ဘေးအန္တရာယ်ကင်းရှင်းပြီး ကျန်းမာရေးနှင့် ညီညွတ်သည့် လုပ်ငန်းခွင်များ၊ တိုးတက်ကောင်းမွန်သည့် လူမှုရေးရာဆွေးနွေးမှုများ ဖြစ်ပေါ်ရေး ဆောင်ရွက်ခြင်းဆိုင်ရာ ပူးတွဲထုတ်ပြန်ချက်

အလုပ်သမားဈေးကွက်ဆိုင်ရာ အကြောင်းအရာများအပေါ် အနာဂတ်ပူးပေါင်းဆောင်ရွက်မှု များနှင့်စပ်လျဉ်း၍ ဆွေးနွေးညှိနှိုင်းရန် ယနေ့တွင် ပြည်ထောင်စုသမ္မတမြန်မာနိုင်ငံတော်၊ အလုပ်သမား၊လူဝင်မှုကြီးကြပ်ရေးနှင့်ပည်သူ့အင်အားဝန်ကြီးဌာန၊ ပြည်ထောင်စုဝန်ကြီး ဦးသိန်းဆွေက မြန်မာနိုင်ငံဆိုင်ရာဒိန်းမတ်သံအမတ်ကြီး Mr. Peter Lysholt Hansen အားလက်ခံတွေ့ဆုံခဲ့ပါသည်။

အဆိုပါတွေ့ဆုံဆွေးနွေးမှုတွင် ပြည်ထောင်စုဝန်ကြီးနှင့် မြန်မာနိုင်ငံဆိုင်ရာ ဒိန်းမတ်သံအမတ်ကြီးတို့က မြန်မာနိုင်ငံတွင် ဘေးအန္တရာယ်ကင်းရှင်းပြီး ကျန်းမာရေးနှင့်ညီညွတ်သည့် လုပ်ငန်းခွင်များ၊ တိုးတက်ကောင်းမွန်သည့် လူမှုရေးရာဆွေးနွေးမှုများဖြစ်ပေါ်လာစေရန် ရည်ရွယ်သည့် ဆောင်ရွက်ချက်အသစ်များအပေါ် မြန်မာနိုင်ငံနှင့် ဒိန်းမတ်နိုင်ငံတို့ ပူးပေါင်းဆောင်ရွက် သွားမည်ဖြစ်ကြောင်း ထုတ်ဖော်ကြေငြာခဲ့ပါသည်။[download id=”701″]