ပြည်ထောင်စုဝန်ကြီး ဦးသိန်းဆွေ၊ ကုလသမဂ္ဂဖွံ့ဖြိုးရေးနှင့် လူသားချင်းစာနာထောက်ထားမှုဆိုင်ရာ ဌာနေညှိနှိုင်းရေးမှူးရုံးမှ ညှိနှိုင်းရေးမှူး Ms. Renata Dessallien အား နေပြည်တော်၌ တွေ့ဆုံ၊ သန်းခေါင်စာရင်းအစီရင်ခံစာ ထုတ်ပြန်မှုနှင့် ရခိုင်ပြည်နယ်အတွင်း နိုင်ငံသားစိစစ်ရေးဆိုင်ရာ လုပ်ငန်းများဆောင်ရွက်မှုများဆွေးနွေး။

နေပြည်တော်၊ ဩဂုတ်လ ၃၀ ။
အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ ပြည်ထောင်စုဝန်ကြီး ဦးသိန်းဆွေသည် ရန်ကုန်မြို့ရှိ ကုလသမဂ္ဂဖွံ့ဖြိုးရေးနှင့် လူသားချင်းစာနာထောက်ထားမှုဆိုင်ရာ ဌာနေညှိနှိုင်းရေးမှူးရုံးမှ ညှိနှိုင်းရေးမှူး Ms. Renata Dessallien အား ဩဂုတ်လ(၃၀)ရက် ယနေ့ မွန်းလွဲ(၃)နာရီတွင် နေပြည်တော်ရှိ အဆိုပါ ဝန်ကြီးဌာန၊ ပြည်ထောင်စုဝန်ကြီး၏ ဧည့်ခန်းမ၌ လက်ခံတွေ့ဆုံသည်။
ထိုသို့တွေ့ဆုံရာတွင် ပြည်ထောင်စုဝန်ကြီးနှင့်အတူ အမြဲတမ်းအတွင်းဝန် ဦးမြင့်ကြိုင်နှင့် ဦးစီးဌာနများမှ ညွှန်ကြားရေးမှူးချုပ်များ၊ တာဝန်ရှိသူများတက်ရောက်ခဲ့ကြပြီး ၂၀၁၄ ခုနှစ်၊ လူဦးရေနှင့်အိမ်အကြောင်းအရာ သန်းခေါင်စာရင်းအစီရင်ခံစာ အချက်အလက်များ ထုတ်ပြန်ခဲ့မှုနှင့် ဆက်လက်ထုတ်ပြန်နိုင်ရေး ဆောင်ရွက်နေမှုအခြေအနေများ၊ ရခိုင်ပြည်နယ်ဆိုင်ရာ အကြံပေး ကော်မရှင် ဥက္ကဋ္ဌ ဒေါက်တာကိုဖီအာနန်၏ ကြားဖြတ်အစီရင်ခံစာအပေါ် အကောင်အထည်ဖော် ဆောင်ရွက်မှုနှင့် အပြီးသတ်အစီရင်ခံစာအပေါ် ဆက်လက်ဆောင်ရွက်မည့်အစီအစဉ်၊ ရခိုင် ပြည်နယ်အတွင်း လက်ရှိဖြစ်ပေါ်နေမှုနှင့် လုံခြုံရေးနှင့် တရားဥပဒေစိုးမိုးရေး ဆောင်ရွက်နေမှု အခြေအနေများ၊ နိုင်ငံသားစိစစ်ရေးလုပ်ငန်းများ ဆက်လက်ဆောင်ရွက်မည့် အစီအစဉ်များနှင့် ကုလသမဂ္ဂဖွံ့ဖြိုးရေးနှင့် လူသားချင်းစာနာထောက်ထားမှုဆိုင်ရာ အကူအညီပေးရေးတို့နှင့် စပ်လျဉ်း၍ ရင်းနှီးပွင့်လင်းစွာ ဆွေးနွေးခဲ့ကြောင်း သတင်းရရှိသည်။(-)