အလုပ်သမားရေးရာဆိုင်ရာ ရုံးအမှတ်(၅၁) ၊ နေပြည်တော် မှ ၂၀၁၈-၂၀၁၉ ဘဏ္ဍာရေးနှစ်အတွင်း ဆေးရုံသုံးပစ္စည်းကိရိယာများဝယ်ယူရန်အတွက် တင်ဒါအောင်မြင်သူများကြေညာခြင်း

အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန
အလုပ်သမားရေးရာဆိုင်ရာ ရုံးအမှတ်(၅၁) ၊ နေပြည်တော် မှ
၂၀၁၈-၂၀၁၉ ဘဏ္ဍာရေးနှစ်အတွင်း ဆေးရုံသုံးပစ္စည်းကိရိယာများဝယ်ယူရန်အတွက်
တင်ဒါအောင်မြင်သူများကြေညာခြင်း

တင်ဒါအောင်မြင်သည့် စာရင်းအပြည့်အစုံ

အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန အလုပ်သမားရေးရာဆိုင်ရာ ရုံးအမှတ်(၅၁) ၊ နေပြည်တော် မှ ၂၀၁၈-၂၀၁၉ ဘဏ္ဍာရေးနှစ် အတွင်း တည်ဆောက်ရေးလုပ်ငန်းများဆောင်ရွက်ရန် သက်ဆိုင်ရာလုပ်ငန်းများအလိုက် တင်ဒါအောင်မြင်သည့် ကုမ္ပဏီများစာရင်းအား ကြေညာအပ်ပါသည်… လုပ်ငန်းအလိုက် တင်ဒါအောင်မြင်သူများစာရင်း အပြည့််အစုံ

အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ အလုပ်သမားရေးရာဆက်ဆံရေးဉီးစီးဌာန၌ လစ်လပ်လျက်ရှိသော ဒုတိယဉီးစီးမှူးရာထူးနေရာ (၁၅) နေရာတွင် အောက်ဖော်ပြပါပုဂ္ဂိုလ်များအား ရွေးချယ်ခန့်အပ်ကြောင်း အမည်စာရင်းထုတ်ပြန် ကြေညာအပ်ပါသည်-

