်ဖြစ်ပါကြောင်း၊ ကျန်းမာရေးကဏ္ဍအနေဖြင့် H1 N1 တုပ်ကွေးရောဂါအကြောင်းကိုသိရှိ မှာဖြစ်ပါကြောင်းသို့ဖြစ်ပါ၍ကြိုတင်ကာကွယ်ခြင်းသည်အထိရောက်ဆုံးနည်းလမ်းဖြစ်ရာ ကျန်းမာ ရေးဦးစီးဌာနမှထုတ်ပြန်ချက်များကိုအလေးထားလိုက်နာဆောင်ရွက်စေလိုကြောင်း၊ နိဂုံးချုပ်အနေ ဖြင့် ဝန်ထမ်းများအနေဖြင့်ပြောင်းလဲလာသည့် ခေတ်စနစ်အခြေအနေပေါ်မူတည်၍ သိရှိနိုင်ရန် နှင့် အနာဂတ်ကာလတွင် မိမိ၏အကျိုး၊ မိသားစု၏ အကျိုး၊ မိမိတို့ဌာန၏အကျိုး၊ နိုင်ငံတော်၏ အကျိုး ကိုသယ်ပိုးနိုင်ရန်စေတနာထား၍ စည်းစည်းလုံးလုံးညီညီညွတ်ညွတ်ဖြင့်ပါဝင်ဆောင်ရွက်ပေးပါရန် တိုက်တွန်းပြောကြားခဲ့ပါသည်။

ထို့နောက် သက်ဆိုင်ရာဌာနအသီးသီးမှ တင်ပြချက်များနှင့်ပတ်သက်၍ လိုအပ်သည်များ ဖြည့်ဆည်းဆောင်ရွက်ပေးခဲ့ပြီး အခမ်းအနားကို (၁၀:၃၀) အချိန်တွင် ရုပ်သိမ်းခဲ့ကြောင်း သတင်း ရရှိပါသည်။

နေပြည်တော်  ၊ဇူလိုင် ၄ ရက်

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက၂၀၁၉ ခုနှစ်တွင် ကျရောက်မည့်အပြည်ပြည်ဆိုင်ရာအလုပ်သမားရေးရာအဖွဲ့ (ILO) ၏ရာပြည့်နှစ်အထိမ်းအမှတ် အဖြစ် “ILOရာပြည့်မှစသင့်လျော်ကောင်းမွန်သောအလုပ်အကိုင်တိုးမြင့်ရေးနှင့်လူမှုတရားမျှတရေး မြှင့်တင်ဆောင်ရွက်ကြ”ခေါင်းစဉ်ဖြင့် ဆောင်းပါးပြိုင်ပွဲကိုဖိတ်ခေါ်ကျင်းပခဲ့ရာ မြန်မာနိုင်ငံအနှံ့ အပြားမှအလွတ်တန်းပညာရှင် ၅၁ ဦးပါဝင်ယှဉ်ပြိုင်ခဲ့ကြပါသည်။

အဆိုပါပြိုင်ပွဲဆောင်းပါးများကို ကျွမ်းကျင်ပညာရှင်များပါဝင်သော ဆောင်းပါးပြိုင်ပွဲစိစစ် အကဲဖြတ်ရေးအဖွဲ့မှ စိစစ်အကဲဖြတ်ခဲ့ရာ ပထမဆု ဦးထိန်လင်း (လင်းအာရုဏ်ဦး)ပဲခူး၊ ဒုတိယ ဆုထက်ဝေအောင်(စစ်ကိုင်း)၊ တတိယဆု အောင်နှင်း တို့က ရရှိခဲ့ကြပြီး သက်ဦးမောင် (NUAC)၊ ဒေါ်ရီရီထွေး၊ ကျောင်းဆရာ ကိုကိုဝင်း၊ မြမဉ္ဇူဝေ (ကျုံမငေး)၊ ဒေါ်လှိုင်းအိ တို့က နှစ်သိမ့်ဆုများ အသီးသီးရရှိကြသည်။ ဆုရရှိသူများအား အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာနကဆုများ ထိုက်တန်စွာချီးမြှင့်သွားမည်ဖြစ်ကြောင်းနှင့် ဆုပေးပွဲကျင်းပမည့်ရက်အား ထပ်မံအသိပေးအကြောင်းကြားမည်ဖြစ်ကြောင်းသတင်းရရှိသည်။

နေပြည်တော်   ၊ဇူလိုင်  ၄ ရက်

အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ပြည်ထောင်စုဝန်ကြီး ဦးသိန်းဆွေ သည် မြန်မာနိုင်ငံဆိုင်ရာ ဗြိတိန်နိုင်ငံသံရုံးမှသံအမတ်ကြီး Mr. Daniel Patrick Chugg အားယနေ့နံနက်၁ဝး၀၀နာရီအချိန်တွင်နေပြည်တော်ရှိအဆိုပါဝန်ကြီးဌာန ပြည်ထောင်စုဝန်ကြီး၏ ခန်းမတွင်လက်ခံတွေ့ဆုံသည်။

