လူမှုဖူလုံရေးအဖွဲ့ ဘဏ္ဍာရေးဆိုင်ရာ စာရင်းကိုင်သင်တန်းဖွင့်လှစ်ခြင်း

နေပြည်တော် ၊ မတ် ၁၁ ရက်

အလုပ်သမား၊ အလုပ်အကိုင်နှင့် လူမှုဖူလုံရေးဝန်ကြီးဌာန၊ စုဝေးခန်းမတွင် ၁၁-၃-၂၀၁၃ ရက် နေ့ နံနက် ဝ၉း၃၀ နာရီ၌ လူမှုဖူလုံရေးအဖွဲ့ ဘဏ္ဍာရေးဆိုင်ရာ စာရင်းကိုင်သင်တန်းဖွင့်လှစ်ခြင်း အခမ်းအနားကို ကျင်းပခဲ့ပြီး၊ အဆိုပါ အခမ်းအနားသို့ ဒုတိယဝန်ကြီးဒေါ်ဝင်းမော်ထွန်း နှင့် ညွှန်ကြားရေးမှူးချုပ်များ၊ ဒုတိယညွှန်ကြားရေးမှူးချုပ်များနှင့် ဌာနအသီးသီးမှ တာဝန်ရှိသူများ တက်ရောက်ခဲ့ကြပါသည်။
အခမ်းအနားတွင် ဒုတိယဝန်ကြီး ဒေါ်ဝင်းမော်ထွန်းမှ အဖွင့်အမှာစကားပြောကြားရာတွင် လူမှုဖူလုံရေးအဖွဲ့ရဲ့ ငွေကြေးစီမံခန့်ခွဲမှုစနစ်ဟာ ၁၉၅၆ ခုနှစ် စီမံကိန်းစတင်ချိန်မှ ၁၉၆၂ ခုနှစ်အထိ မိမိရန်ပုံငွေကို မိမိထိန်းသိမ်းခွင့်၊ တိုးပွားအောင် ဆောင်ရွက်ခွင့်၊ သုံးစွဲခွင့်များကို သီးခြားလွတ်လပ်စွာ လုပ်ကိုင်ဆောင်ရွက်ခွင့်ရှိသော Autonomous Body အဖြစ် ရပ်တည်ခဲ့ပါကြောင်း၊ ၁၉၆၃ ခုနှစ်ကစပြီး လူမှုဖူလုံရေးရန်ပုံငွေများကို နိုင်ငံတော်ဘဏ္ဍာသို့ ပေးသွင်းခဲ့ရပြီး အသုံးစရိတ်များကိုလည်း နိုင်ငံတော်ဘဏ်ဂျက်ငွေစာရင်းမှ တောင်းခံသုံးစွဲခဲ့ ရတဲ့စနစ်ကို ပြောင်းလဲကျင့်‌သုံးခဲ့ပါကြောင်း၊ ၂၀၁၂ ခုနှစ်၊ လူမှုဖူလုံရေးဥပဒေသစ်အရ လူမှုဖူလုံရေးစီမံကိန်းဟာ သီးခြားလွတ်လပ်တဲ့အဖွဲ့အစည်းတစ်ရပ်အဖြစ် ရပ်တည်ခွင့်ရှိတော့မှာဖြစ်ပြီး ငွေကြေးစီမံခန့်ခွဲ မှုစနစ်ကို လည်း နိုင်ငံတော် စီးပွားရေးအဖွဲ့အစည်း ငွေကြေးစနစ်ကနေ သီးခြားငွေကြေးစနစ်အဖြစ် ပြောင်းလဲကျင့်သုံးရတော့မယ့်အချိန် ရောက်နေပြီ ဖြစ်ပါကြောင်း၊ လာမယ့်‌ ၂၀၁၃-၂၀၁၄ ဘဏ္ဍာရေးနှစ်ကစပြီး ဝန်ထမ်းများရဲ့ လစာ၊ စရိတ် အခြားခံစားခွင့်နဲ့ ပင်စင်လစာငွေကိုသာ နိုင်ငံတော် ဘဏ္ဍာရန်ပုံငွေမှ တောင်းခံသုံးစွဲသွားမှာ ဖြစ်ပြီး ကျန်အသုံးစရိတ် များဖြစ်တဲ့ ငွေကြေးအကျိုးခံစားခွင့်‌တွေ၊ ဆေးဝါးကုသမှုစရိတ်တွေ၊ စီမံခန့်ခွဲတဲ့စရိတ်တွေကို လူမှုဖူလုံရေးအဖွဲ့ရဲ့ မိမိဘဏ္ဍာရန်ပုံငွေက ကျခံသုံးစွဲသွားမှာဖြစ်ပြီး ငွေကြေးစီမံခန့်ခွဲမှု အစီအစဉ်အရ လစာ၊ စရိတ်အကျိုးခံစားခွင့်နဲ့ ပင်စင်လစာ ငွေများအတွက် ဦးစီးဌာနစာရင်း (ဌ-စ)ပုံစံနဲ့ ပြောင်းလဲရေးဆွဲရမှာ ဖြစ်ပါကြောင်း၊ လက်တွေ့ အကောင်အထည်ဖော် ဆောင်ရွက်ရာမှာအခက်အခဲများ မကြုံတွေ့လာစေရန် ရုံးခွဲအသီးသီးရဲ့ ငွေစာရင်းကိုင်တဲ့ ဝန်ထမ်းတွေကို ဦးစွာ ပထမအကြိမ် သင်တန်းခေါ်ယူပြီး လေ့ကျင့်သင်ကြားပေးတာဖြစ်ပါကြောင်း၊ ငွေကြေးစီမံခန့်ခွဲမှု အစီအစဉ်များနဲ့ ပတ်သက်ပြီး ဆက်လက်ဆောင်ရွက်ရမဲ့ လုပ်ငန်းစဉ်တွေကို နားလည်မှုရှိအောင် မဖြစ်မနေလုပ်ကိုင်ကြရမှာ ဖြစ်တဲ့အတွက် ဒီသင်တန်းကို စီစဉ်ဖွင့်လှစ်ခဲ့ရခြင်း ဖြစ်ပါကြောင်း၊ သေချာစွာလေ့လာဆည်းပူးမှတ်ယူသွားမယ်ဆိုရင် အခက်အခဲမရှိဆောင်ရွက်သွားနိုင်မှာဖြစ်တဲ့အတွက် အချိန်တို အတွင်းမှာ သင်ကြားပို့ချမှု တွေကို သင်တန်းသားများအနေနဲ့ ဂရုစိုက်ပြီးမှတ်သားလေ့လာကြဘို့ တိုက်တွန်းပါကြောင်း အမှာစကား ပြောကြားပါသည်။
သင်တန်းသို့ တိုင်းဒေသကြီး၊ ပြည်နယ်ရုံးများနှင့် ရုံးခွဲ အသီးသီးမှ စာရင်းကိုင်သင်တန်းသား (၄၅)ဦး တက်ရောက်ကြပြီး သင်တန်းကာလမှာ (၁၁.၃.၂၀၁၃)မှ(၁၅.၃.၂၀၁၃) ထိ ကြာမြင့်မည် ဖြစ်ကြောင်း သတင်းရရှိပါသည်။

Leave a Reply