အပြည့်အစုံ

မန္တလေးမြို့ မေလ ၂၉ရက်
အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့ နှင့် ILO – VZF တို့ပူးပေါင်း၍ အလုပ်တွင်ထိခိုက်မှုအကျိုးခံစားခွင့် အာမခံစနစ် လုပ်ငန်းဖြေလျော့မှု စမ်းသပ်စီမံကိန်းစတင်ခြင်း အခမ်းအနားကို ၂၀၁၉ခုနှစ်၊ မေလ ၂၉ရက်နေ့ နံနက်ပိုင်းတွင် မန္တလေး တိုင်းဒေသကြီး၊ချမ်းအေးသာဇံမြို့နယ်၊ ၇၈လမ်းနှင့် ၃၄ လမ်းထောင့်၊ Yadanabon Supercenter (၄) လွှာရှိ မန္တလေးတိုင်းဒေသကြီးကုန်သည်များနှင့် စက်မှုလက်မှုလုပ်ငန်းရှင်များအသင်း (MRCCI) အစည်းအဝေးခန်းမ၌ ကျင်းပပါသည်။
အခမ်းအနားသို့ မန္တလေးတိုင်းဒေသကြီး အစိုးရအဖွဲ့ သယံဇာတနှင့်သဘာဝပတ်ဝန်းကျင် ထိန်းသိမ်းရေးနှင့်အလုပ်သမားရေးရာဝန်ကြီး ဉီးမျိုးသစ်၊ပြည်သူ့လွှတ်တော်၊ အမျိုးသားလွှတ်တော် နှင့်တိုင်းဒေသကြီးလွှတ်တော်တို့မှ ကိုယ်စားလှယ်များ၊ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့၊ ညွှန်ကြားရေးမှူးချုပ် ဉီးမောင်မောင်အေးနှင့် ဌာနဆိုင်ရာတာဝန်ရှိသူများ၊ အပြည်ပြည်ဆိုင်ရာအလုပ်သမားရေးရာအဖွဲ့မှMs. Mariana Infante Villarroel နှင့် ကိုယ်စားလှယ်များ၊ အလုပ်ရှင်အဖွဲ့အစည်းနှင့် အလုပ်သမားအဖွဲ့အစည်းတို့မှ ကိုယ်စားလှယ်များတက်ရောက်ခဲ့ကြပြီးအခမ်းအနားတွင်တိုင်းဒေသကြီးဝန်ကြီး ဦးမျိုးသစ်မှ အမှာ စကားပြောကြားရာတွင် အပြည်ပြည်ဆိုင်ရာပြဋ္ဌာန်းချက်များဖြစ် သည့် Universal Declaration of Human Right (UDHR) (၁၉၄၈ ခုနှစ်) နှင့် The International Covenant on Economic, Social and Culture Rights (ICESCR) (၁၉၆၆ ခုနှစ်) တို့၌ လုပ်ငန်းခွင်ထိခိုက်မှု အကာအကွယ်ပေးရေး ဆိုင်ရာ အခွင့်အရေးများကို ပြဋ္ဌာန်းထားရှိပြီး ယင်းအခွင့်အရေးများရရှိရန်အတွက် နိုင်ငံတကာ၌ အစိုးရ၊ အလုပ်ရှင်၊ အလုပ်သမားပူးပေါင်း၍ ဘေးကင်းပြီး ကျန်းမာရေးနှင့်ပြည့်စုံသည့် လုပ်ငန်းခွင် အခြေအနေ ဖန်တီးပေးခြင်း၊ ကြိုတင်ကာကွယ်ခြင်း၊ ကုသပေးခြင်းနှင့် လုပ်ငန်းခွင်ရောဂါများ ထိန်းချုပ်ကာကွယ်ခြင်းအပြင်လုပ်ငန်းခွင်ထိခိုက်ဒဏ်ရာရရှိသည့် အလုပ်သမားနှင့်ယင်း၏မိသားစု ဝင်များအားသင့်တော်သည့်အကျိုးခံစားခွင့်များပေးခြင်းတို့ကို ဥပဒေပြဋ္ဌာန်းခြင်း၊ မူဝါဒနှင့်လုပ်ငန်း စဉ်များချမှတ်ခြင်းတို့ဖြင့် ဆောင်ရွက်လျက်ရှိသည်ကို တွေ့ရှိရမှာ ဖြစ်ပါကြောင်း၊
မန္တလေးတိုင်းဒေသကြီးတွင်အလုပ်လုပ်ကိုင်နေကြသည့်အလုပ်သမားများနေထိုင်သွားလာမှု အဆင်ပြေစေရေး၊ လုပ်ငန်းခွင်ဘေးအန္တရာယ်ကင်းရှင်းရေး၊ ကျန်းမာရေးစောင့်ရှောက်မှုပိုမို ပြည့်စုံ ကောင်းမွန်စေရေး၊လုပ်ငန်းခွင်တည်ငြိမ်ရေး၊ အလုပ်ရှင်၊ အလုပ်သမားဆက်ဆံမှုကောင်းမွန်စေရေး၊ အငြင်းပွားမှုများပေါ်ပေါက်လာလျှင် အလုပ်သမားဥပဒေများနှင့်အညီ ဖြေရှင်းဆောင် ရွက်ပေးရေး တို့ကို မိမိတို့ တိုင်းဒေသကြီးအစိုးရအဖွဲ့မှ သက်ဆိုင်ရာဝန်ကြီးဌာန၊ အလုပ်ရှင်၊ အလုပ်သမားအဖွဲ့ အစည်းများနှင့် ပူးပေါင်းဆောင်ရွက်လျက်ရှိပါကြောင်း၊
လူမှုဖူလုံရေးအဖွဲ့အနေနှင့်လည်း ငွေကြေးအကျိုးခံစားခွင့်နှင့် ကျန်းမာရေးစောင့်ရှောက်မှု လုပ်ငန်းများ ပိုမိုကောင်းမွန်အောင် ဆောင်ရွက်နိုင်ရန် ILO ၏ နည်းပညာအကူအညီရယူပြီး ပြုပြင် ပြောင်းလဲမှုများဆောင်ရွက်ရာတွင်စီမံခန့်ခွဲမှုကဏ္ဍပြုပြင်ပြောင်းလဲခြင်း(Administrative Reform) နှင့်ပတ်သက်ပြီးအလုပ်တွင်ထိခိုက်မှုအကျိုးခံစားခွင့်လျှောက်ထားရာမှာဆောင်ရွက်ရသည့်လုပ်ငန်း စဉ်များကိုဖြေလျှော့ပြီး ယခုကဲ့သို့ပြည်ကြီးတံခွန်မြို့နယ်မှာ စမ်းသပ်စီမံကိန်းစတင်ဆောင်ရွက်ခြင်း ဖြစ်သည့်အတွက် မိမိတို့တိုင်းဒေသကြီးအနေဖြင့် လိုအပ်ချက်များကို ဝိုင်းဝန်းကူညီဆောင်ရွက် ပေးမည် ဖြစ်ပါကြောင်း၊ အလုပ်သမားများ၏ အကျိုးခံစားခွင့်များကို ထိရောက်မြန်ဆန်စွာပေးနိုင် ပါကလူမှုဖူလုံရေးစီမံကိန်းကို အလုပ်ရှင်၊အလုပ်သမားများပိုမိုယုံကြည်အားကိုးလာမှာဖြစ်ပါကြောင်း ပြောကြားခဲ့ပြီးနောက် ILO မှSenior Technical Officer, ILO-VZF –Ms. Mariana Infante Villarroel အမှာစကားပြောကြားခဲ့ပါသည်။
ထို့နောက် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေး အဖွဲ့၊ ညွှန်ကြားရေးမှူးချုပ်မှ ဆက်လက်ပြောကြားရာတွင် လူမှုဖူလုံရေးအဖွဲ့အနေဖြင့် အာမခံ အလုပ်သမားများအား ကျန်းမာရေးစောင့်ရှောက်မှုပေးခြင်းနှင့် မကျန်းမာမှု၊မီးဖွားမှု၊သေဆုံးမှုနှင့် အလုပ်တွင် ထိခိုက်ဒဏ်ရာရမှုတို့ကြောင့် လုပ်ခ၀င်ငွေလျော့နည်းခြင်း၊ ရပ်စဲခြင်းများဖြစ်ပေါ်သည့် အခါ အလုပ်သမားနှင့် ၎င်းအပေါ်မှီခိုနေသောမိသားစုဝင်တို့အား ငွေကြေးအကျိုးခံစားခွင့် ခွင့်ပြု ထုတ်ပေးခြင်းဖြင့်စီးပွားရေး၊လူမှုရေးဒုက္ခများခံစားရခြင်းမှကာကွယ်ပေးရန်ဖြစ်ပါကြောင်း၊
အပြည်ပြည်ဆိုင်ရာအလုပ်သမားရေးရာအဖွဲ့(ILO)ကထုတ်ပြန်ထားသည့်နောက်ဆုံးခန့်မှန်း ခြေစာရင်းအရ လုပ်ငန်းခွင်ဘေးအန္တရာယ်ကင်းရှင်းရေးနှင့် ကျန်းမာရေးသည် လူသားများ၏ အခွင့် အရေးပင်ဖြစ်ပြီးလုပ်ငန်းခွင်မတော်တဆဖြစ်မှုနှင့် လုပ်ငန်းခွင်နှင့်သက်ဆိုင်သည့်ရောဂါများကြောင့် နှစ်စဉ်အလုပ်သမား၂.၇၈သန်းတို့သေဆုံးကြရကြောင်း၊ ယင်းအနက်မှ၂.၄သန်းခန့်သည်လုပ်ငန်းခွင် နှင့် သက်ဆိုင်သည့်ရောဂါများကြောင့်သေဆုံးရခြင်းဖြစ်သည်ဟု သိရှိရပါကြောင်း။
မြန်မာနိုင်ငံအနေနှင့် လုပ်ငန်းခွင်ဘေးအန္တရာယ်ကင်းရှင်းရေးနှင့်ကျန်းမာရေးဆိုင်ရာ ဥပဒေ ကို ၁၅-၃-၂၀၁၉ ရက်နေ့တွင် ထုတ်ပြန်ခဲ့ပြီး နည်းဥပဒေများ ရေးဆွဲထုတ်ပြန်နိုင်ရန် အတွက် ဆွေးနွေး ညှိနှိုင်းမှုများဆောင်ရွက်လျက်ရှိပါကြောင်း၊ လုပ်ငန်းခွင်ဘေးအန္တရာယ်ကင်းရှင်းရေးသည် အလုပ်သမားအားလုံးအတွက် အရေးကြီးသောလုပ်ငန်းစဉ်ဖြစ်ပြီး အကြောင်းအမျိုးမျိုးကြောင့် လုပ်ငန်းခွင်တွင်မတော်တဆထိခိုက်မှုများတွေ့ကြုံရလာပါက မိမိတို့လူမှုဖူလုံရေးဥပဒေနှင့် အကျုံး ဝင်သည့်အလုပ်သမားများသည် အလုပ်တွင်ထိခိုက်မှုအကျိုးခံစားခွင့်အာမခံစနစ်သို့ ထည့်ဝင်ကြေးပေးသွင်းထားရုံဖြင့် ဆေးကုသမှုခံယူခွင့်၊ ယာယီမသန်စွမ်းမှုအကျိုးခံစားခွင့်၊ အမြဲတမ်းမသန်စွမ်းမှု အကျိုးခံစားခွင့်နှင့် အလုပ်ကိုအကြောင်းပြု၍ သေဆုံးမှုကြောင့် ကျန်ရစ်သူအကျိုးခံစားခွင့်တို့အား ဥပဒေပါပြဋ္ဌာန်းချက်နှင့်အညီခံစားရမှာဖြစ်ပါကြောင်း။
လူမှုဖူလုံရေးအဖွဲ့အနေဖြင့် အလုပ်တွင်ထိခိုက်မှုအကျိုးခံစားခွင့်အာမခံစနစ်လုပ်ငန်းစဉ်ဖြေ လျှော့မှု စမ်းသပ်စီမံကိန်းကို နိုင်ငံတကာမှ ကျွမ်းကျင်သူပညာရှင်များနှင့်ပူးပေါင်းပြီး လေ့လာဆန်း စစ်မှုများပြုလုပ်၍ စမ်းသပ်စီမံကိန်းကို ၂၀၁၉ ခုနှစ်၊ ဇွန်လ ၁ ရက်နေ့မှ ဒီဇင်ဘာလအထိ ရန်ကုန် တိုင်းဒေသကြီး၊လှိုင်သာယာမြို့နယ်နှင့်မန္တလေးတိုင်းဒေသကြီး၊ပြည်ကြီးတံခွန်မြို့နယ်တို့မှာ စမ်းသပ် ဆောင်ရွက်သွားမှာဖြစ်ပါကြောင်း၊ စမ်းသပ်စီမံကိန်းအောင်မြင်စေရန် အလုပ်ရှင်၊ အလုပ်သမားများ အပြင်သက်ဆိုင်ရာမြို့နယ်ရှိ ဝန်ထမ်းများအနေနှင့်လည်း ပူးပေါင်းပါဝင်ဆောင်ရွက်ပေးဖို့တိုက်တွန်း ပြောကြားခဲ့ပါသည်။
ဆက်လက်ပြီး တက်ရောက်လာကြသူများနှင့် ဖွင့်ပွဲအထိမ်းအမှတ် အမှတ်တရ ဓါတ်ပုံများ ရိုက်ကူးခဲ့ကြပါသည်။
အခမ်းအနား ဒုတိယပိုင်းအစီအစဉ်ကို ဆက်လက်ကျင်းပခဲ့ရာ အခမ်းအနားတွင် Senior Technical Officer – Ms. Mariana Infante Villarroel က EII Pilot Project ဒီဇိုင်းရေးဆွဲခြင်း နှင့်ပတ်သက်၍ ရှင်းလင်းတင်ပြခဲ့ပြီး လူမှုဖူလုံရေးအဖွဲ့ ညွှန်ကြားရေးမှူး ဒေါ်သန်းသန်းနုက EII Pilot Project ဖြေလျော့မှုလုပ်ငန်းများအား ရှင်းလင်းတင်ပြခဲ့ပါသည်။ ၎င်းနောက်တက်ရောက်လာ သူများမှ သိရှိလိုသည်များအား မေးမြန်းရာ လူမှုဖူလုံရေးအဖွဲ့တာဝန်ရှိသူများမှ ပြန်လည်ရှင်းလင်း ဖြေကြားခဲ့ပြီးအခမ်းအနားကိုမွန်းလွဲ၁၂:၃၀အချိန်တွင်ပြီးစီးပါကြောင်းသိရှိရပါသည်။

နေပြည်တော် မေလ ၂၉

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ အလုပ်သမားရေးရာဆက်ဆံရေးဦးစီးဌာနမှ ကျင်းပပြုလုပ်သောအလုပ်သမားရေးရာ အငြင်းပွားမှုဖြေရှင်းရေး ဥပဒေကို ဒုတိယအကြိမ်ပြင်ဆင်သည့် ဥပဒေနှင့်ပတ်သက်၍ ရှင်းလင်းဆွေးနွေးပွဲကို ၂၉-၅-၂၀၁၉ ရက်နေ့၊ နံနက်(၀၉:၀၀)နာရီတွင် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ နေပြည်တော်၌ ကျင်းပပြုလုပ်ခဲ့ရာ ပြည်ထောင်စုဝန်ကြီး ဦးသိန်းဆွေ၊ အမြဲတမ်းအတွင်းဝန် ဦးမျိုးအောင်၊ ဝန်ကြီးဌာနလက်အောက်ရှိဦးစီးဌာနများမှ ဌာနအကြီးအကဲများ၊ အလုပ်သမားရေးရာဆက်ဆံရေးဦးစီးဌာနလက်အောက်ရှိ တိုင်းဒေသကြီး၊ ပြည်နယ်ရုံးများ၊ အထူးစီးပွားရေးဇုန်ရုံးများ၊ မြို့နယ်တာဝန်ခံအရာရှိများ၊ ရုံးချုပ်(နေပြည်တော်)ရှိ အရာထမ်းများနှင့် အလုပ်သမားညွှန်ကြားရေးဦးစီးဌာနမှ ညှိနှိုင်းဖျန်ဖြေရေးအဖွဲ့ အတွင်းရေးမှူး တာဝန်ထမ်းဆောင်လျက် ရှိသော မြို့နယ်တာဝန်ခံအရာရှိများ၊ စုစုပေါင်း (၁၂၀) ဦးခန့် တက်ရောက်ခဲ့ကြပါသည်။

ရှင်းလင်းဆွေးနွေးပွဲတွင် ပြည်ထောင်စုဝန်ကြီးက အလုပ်သမားရေးရာအငြင်းပွားမှု ဖြေရှင်းရေး ဥပဒေကို ဒုတိယအကြိမ်ပြင်ဆင်သည့် ဥပဒေအား မကြာမီ ပြည်ထောင်စုလွှတ်တော်မှ ပြဋ္ဌာန်း သွားမည်ဖြစ်သည့်အတွက် အလုပ်သမားရေးရာအငြင်းပွားမှုများကို ဥပဒေနှင့်အညီ ညှိနှိုင်းဖျန်ဖြေ ဆုံးဖြတ်နိုင်ရေးအတွက် သက်ဆိုင်ရာမြို့နယ်၊ အထူးစီးပွားရေးဇုန်များ၊ တိုင်းဒေသကြီး၊ ပြည်နယ် တာဝန်ခံအရာရှိများအနေဖြင့် ဒုတိယအကြိမ်ပြင်ဆင်သည့်ဥပဒေအရ ဖြေရှင်းဆောင်ရွက် ပေးရမည့် ကိစ္စရပ်များ၊ သိရှိသင့်သည့်အချက်များအား နားလည်သိရှိစေရန်အတွက် တာဝန်ရှိသူများကယခုကဲ့သို့ ရှင်းလင်းဆွေးနွေးမှု ပြုလုပ်ရခြင်းဖြစ်ကြောင်း၊ အငြင်းပွားမှုများကို ဖြေရှင်းဆောင်ရွက်နေကြသော တာဝန်ခံအရာရှိများအနေဖြင့် ပြင်ဆင်သည့် ဥပဒေပြဋ္ဌာန်းချက်များ၏ ဆိုလိုသည့် အဓိပ္ပါယ်ကို ရှင်းရှင်းလင်းလင်း ကွဲကွဲပြားပြားသိရှိမှသာ မိမိတာဝန်ယူဆောင်ရွက်လျက်ရှိသည့် အငြင်းပွားမှုများ ဖြေရှင်းဆောင်ရွက်မည့် လုပ်ငန်းစဉ်များကိုမှန်ကန်စွာ ညှိနှိုင်းဖြေရှင်းဆုံးဖြတ်နိုင်မည်ဖြစ်ကြောင်း၊ အလုပ်သမားရေးရာအငြင်းပွားမှုဖြေရှင်းရေးဥပဒေအပါအဝင် အလုပ်သမားဥပဒေများသည် လုပ်ငန်းခွင်ရှိ အလုပ်သမားများ၏ အခွင့်အရေးကိုကာကွယ်စောင့်ရှောက်နိုင်ရန်အတွက် သာမက လူမှုတရားမျှတပြီး လုပ်ငန်းခွင်ဆက်ဆံရေးကောင်းမွန်စေရန်၊ လုပ်ငန်းခွင်ပြဿနာများကိုဥပဒေနှင့်အညီဖြေရှင်း ဆောင်ရွက်နိုင်စေရန်နှင့် ထိုမှတဆင့် လူမှုစီးပွားဘဝတိုးတက်ကောင်းမွန်စေရေးအတွက် အရေးပါ သောကဏ္ဍတစ်ခုဖြစ်ကြောင်း၊ အလုပ်သမားရေးရာအငြင်းပွားမှုဖြေရှင်းရေးဥပဒေကို စည်းကြပ် အကောင်အထည်ဖော်ဆောင်ရွက်နေကြတဲ့ တာဝန်ခံအရာရှိများအနေဖြင့် အလုပ်သမားရေးရာ အငြင်းပွားမှုဖြေရှင်းရေးဥပဒေကို ဒုတိယအကြိမ်ပြင်ဆင်သည့် ဥပဒေတွင်ပါရှိသည့် ပြဋ္ဌာန်းချက်များ၏ ဆိုလိုချက်များကို ရှင်းလင်းဆွေးနွေးပွဲတွင် ဆွေးနွေးညှိနှိုင်းခြင်းဖြင့် ရှင်းရှင်းလင်းလင်း ကွဲကွဲပြားပြားသိရှိစေပြီးဥပဒေ၏ ရည်ရွယ်ချက်အပေါ် အောင်မြင်စွာအကောင် အထည်ဖော်ဆောင် ရွက်သွားနိုင်မည်ဖြစ်ကြောင်းပြောကြားပါသည်။

ဒုတိယအကြိမ်ပြင်ဆင်သည့်ဥပဒေနှင့်ပတ်သက်၍ တာဝန်ရှိသူများက အလေးထားဆောင်ရွက် ရမည့်အချက်များ၊ အလုပ်ရှင် / အလုပ်သမားများနှင့် ပူးပေါင်းဆောင်ရွက်ရမည့် အချက်များအား ရှင်းလင်းဆွေးနွေးပြောကြားမှုအပေါ် တက်ရောက်လာသည့် အရာထမ်းများကသိရှိလိုသည့်အချက် များအားပြန်လည်ဆွေးနွေးမေးမြန်းခဲ့ကြကြောင်းနှင့် ယခုဆွေးနွေးပွဲသည် အငြင်းပွားမှုဖြေရှင်းရေး လုပ်ငန်းစဉ်များတွင် အဓိကအကောင်အထည်ဖော် ဆောင်ရွက်နေသည့် တာဝန်ခံအရာရှိများ အတွက် ကြိုတင်ပြင်ဆင်လေ့လာနိုင်ရန် ရည်ရွယ်၍ ပြုလုပ်သောဆွေးနွေးပွဲဖြစ်ကြောင်းသိရသည်။

ရန်ကုန်မြို့၊ မေလ ၂၆ရက်

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့ နှင့် အပြည်ပြည်ဆိုင်ရာအလုပ်သမားအဖွဲ့ (ILO)- VZF တို့ပူးပေါင်း၍ အလုပ်တွင်ထိခိုက်မှု အကျိုးခံစားခွင့်အာမခံစနစ် လုပ်ငန်းဖြေလျော့မှုစမ်းသပ်စီမံကိန်း (EII Pilot Project Launching) စတင်ခြင်းအခမ်းအနားကို ၂၀၁၉ ခုနှစ်၊ မေလ ၂၆ ရက်နေ့ နံနက်ပိုင်းတွင် ရန်ကုန် တိုင်းဒေသကြီး၊ လှိုင်သာယာမြို့နယ်၊ လှိုင်သာယာစက်မှုဇုန် (၆)၊ ပန်းလှိုင်ဂေါက်ကွင်းအိမ်ရာဝင်း ရှိ Awei Metta Hotel (Ballroom) ၌ ကျင်းပပါသည်။

အခမ်းအနားသို့ ရန်ကုန်တိုင်းဒေသကြီးအစိုးရအဖွဲ့၊ ရခိုင်တိုင်းရင်းသားလူမျိုးရေးရာဝန်ကြီး ဦးဇော်အေးမောင်၊  အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ အမြဲတမ်းအတွင်းဝန်၊ အမျိုးသားလွှတ်တော်နှင့် တိုင်းဒေသကြီးလွှတ်တော်တို့မှ ကိုယ်စားလှယ် များ၊ အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနမှ တာဝန်ရှိသူများ၊ အပြည်ပြည်ဆိုင်ရာအလုပ်သမားအဖွဲ့(ILO)မှ တာဝန်ရှိသူများနှင့် ဖိတ်ကြားထားသော ကိုယ်စားလှယ်များ၊ အလုပ်ရှင်အဖွဲ့အစည်းနှင့် အလုပ်သမားအဖွဲ့အစည်းတို့မှ ကိုယ်စားလှယ် များနှင့် တာဝန်ရှိသူများ၊ အမျိုးသားအဆင့်လူမှုဖူလုံရေးအဖွဲ့မှ အဖွဲ့ဝင်များ တက်ရောက်ခဲ့ပြီး အခမ်းအနားတွင် တိုင်းဒေသကြီးအစိုးရအဖွဲ့ ရခိုင်တိုင်းရင်းသားလူမျိုးရေးရာဝန်ကြီး ဦးဇော်အေးမောင် မှပြောကြားရာတွင် လူမှုဖူလုံရေးစနစ်များအောင်မြင်စေရေးသည် ယင်းစနစ်အပေါ် အများပြည်သူ ယုံကြည်မှုရှိစေရန် အရေးပါသကဲ့သို့ ယင်းယုံကြည်မှု ဖြစ်ပေါ်စေရေးအတွက် ကောင်းမွန်သည့် အုပ်ချုပ်မှု (Good Governance) သည် မရှိမဖြစ်လိုအပ်ပါကြောင်း၊ ထို့ကြောင့် ထိရောက်သည့် လူမှုဖူလုံရေးအစီအစဉ်များ (Effective social security schemes) အတွက် စီမံခန့်ခွဲမှုလုပ်ငန်း များ (Administrative operations)ဖြစ်သည့် ထည့်ဝင်ကြေး(Contribution)များ စနစ်တကျ ကောက်ခံရေးနှင့် အကျိုးခံစားခွင့်များအမြန်ဆုံးပေးအပ်ရေး၊ ထည့်ဝင်ကြေးဆိုင်ရာ စာရင်းအင်း များ မှန်ကန်တိကျစေရေး၊ စီမံခန့်ခွဲမှုလုပ်ငန်းဆောင်တာများကို ကုန်ကျစရိတ်အနည်းဆုံးဖြင့်  အဆင့်မီဆောင်ရွက်နိုင်ရေး၊ ထည့်ဝင်ကြေးပေးသွင်းသူများနှင့် အကျိုးခံစားခွင့်ရရှိမည့်သူများ အား ယင်းတို့၏ အခွင့်အရေး နှင့်တာဝန်များကိုသိရှိရန် အသိပညာပေးရေး၊ စီမံခန့်ခွဲမှုလုပ်ငန်း ဆောင်ရွက်ချက်များကို စိစစ်တိုင်းတာရေးနှင့် ပြန်လည်သုံးသပ်ရေးတို့ကို ဆောင်ရွက်သွားရန် လိုအပ်မည်ဖြစ်ပါကြောင်း၊ ကောင်းမွန်သည့် လူမှုဖူလုံရေးစီမံအုပ်ချုပ်မှု (Governance of Social Security) လုပ်ငန်းစဉ်အောင်မြင်ရေးအတွက် အစိုးရ၊ လူမှုဖူလုံရေးအဖွဲ့သာမက အလုပ်ရှင်များ၊ အလုပ်သမားများနှင့် အကျိုးခံစားခွင့်ရရှိသူများပါ ပူးပေါင်းပါဝင်ဆောင်ရွက်ရန် လိုအပ်မည် ဖြစ်ပါကြောင်း ပြောကြားခဲ့ပြီးနောက် အပြည်ပြည်ဆိုင်ရာ အလုပ်သမားအဖွဲ့(ILO) မှ  Liaison Officer – Rory Mungoven မှ အမှာစကား ပြောကြားခဲ့ပါသည်။

ထို့နောက် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန အမြဲတမ်းအတွင်းဝန်မှ ဆက်လက်ပြောကြားရာတွင် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနသည် အလုပ်သမားရေးရာကိစ္စရပ်များနှင့် စပ်လျဉ်း၍ အလုပ်သမား ဥပဒေများနှင့်အညီ အစိုးရ၊ အလုပ်ရှင်၊ အလုပ်သမား သုံးပွင့်ဆိုင်ပူးပေါင်း ဆောင်ရွက်မှုဖြင့် နိုင်ငံတော်ဖွံ့ဖြိုး တိုးတက်ရန်အတွက် မျှော်မှန်းချက်ချမှတ်ပြီး တည်ငြိမ်အေးချမ်းသည့် လုပ်ငန်းခွင်များဖြစ်ပေါ်စေရေး၊ သင့်လျော်ကောင်းမွန်သည့် အလုပ်အကိုင်ရရှိရေးနှင့် ဘေးကင်း သည့် ရွှေ့ပြောင်းသွားလာမှုဖြစ်ပေါ်ရေး၊ ကျွမ်းကျင်မှုလေ့ကျင့်သင်ကြားရေး၊ လူမှုအကာအကွယ်နှင့် ကျန်းမာရေးစောင့်ရှောက်မှုပေးနိုင်ရေးစသည့် ရည်မှန်းချက်(၉)ရပ်ဖြင့် လုပ်ငန်းများအကောင် အထည်ဖော်ဆောင်ရွက်လျက်ရှိပါကြောင်း၊ လူမှုဖူလုံရေးအဖွဲ့အနေဖြင့် အပြည်ပြည်ဆိုင်ရာ အလုပ်သမားအဖွဲ့(ILO)နှင့် ပူးပေါင်းပြီး ပြုပြင်ပြောင်းလဲမှုလုပ်ငန်းစဉ်(၄)ရပ်ကို ဆောင်ရွက် လျက်ရှိရာ Administrative Reform ပါ လုပ်ငန်းစဉ်တစ်ရပ်ဖြစ်သော အလုပ်တွင်ထိခိုက်မှု အကျိုးခံစားခွင့်အာမခံစနစ် လုပ်ငန်းစဉ်ဖြေလျှော့မှုစမ်းသပ်စီမံကိန်းကို နိုင်ငံတကာမှ ကျွမ်းကျင်သူ ပညာရှင်များနှင့်ပူးပေါင်းပြီး လေ့လာဆန်းစစ်၍ ထိရောက်ကောင်းမွန်သည့် ဝန်ဆောင်မှုများ ပေးနိုင်ရန် ဆောင်ရွက်လျက်ရှိပါကြောင်း၊ ယနေ့တွင် အလုပ်တွင် ထိခိုက်မှုအကျိုးခံစားခွင့် အာမခံစနစ် လုပ်ငန်းစဉ်ဖြေလျှော့မှု စမ်းသပ်စီမံကိန်းစတင်ခြင်း အခမ်းအနားကို ပြုလုပ်နိုင်ခဲ့ပြီး အဆိုပါလုပ်ငန်းစဉ်ဖြေလျော့မှု စမ်းသပ်စီမံကိန်းကိုလာမည့် ၂၀၁၉ ခုနှစ်၊ ဇွန်လ (၁) ရက်နေ့မှ ဒီဇင်ဘာလအထိ ရန်ကုန်တိုင်းဒေသကြီး၊ လှိုင်သာယာမြို့နယ်နှင့် မန္တလေးတိုင်းဒေသကြီး ပြည်ကြီးတံခွန်မြို့နယ်တို့မှာ စမ်းသပ်ဆောင်ရွက်သွားမည်ဖြစ်ပါကြောင်း၊ ယခုကဲ့သို့ Pilot စတင်ဆောင်ရွက်နိုင်ခြင်းသည်လည်း မိမိတို့နှင့် အပြည်ပြည် ဆိုင်ရာအလုပ်သမားအဖွဲ့(ILO)တို့ ပူးပေါင်းဆောင်ရွက်မှု၏ အောင်မြင်မှုခြေလှမ်းပင် ဖြစ်ပါကြောင်း၊

ထို့အပြင် Pilot ဆောင်ရွက်နေစဉ်ကာလအတွင်းမှာလည်း Monitoring and Evaluation (M&E) ကို ဆက်စပ်ဆောင်ရွက်သွားမှာဖြစ်သည့်အတွက် Pilot ဆောင်ရွက်စဉ်ကြုံတွေ့ရသည့် အခက်အခဲများကို ပြန်လည်သုံးသပ်ပြီး ကျန်သည့်တိုင်းဒေသကြီးနှင့် ပြည်နယ်များတွင်ရှိသည့် မြို့နယ်များ၌ တိုးချဲ့ဆောင်ရွက်ခြင်းအပြင် ကျန်သည့်အကျိုးခံစားခွင့်များကို ဆက်လက် ဖြေလျှော့ ဆောင်ရွက်သွားမည်ဖြစ်ကြောင်း အသိပေးပြောကြားလိုပါကြောင်း၊

လူမှုဖူလုံရေးအဖွဲ့အနေဖြင့် လှိုင်သာယာမြို့နယ်အတွင်းမှာ ၂၀၁၉ ခုနှစ်၊ ဇွန်လ (၁) ရက်နေ့မှ စတင်ပြုလုပ်မည့် အလုပ်တွင်ထိခိုက်မှု အကျိုးခံစားခွင့်အာမခံစနစ် လုပ်ငန်းစဉ် ဖြေလျှော့မှုစမ်းသပ်စီမံကိန်းမှာ အလုပ်ရှင်၊ အလုပ်သမားများအပြင် သက်ဆိုင်ရာဌာနရှိဝန်ထမ်းများ အနေနှင့်လည်း ပူးပေါင်းပါဝင်ဆောင်ရွက်ပေးရန် တိုက်တွန်းလိုပါကြောင်း ပြောကြားခဲ့ပါသည်။

ဆက်လက်ပြီး တက်ရောက်လာကြသူများနှင့်ဖွင့်ပွဲ အထိမ်းအမှတ်အမှတ်တရဓါတ်ပုံများ ရိုက်ကူးခဲ့ကြပါသည်။

အခမ်းအနား ဒုတိယပိုင်းအစီအစဉ်ကို ဆက်လက်ကျင်းပခဲ့ရာ အခမ်းအနားတွင် အပြည်ပြည်ဆိုင်ရာအလုပ်သမားအဖွဲ့(ILO) ၊ Senior Technical Officer – Ms. Mariana Infante Villarroel က EII Pilot Project ဒီဇိုင်းရေးဆွဲခြင်းနှင့်ပတ်သက်၍ ရှင်းလင်းတင်ပြခဲ့ပြီး လူမှုဖူလုံရေးအဖွဲ့ ညွှန်ကြားရေးမှူးချုပ်မှ EII Pilot Project ဆောင်ရွက်မှုလုပ်ငန်းများအား ရှင်းလင်းခဲ့ပါသည်။ ၎င်းနောက် တက်ရောက်လာသူများမှ သိလိုသည်များ မေးမြန်းရာ လူမှုဖူလုံရေးအဖွဲ့တာဝန်ရှိသူများမှ ပြန်လည်ရှင်းလင်း ဖြေကြားခဲ့ကြပြီး အခမ်းအနားကို မွန်းလွဲ (၁၂:၃၀) အချိန်တွင် ပြီးစီးပါကြောင်း သိရှိရပါသည်။

ရန်ကုန်မြို့ မေ လ ၂၅ ရက်

 အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနနှင့် ILO တို့ပူးပေါင်း၍ (၁၃) ကြိမ်မြောက် အမျိုးသားအဆင့်သုံးပွင့်ဆိုင် ဆွေးနွေးပွဲ အခမ်းအနားကို ၂၀၁၉ခုနှစ်၊ မေလ ၂၅ ရက်နေ့ နေ့လည် ၁၃:၀၀နာရီ တွင် ရန်ကုန်မြို့ရှိ ဆီဒိုးနားဟိုတယ်တွင်ကျင်းပခဲ့ပါသည်။

အခမ်းအနားသို့ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ ပြည်ထောင်စုဝန်ကြီး ဦးသိန်းဆွေ နှင့်အတူ အပြည်ပြည်ဆိုင်ရာ အလုပ်သမားရေးရာအဖွဲ့ (ILO) မှ Liaison Officer ဖြစ်သူ Mr. Rory Mungovenနှင့် (ILO) ရန်ကုန်ရုံးမှကိုယ်စားလှယ်များ  အလုပ်ရှင် ကိုယ်စားလှယ်များ၊ အလုပ်သမားကိုယ်စားလှယ်များနှင့်ဝန်ကြီးဌာနမှတာဝန်ရှိသူများတက်ရောက် ခဲ့ပြီးအခမ်းအနားတွင် ပြည်ထောင်စုဝန်ကြီး ဦးသိန်းဆွေမှ အမှာစကားပြောကြားရာ၌ နိုင်ငံတော် ဖွံ့ဖြိုးတိုးတက်ရေးအတွက် အဓိကကျသောအခန်းကဏ္ဍများအနက် လုပ်ငန်းခွင်တည်ငြိမ်အေးချမ်း ရေးနှင့်ကုန်ထုတ်လုပ်မှုတိုးတက်ရေးတို့သည် ဆက်စပ်လျက်ရှိပြီး တည်ငြိမ်အေးချမ်းသောလုပ်ငန်းခွင် တစ်ရပ်ဖြစ်ရန် အလုပ်ရှင်၊ အလုပ်သမား၊ အစိုးရအားလုံး စုစည်းညီညွတ်ရေးသည် အရေးကြီးဆုံး ဖြစ်ပါကြောင်း၊ ယခုသုံးပွင့်ဆိုင်တွေ့ဆုံဆွေးနွေးပွဲသည် အလုပ်သမားရေးရာ ကိစ္စရပ်များကို အလုပ်ရှင်၊ အလုပ်သမားကိုယ်စားလှယ်များကြားအပြန်အလှန်အသိအမှတ်ပြုပြီးတရားဝင်ပွင့်ပွင့်လင်းလင်းညှိနှိုင်း ဆွေးနွေးခွင့်ရသောကြောင့်များစွာ အကျိုးသက်ရောက်မှုရှိစေပါကြောင်း။ ဥပဒေနှင့်အညီ အလုပ်ရှင် နှင့် အလုပ်သမားအဖွဲ့အစည်းများ ဖွဲ့စည်းထားခြင်းသည် နှစ်ဦး နှစ်ဖက် အပြန်အလှန်လေးစားမှု၊ နားလည်မှု၊ ယုံကြည်မှုရရှိပြီး လုပ်ငန်းခွင်အေးချမ်းသာယာရေးအတွက် အထောက်အကူဖြစ်စေသော ကြောင့်အလုပ်ရှင်နှင့်အလုပ်သမားနှစ်ဦးနှစ်ဖက်အကျိုးစီးပွားကို ကာကွယ်စောင့်ရှောက်နိုင်မည်ဖြစ်ပါ ကြောင်း။

ယနေ့သုံးပွင့်ဆိုင်ဆွေးနွေးပွဲတွင် ILO မှအဆိုပြုထားသည့် အလုပ်သမားရေးရာဥပဒေပြုပြင် ပြောင်းလဲရေး၊ ILO ရာပြည့်အထိမ်းအမှတ်အနေနှင့် Core Convention တစ်ခုလက်ခံကျင့်သုံးရေး၊ ၁၀၈ ကြိမ်မြောက် ILC ညီလာခံတွင် ဆွေးနွေးမည့်Centenary Outcome Document၊ Violence and Harassment in World of Work(ကမ္ဘာ့အလုပ်လောကမှာအကြမ်းဖက်မှုနှင့် နှောင့်ယှက် မှုများမရှိစေရေး)နှင့် Committee on Application of Standards တို့နှင့်ပတ်သက်ပြီး အပြု သဘောဆောင် ဆွေးနွေးရန်လိုပါကြောင်း။