ထိုသို့တွေ့ဆုံရာတွင် ပြည်ထောင်စုဝန်ကြီး နှင့်အတူ အမြဲတမ်းအတွင်းဝန်များ နှင့် တာဝန် ရှိသူများတက်ရောက်ခဲ့ကြပြီး ရခိုင်ပြည်နယ် အတွင်း NVC ကတ်ကိုင်ဆောင်သူများ အနေဖြင့် လွတ်လပ်စွာသွားလာနိုင်မှုရှိ/မရှိ ၊ နိုင်ငံသားဖြစ်မှုဆောင်ရွက်မည့်လုပ်ငန်းစဉ်များ၊ ကြားဖြတ် သန်းခေါင်စာရင်းကောက်ယူမည့် အခြေအနေများ၊ လူမျိုးစုစာရင်းထုတ်ပြန်နိုင်မှု အခြေအနေများ နှင်ပတ်သက်၍မေးမြန်းဆွေးနွေးခဲ့ရာ မြန်မာနိုင်ငံအစိုးရအနေဖြင့် ကိုဖီအာနန် ၏အကြံပြုချက်များ ကိုအလေးထား ဆောင်ရွက်လျက်ရှိပါကြောင်း၊ အချို့သောကိစ္စရပ်များသည် ချက်ချင်းဆောင်ရွက် ပေးနိုင်သကဲ့သို့ ကာလတစ်ခု၊ ရေရှည်ဆောင်ရွက်ရသည်များရှိ၍ လိုအပ်ချက်များအား ဦးစားပေး ဆောင်ရွက်လျက်ရှိပါကြောင်း၊  NVC ကတ်ကိုင်ဆောင်ထားသူများ အားလုံးအနေဖြင့် သက်ဆိုင်ရာ မြို့နယ်အတွင်းလွတ်လပ်စွာ သွားလာခွင့်ရှိပြီးတားမြစ်ထားမှုမရှိပါကြောင်း၊သို့ရာတွင် အချို့သော နေရာများ၌ နှစ်ဖက်အဖွဲ့အစည်းယုံကြည်မှု မရှိသေးသည့်အတွက် သွားလာရန်၎င်းတို့ကိုယ်တိုင် မသွားမလာရဲမှုကြောင့်ဖြစ်ပါကြောင်း၊ ထို့အပြင်အချို့သောအောက်ခြေအဖွဲ့အစည်းများအနေဖြင့် စိုးရိမ်မှုလွန်ကဲ၍ တားမြစ်မှုများရှိကောင်းရှိနိုင်ပြီး ဥပဒေအရထားမြစ်ထားမှုမရှိပါကြောင်း၊ NVC ကတ်ကိုင်ဆောင်ထားသူများသည် ပညာရေး၊ ကျန်းမာရေး၊ ဘာသာရေး ကိစ္စရပ်များ ဆောင်ရွက် ရန်အခြားဒေသများသို့သွားလိုပါက ခွင့်ပြုချက်ရယူ၍ သွားလာခွင့်ရှိပါကြောင်း NVC ကတ်ထုတ် ပေးမှုများကို ဘင်္ဂလားဒေ့ရှ် နယ်စပ်တွင်သာမက အခြားမြန်မာနိုင်ငံနှင့်ထိစပ်နေသည့် ထိုင်းနိုင်ငံ၊ တရုတ်နိုင်ငံ၊ လာအိုနိုင်ငံ နယ်စပ်ဒေသများတွင်လည်း အလားတူတစ်ပြေးညီ လုပ်ဆောင်လျှက်ရှိ တာဖြစ်ကြောင်း အဆိုပါဒေသများတွင် ထုတ်ပေးထားသောကတ် အရေအတွက်မှာ ဘူးသီးတောင်၊ မောင်တောဒေသထက် ပိုမိုများပြားပါကြောင်း၊ နိုင်ငံသားဖြစ်မှုလုပ်ငန်းစဉ်များကိုလည်း လုပ်ငန်း အဆင့်များဖြေလျော့လျှက် သတ်မှတ်အချိန်ကာလအတွင်းထုတ်ပေးလျက်ရှိပါကြောင်း၊၂၀၁၉ ခုနှစ် ကြားဖြတ်သန်းခေါင်စာရင်းကောက်ယူမှုအနေဖြင့် ၂၀၁၄ ခုနှစ်ကောက်ယူမှုအတိုင်းမေးခွန်းလွှာများ ပြုစုပြီး တိုင်းဒေသကြီး/ပြည်နယ်များတွင် ၅%စီ ဆက်လက် ကောက်ယူသွားမည်ဖြစ်ပါကြောင်း၊ ၂၀၂၄ ခုနှစ် တွင် သန်းခေါင်စာရင်းကောက်ယူရေးအတွက် ပညာရှင်များ၏ အကြံဉာဏ်များရယူ၍ ကြိုတင်ပြင်ဆင်မှုများ ဆောင်ရွက်လျှက်ရှိပါကြောင်း၊ ဘင်္ဂလားဒေ့ရှ်နိုင်ငံသို့ ထွက်ပြေးသွားသည့် သူများအား ပြန်လည်လက်ခံရေးနှင့်ပတ်သက်၍မကြာမီလုပ်ငန်းကော်မတီအဖွဲ့ ဘင်္ဂလားဒေ့ရှ်နိုင်ငံ သို့သွားရောက်ရန်ရှိပါကြောင်း၊ ပြန်လည်လက်ခံရေးလုပ်ငန်းစဉ်များအတွက်  ပြန်လည်ဝင်ရောက် လာပါက ၎င်းတို့၏လုံခြုံမှုရှိရေး၊ ကာယကံရှင်၏ ဆန္ဒဖြစ်ရေး၊ ဂုဏ်သိက္ခာရှိစွာ နေထိုင်နိုင်ရေးတို့ အတွက်မိမိတို့ဘက်မှအစစ ကြိုတင်ပြင်ဆင်ထားရှိပြီးဖြစ်ပါကြောင်း ၊မြန်မာနိုင်ငံနှင့်ဘင်္ဂလားဒေ့ရှ် နိုင်ငံ နှစ်နိုင်ငံနားလည်မှုရှိစွာရေးထိုးထားသည့် MOU အတိုင်းဆောင်ရွက်ပါကပြန်လည်လက်ခံရေး ကိစ္စရပ်များ အမြန်ပြီးမြောက် မည်ဟုယုံကြည်ပါကြောင်း ပြန်လည်ပြောကြားခဲ့ပြီး ဘူးသီးတောင်၊ မောင်တောဒေသ ဖွံ့ဖြိုးတိုးတက်ရေးအတွက် ကြိုးပမ်းဆောင်ရွက်နေမှု အခြေအနေများနှင့် ပတ်သက်၍ရင်းနှီးပွင့်လင်းစွာ ဆွေးနွေးခဲ့ကြကြောင်း သတင်းရရှိပါသည်။

