အပြည်ပြည်ဆိုင်ရာအလုပ်သမားရေးရာအဖွဲ့ (International Labour Organization – ILO) မှ ဒုတိယညွှန်ကြားရေးမှူးချုပ်ဦးဆောင်သော ကိုယ်စားလှယ်အဖွဲ့နှင့် လူမှုဖူလုံရေးအဖွဲ့မှ တာဝန်ရှိသူများ တွေ့ဆုံ

နေပြည်တော်ဖေဖော်ဝါရီ ၂၆ ရက်

အပြည်ပြည်ဆိုင်ရာအလုပ်သမားရေးရာအဖွဲ့ (ILO) မှ ဒုတိယညွှန်ကြားရေးမှူးချုပ် Mr. Greg Vinesနှင့် ILO ဆက်သွယ်ရေးအရာရှိ Mr. Donglin Li ဦးဆောင်သော ကိုယ်စားလှယ်အဖွဲ့သည် အလုပ် သမား၊ လူဝင်မှုကြီးကြပ်ရေး နှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့မှ ညွှန်ကြားရေးမှူးချုပ် ဦးဆောင်သော တာဝန်ရှိသူများနှင့် နေပြည်တော် လူမှုဖူလုံရေးရုံးချုပ်၊ အစည်းအဝေးခန်းမ ၌ တွေ့ဆုံကာ လူမှုဖူလုံရေးအဖွဲ့မှ ဆောင်ရွက်လျက်ရှိသည့် ပြုပြင်ပြောင်းလဲရေးလုပ်ငန်းများတွင် ILO မှ နည်းပညာ အကူအညီပေးနေမှုများ၊ဆက်လက်ဆောင်ရွက်မည့် လုပ်ငန်းများနှင့်စပ်လျဉ်း၍တွေ့ဆုံဆွေးနွေးခဲ့ကြသည်။

ထိုသို့တွေ့ဆုံဆွေးနွေးရာ၌ လူမှုဖူလုံရေးအဖွဲ့ ညွှန်ကြားရေးမှူးချုပ်က ပြုပြင်ပြောင်းလဲရေး ဆောင်ရွက်ရာတွင် ILO နှင့် ပူးပေါင်းဆောင်ရွက်မှုများ၊ တွေ့ကြုံရသည့်အခက်အခဲများ၊ ရှေ့ဆက်လက် ဆောင်ရွက်မည့် လုပ်ငန်းစဉ်များအား ရှင်းလင်းပြောကြားခဲ့ပြီး ILO ဒုတိယညွှန်ကြားရေးမှူးချုပ် Mr. Greg Vines က မြန်မာနိုင်ငံ၊ လူမှုဖူလုံရေးအဖွဲ့၏ ပြုပြင်ပြောင်းလဲရေးလုပ်ငန်းစဉ်များတွင် အကူအညီ ပေးရသည့်အတွက် ဝမ်းမြောက်ကြောင်း၊ လူမှုဖူလုံရေးအဖွဲ့၏ ပူးပေါင်းဆောင်ရွက်မှုများကို အားရ ကျေနပ်မိပါကြောင်း၊ လိုအပ်သော နည်းပညာအကူအညီများကို ဆက်လက်ဆောင်ရွက်ပေးသွားမည်ဖြစ် ကြောင်း ဆွေးနွေးပြောကြားသည်။

လူမှုဖူလုံရေးအဖွဲ့သည် ၂၀၁၂ ခုနှစ်၊ လူမှုဖူလုံရေးဥပဒေ စတင်ကျင့်သုံးအကောင်အထည်ဖော် သည့် ၂၀၁၄ ခုနှစ်၊ ဧပြီလ ၁ ရက်နေ့တွင် အာမခံအလုပ်သမား (၇) သိန်းခန့်ရှိရာမှ ယခုအခါ အာမခံ အလုပ်သမား ၁,၄၆၇,၈၂၄ ဦး တိုးတက်လာခဲ့ကြောင်း၊ အဆိုပါ အလုပ်သမားများ၏ ကျန်းမာရေး ဝန်ဆောင်မှုနှင့် ဥပဒေပါ ငွေကြေးအကျိုးခံစားခွင့်များ လွယ်ကူလျင်မြန်စွာပေးနိုင်ရေးအတွက် ပြုပြင် ပြောင်းလဲမှုများကို ILO ၏ နည်းပညာအကူအညီကို ရယူဆောင် ရွက်လျက်ရှိပါသည်။

ထိုသို့ဆောင်ရွက်ရာတွင် သတင်းအချက်အလက်နှင့် နည်းပညာကဏ္ဍပြုပြင်ပြောင်းလဲခြင်း (IT Reform) အား ILO- Korea Project ဖြင့်လည်းကောင်း၊ ကျန်းမာရေးဝန်ဆောင်မှုပေးသည့်ကဏ္ဍပြုပြင် ပြောင်းလဲခြင်း (Medical Reform) အား ILO- Luxembourg Project ဖြင့်လည်းကောင်း၊ စီမံခန့်ခွဲမှု ကဏ္ဍပြုပြင်ပြောင်းလဲခြင်း (Administrative Reform) အား ILO- Vision Zero Fund Project ဖြင့် လည်းကောင်း၊ ဥပဒေရေးရာကဏ္ဍပြုပြင်ပြောင်းလဲခြင်း (Legal Reform) အား (ILO- Labour Law Reform Project) ဖြင့်လည်းကောင်း တစ်ပြိုင်နက်တည်း ဆောင်ရွက်လျက်ရှိပါသည်။

ထို့အပြင် လူမှုဖူလုံရေးအဖွဲ့၏ ထည့်ဝင်ကြေးပေးသွင်းခြင်းနှင့် အကျိုးခံစားခွင့်ထုတ်ပေးခြင်း လုပ်ငန်းစဉ်များအား e-Services လုပ်ငန်းများဖြင့် အကောင်အထည်ဖော်ရန် စီစဉ်ဆောင်ရွက်လျက် ရှိကြောင်း သိရသည်