အလုပ်သမားရေးရာဥပဒေပြုပြင်ပြောင်းလဲမှုများနှင့်ပတ်သက်၍ ဝန်ကြီးဌာနအနေဖြင့် ပြင်ဆင်သင့်သည့် ဥပဒေများနှင့် အသစ်ပြဌာန်းမည့် ဥပဒေများကို သုံးပွင့်ဆိုင်နည်းပညာလုပ်ငန်း အဖွဲ့များဖွဲ့စည်းပြီး ကနဦးဆွေးနွေးခြင်း၊ ဌာနတွင်းဆွေးနွေးခြင်း၊ အမျိုးသားအဆင့်တွင်ဆွေးနွေးခြင်း များဆောင်ရွက်လျက်ရှိပါကြောင်း။

Centenary Outcome Document တွင် အပိုင်း ၅ပိုင်းပါဝင်ပြီး ILO နှင့်အဖွဲ့ဝင်နိုင်ငံများ ဆက်လက်ပူးပေါင်းဆောင်ရွက်ရန် ကတိကဝတ်ပြုမှုနှင့်အတူ အနာဂတ်အလုပ်အကိုင်အတွက် လူသားဗဟိုပြုချဉ်းကပ်မှုနဲ့ အဖွဲ့ဝင်နိုင်ငံများက သုံးပွင့်ဆိုင်အခြေခံမူနှင့် နိုင်ငံလိုက်သာမက နိုင်ငံ အချင်းချင်းစုပေါင်းဆောင်ရွက်နိုင်ရန်တိုက်တွန်းထားတာဖြစ်၍ ကောင်းမွန်သည့်documentတစ်ခု ဖြစ်သည်ကိုတွေ့ရှိရပါကြောင်း။

ယနေ့အစည်းအဝေး တက်ရောက်လာကြသည် ကိုယ်စားလှယ်အားလုံးကို အဓမ္မခိုင်းစေမှု ပပျောက်ရေးနှင့် ပတ်သက်ပြီး နိုင်ငံတော်အနေဖြင့် အလေးထား ဆောင်ရွက်လျက်ရှိပါကြောင်း။ မြန်မာနိုင်ငံတွင် အဓမ္မခိုင်းစေမှုပပျောက်ရေး အတွက် ၂၀၀၂ ခုနှစ်မှစတင်၍ Liaison Officer ခန့်အပ်ခြင်း၊ နားလည်မှုစာချွန်လွှာ လက်မှတ်ရေးထိုး၍ တိုင်ကြားမှုယန္တရား ထူထောင်ကာ အဓမ္မ ခိုင်းစေမှုတိုင်ကြားချက်များကို ILO နှင့်ပူးပေါင်းဖြေရှင်းခြင်း၊ အဓမ္မခိုင်းစေမှုပပျောက်ရေးပူးတွဲ မဟာ ဗျူဟာအကောင်အထည်ဖော်ဆောင်ရေး လုပ်ငန်းကော်မတီဖွဲ့စည်းပြီး မြန်မာနိုင်ငံတွင် အဓမ္မခိုင်းစေမှု ပပျောက်ရေးလုပ်ငန်းစီမံချက်ရေးဆွဲအကောင်အထည်ဖော်ခြင်းတို့ကိုအင်တိုက်အားတိုက်ဆောင်ရွက် ခဲ့သည်မှာ ဆယ်စုနှစ် (၂)ခု နီးပါး ကြာမြင့်နေပြီဖြစ်ပါကြောင်း။

ဇွန်လအတွင်းကျင်းပမယ့် (၁၀၈) ကြိမ်မြောက် ညီလာခံရဲ့ စံများလိုက်နာကျင့်သုံးမှုဆိုင်ရာ ကော်မတီ (Committee on the Application of Standards) မှာ မြန်မာနိုင်ငံမှ အဓမ္မခိုင်းစေမှု ပပျောက်ရေး အကောင်အထည်ဖော်မှုနှင့်ပတ်သက်၍ ရှင်းလင်းဆွေးနွေးရန် လျာထားစာရင်းတွင် သည်ကိုသိရှိရပါကြောင်း။

ILO နဲ့လက်မှတ်ရေးထိုးခဲ့တဲ့ SU သက်တမ်းသည် ၂၀၁၈ ခုနှစ်၊ ဒီဇင်ဘာလတွင် ကုန်ဆုံးခဲ့သော် လည်း နိုင်ငံအဝှမ်းအဓမ္မခိုင်းစေမှုပပျောက်ရေး SU သက်တမ်းကုန်ဆုံးချိန်တွင် ILO နည်းပညာ အကူအညီရယူ၍ သုံးပွင့်ဆိုင် ပူးပေါင်းရေးဆွဲထားသော Decent Work Country Programme (2018-2021)အရ အဓမ္မခိုင်းစေမှုပပျောက်ရေးဆိုင်ရာ လုပ်ငန်းစီမံချက်ရေးဆွဲ၍ မိမိနိုင်ငံအစီအစဉ် ဖြင့် တိုင်ကြားမှုယန္တရား ထူထောင်ဖြေရှင်းနိုင်ရန် ဆောင်ရွက်လျက်ရှိပြီး တိုင်ကြားမှုယန္တရား မထူထောင်မီ ကြားကာလတွင် တိုင်ကြားလာသည့်အမှုများကို အလုပ်သမားရေးရာပူးပေါင်းဆောင် ရွက်ရေးကော်မတီ(HLWG) မှ ဖြေရှင်းပေးသွားမှာဖြစ်ပါကြောင်း။ ထိုဆောင်ရွက်ချက်သည် ILO ကျွမ်းကျင်သူများ ကော်မတီက တိုက်တွန်းချက်ကြောင့် လုပ်ဆောင်ခြင်းမဟုတ်ဘဲ အဓမ္မခိုင်းစေမှုပ ပျောက်ရေးကိုနိုင်ငံ၏ရေရှည်အကျိုးအတွက် အလေးထားစဉ်းစားဆောင်ရွက်ခဲ့တာဖြစ်၍အလုပ်ရှင်၊ အလုပ်သမားများက ယုံကြည်ချက်အပြည့်နှင့်စိတ်တူကိုယ်တူ  ပူးပေါင်းပါဝင်ဆောင်ရွက်ရေးတိုက်တွန်း ပြောကြားလိုပါကြောင်း၊ ယနေ့ဆွေးနွေးမယ့်အစီအစဉ်များတွင် လည်းတက်ရောက်လာသူများအနေ ဖြင့်အလုပ်သမားထုနှင့်နိုင်ငံတော်၏ အကျိုးစီးပွားကိုရှေးရှုပြီးအပြုသဘောနှင့် ရလာဒ်ကောင်းများ ရရှိအောင် ပူးပေါင်းပါဝင်ဆွေးနွေးကြဘို့ ဖိတ်ခေါ်ရင်းတိုက်တွန်း ပြောကြား လိုပါကြောင်းပြောကြား ခဲ့ပါသည်။