  • မြန်မာနိုင်ငံသည်၂၀၀၇ခုနှစ်မှစတင်၍ ILOနှင့်ပူးပေါင်းကာတိုင်ကြားမှုယန္တရားထူထောင်ပြီး အဓမ္မခိုင်းစေမှုတိုင်ကြားချက်များကို ဖြေရှင်းဆောင်ရွက်ပေးခဲ့ပါသည်။ ၂၀၁၉ခုနှစ်မှစ၍ အဓမ္မခိုင်းစေမှုတိုင်ကြားချက်များကိုဖြေရှင်းဆောင်ရွက်နိုင်ရန် အမျိုးသားအဆင့်အဓမ္မခိုင်း စေမှုဆိုင်ရာတိုင်ကြားမှုယန္တရား(National Complaints Mechanism –NCM) ထူထောင် ရေးဆောင်ရွက်လျက်ရှိရာ အဆိုပါ ယန္တရားထူထောင်ဆဲ ကြားကာလတွင် အဓမ္မခိုင်းစေမှု တိုင်ကြားချက်များကို အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန အပါအဝင် သက်ဆိုင်သည့် ဝန်ကြီးဌာနများမှ ကိုယ်စားလှယ်များပါဝင် ဖွဲ့စည်းထားသော အလုပ်သမားရေးရာ ပူးပေါင်းဆောင်ရွက်ရေး လုပ်ငန်းကော်မတီ (High Level Working Group- HLWG) မှကိုင်တွယ်ဖြေရှင်းဆောင်ရွက်သွားမည်ဖြစ်ပါကြောင်းနှင့် အဓမ္မခိုင်းစေမှု တိုင်ကြားချက်များကိုအောက်ဖော်ပြပါ ဖုန်းနံပါတ်နှင့် email လိပ်စာများသို့ ဆက်သွယ် တိုင်ကြားနိုင်ပါကြောင်း အသိပေးကြေညာအပ်ပါသည်။

၀၆၇-၃၄၃၀၁၈၄၊ ၀၆၇-၃၄၃၀၂၂၉၊ ၀၆၇-၃၄၃၀၂၇၄

mol@mptmail.net.mm , molipoffice@gmail.com ,

research.org.dol.mm@gmail.com

 

 

အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန