ရန်ကုန် ဇွန် ၁၃
အလုပ်သမားဝန်ကြီးဌာန ဒုတိယဝန်ကြီး ဦးဝင်းရှိန်သည် ယနေ့နေ့လယ်ပိုင်းတွင် ရန်ကုန် တိုင်းဒေသကြီးရှိ တာဝန်ရှိသူများနှင့်အတူ ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်ရှိ ပုလဲရတနာအသက်မွေးဝမ်းကျောင်း သင်တန်းကျောင်းသို့ သွားရောက်၍ IT ပညာရပ်ဆိုင်ရာ နည်းပညာသင်တန်းများ ဖွင့်လှစ်ပို့ချနေမှုကို ကြည့်ရှုအားပေးခဲ့သည်။
ဒုတိယဝန်ကြီးက အလုပ်သမားဝန်ကြီးဌာနအနေဖြင့် လူ့စွမ်းအားအရင်းအမြစ်ဖွံ့ဖြိုး တိုးတက်ရေးနှင့် လုပ်သားများ၏ လူမှုစီးပွားဘဝဖွံ့ဖြိုးတိုးတက်စေရေးအတွက် ကျွမ်းကျင်မှု လေ့ကျင့်ရေးသင်တန်းကျောင်းများ တည်ထောင်၍ ကျွမ်းကျင်လုပ်သားများ မွေးထုတ်ပေးလျက် ရှိကြောင်း၊ ကျွမ်းကျင်လုပ်သားများ ပိုမိုမွေးထုတ်ပေးနိုင်သည်နှင့်အမျှ နိုင်ငံတော်၊ အလုပ်ရှင်နှင့် ကာယကံရှင် လုပ်သားများအတွက် များစွာအကျိုးရှိကြောင်း၊ ဝန်ကြီးဌာနအနေဖြင့် ဒေသတွင်း စီးပွားရေးလုပ်ငန်းများနှင့် အသက်မွေးဝမ်းကျောင်းဆိုင်ရာ လုပ်ငန်းများတွင် အလုပ်အကိုင် အခွင့်အလမ်းများ ရရှိစေရန်၊ လုပ်ခလစာများရရှိပြီး မိသားစုဝင်ငွေများ တိုးတက်စေရန် ရည်ရွယ် ၍ အလုပ်သမားညွှန်ကြားရေးဦးစီးဌာန အသိအမှတ်ပြုသင်တန်းကျောင်းများတွင် ကျွမ်းကျင်မှု သင်တန်းများကို စဉ်ဆက်မပြတ် ပို့ချစေခဲ့ပြီး ဦးစီးဌာနမှ လိုအပ်သည်များကို ကြီးကြပ်ဆောင် ရွက်ပေးလျက်ရှိကြောင်း၊ ပုလဲရတနာသင်တန်းကျောင်းမှ ဖွင့်လှစ်သည့် သင်တန်းများသည် သင်တန်းသားများအတွက် ပြည်တွင်း/ပြည်ပတွင် အလုပ်အကိုင်ကောင်းများ ရရှိနိုင်၍ ရည်ရွယ် ချက် ကောင်းမွန်ကြောင်း၊ အလုပ်အကိုင်အခွင့်အလမ်းများသော အခြားသင်တန်းအမျိုးအစား များကို တိုးချဲ့ဖွင့်လှစ်နိုင်ရေး စီစဉ်ဆောင်ရွက်ရန်၊ IT အလုပ်အကိုင်များကို ကျွမ်းကျင်မှုစံ သတ်မှတ်ချက်များ ရေးဆွဲနိုင်ရေးနှင့် ကျွမ်းကျင်မှုစစ်ဆေးအကဲဖြတ်နိုင်ရေးတို့အတွက် မြန်မာနိုင်ငံ လုပ်သားများ ကျွမ်းကျင်မှုစံသတ်မှတ်ပြဌာန်းရေးအဖွဲ့ (NSSA) နှင့် ချိတ်ဆက်ဆောင်ရွက်ရန်နှင့် သင်တန်းများ အရည်အသွေးအာမခံချက်ရှိစေရေးနှင့် သင်တန်းဆင်းများအတွက် သင့်တော် ကောင်းမွန်သော အလုပ်အကိုင်ရရှိစေရေး ဝန်ကြီးဌာနနှင့် ချိတ်ဆက်ဆောင်ရွက်ရန် တိုက်တွန်း မှာကြားခဲ့ကြောင်း သိရှိရပါသည်။