ထို့နောက် အိုင်အယ်လ်အိုဆက်သွယ်ရေးအရာရှိ Mr. Rory Mungoven မှနှုတ်ခွန်းဆက် စကားပြောကြားခဲ့ပြီးနောက် တက်ရောက်လာသည့် ကိုယ်စားလှယ်များမှ အလုပ်သမားရေးရာ   ကိစ္စရပ်များနှင့်ပတ်သက်၍ ရင်းနှီးပွင့်လင်းစွာဆွေးနွေးခဲ့ပြကြောင်းသတင်းရရှိပါသည်။

 

နေပြည်တော် မေ လ ၂၁

အဓမ္မခိုင်းစေမှုပပျောက်ရေးနှင့်ပတ်သက်၍ အမျိုးသားအဆင့် အဓမ္မခိုင်းစေမှုပပျောက်ရေး တိုင်ကြားမှုယန္တရား (National Complaints Mechanism) မထူထောင်မီ တိုင်ကြားစာလက်ခံ ဖြေရှင်းရေး လုပ်ငန်းစဉ်များကို အတည်ပြုနိုင်ရန် အလုပ်သမားရေးရာပူးပေါင်းဆောင်ရွက်ရေး လုပ်ငန်းကော်မတီ (High Level Working Group – HLWG) ညှိနှိုင်းအစည်းအဝေးကို ယနေ့ မွန်းလွဲ ၁၃:၀၀ နာရီတွင် နေပြည်တော်ရှိ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန အစည်းအဝေးခန်းမ တွင်ကျင်းပသည်။

အဆိုပါညှိနှိုင်းအစည်းအဝေးပွဲသို့ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန ပြည်ထောင်စုဝန်ကြီး ဦးသိန်းဆွေ နှင့်အတူကော်မတီဝင်များဖြစ်ကြသည့် သက်ဆိုင်ရာ ဝန်ကြီးဌာနများမှ အမြဲတမ်းအတွင်းဝန်များ၊ ညွှန်ကြားရေးမှူးချုပ်များနှင့် တာဝန်ရှိသူများ တက်ရောက်ခဲ့ကြပါသည်။

ညှိနှိုင်းအစည်းအဝေးတွင် ပြည်ထောင်စုဝန်ကြီးမှ အမှာစကားပြောကြားရာ၌ မြန်မာနိုင်ငံ အနေဖြင့် အဓမ္မခိုင်းစေမှုဆိုင်ရာပြဌာန်းချက်အမှတ် ၂၉ ကိုလက်ခံထားပြီး အဖွဲ့ဝင် နိုင်ငံတစ်နိုင်ငံ၏ တာဝန်ရှိမှုအရအကောင်အထည်ဖော်ဆောင်ရွက်လျက်ရှိသော်လည်း ၂၀၁၉ ခုနှစ် မတ်လတွင်ကျင်းပ ခဲ့သည့် (၃၃၅) ကြိမ်မြောက် ILO အုပ်ချုပ်မှုအဖွဲ့အစည်းအဝေးတွင် ILO ညွှန်ကြားရေးမှူးချုပ်မှ တင်ပြသည့် မြန်မာနိုင်ငံဆိုင်ရာအစီရင်ခံစာတွင် ပဋိပက္ခဖြစ်ပွားနေသည့် ဒေသများ၌ အဓမ္မခိုင်းစေမှု များရှိနေသေးသည်ဟုဖော်ပြထားပါကြောင်း။

ILO အုပ်ချုပ်မှုအဖွဲ့အစည်းအဝေးတွင် အဓမ္မခိုင်းစေမှုပပျောက်ရေးအတွက် အမျိုးသား အဆင့်တိုင်ကြားမှုယန္တရား အမြန်ဆုံးထူထောင်နိုင်ရေး ဝိုင်းဝန်းဆွေးနွေးခဲ့ကြပြီး နိဂုံးချုပ်မှတ်ချက် တွင် အဓမ္မခိုင်းစေမှုပပျောက်ရေးကို ထိရောက်သည့် ဖြေရှင်းမှုလုပ်ငန်းစဉ်ပြောင်းလဲ တည်ထောင် နိုင်ရန် အချိန်တိကျစွာသတ်မှတ်ထားသည့် လုပ်ငန်းစီမံချက်ရေးဆွဲပြီး ILOနှင့်အနီးကပ်ပူးပေါင်း ဆောင်ရွက်ရန် အစိုးရကိုတိုက်တွန်းခဲ့ပါကြောင်း၊

သို့ဖြစ်ပါ၍ အဓမ္မခိုင်းစေမှုပပျောက်ရေးနှင့် ပတ်သတ်ပြီး အစိုးရအနေဖြင့် နိုင်ငံတဝန်းလုံး လွှမ်းခြုံနိုင်သည့် လုပ်ငန်းစီမံချက် လက်တွေ့အကောင်အထည်ဖော်ရေးနှင့် အမျိုးသားအဆင့် အဓမ္မ ခိုင်းစေမှုပပျောက်ရေးတိုင်ကြားမှုယန္တရား (National Complaints Mechanism – NCM ) ထူထောင်ရေးလုပ်ငန်းများ ဆောင်ရွက်နိုင်ရန် သက်ဆိုင်ရာဌာနများမှ ပူးပေါင်းဆောင်ရွက်ကြရန် အရေးကြီးပါကြောင်း၊၂၀၁၉ခုနှစ်၊ မတ်လ ၄ ရက်နေ့မှ ကျင်းပခဲ့သည့် High Level Working Group- HLWG အစည်းအဝေးတွင် ILO မှ အဆိုပြုလာသည့် အဓမ္မခိုင်းစေမှုပပျောက်ရေး လုပ်ငန်းစီမံချက် (Action Plan)နှင့်အတူ အမျိုးသားအဆင့်အဓမ္မခိုင်းစေမှုပပျောက်ရေးတိုင်ကြားမှု ယန္တရား (National Complaint Mechanism) ထူထောင်ရေး၊ အမျိုးသားအဆင့်တိုင်ကြားမှု ယန္တရားမထူထောင်မီ ကြားကာလအတွင်း တိုင်ကြားစာများ လက်ခံဖြေရှင်းရေးနှင့် ပတ်သက်၍ ဆွေးနွေးခဲ့ပြီး သက်ဆိုင်ရာဌာနများ၏ သဘောထားမှတ်ချက်များပေးပို့ခဲ့ပါကြောင်း၊ ဌာနများ၏ အကြံပြုချက် သဘောထားမှတ်ချက် များနှင့်အညီ အမျိုးသားအဆင့် အဓမ္မခိုင်းစေမှုပပျောက်ရေး တိုင်ကြားမှုယန္တရားကို အလုပ်သမားရေးရာ ပူးပေါင်းဆောင်ရွက်ရေးလုပ်ငန်းကော်မတီတွင် ပြုပြင် ရေးဆွဲထားပါကြောင်း၊ ရေးဆွဲထားသည့် အမျိုးသားအဆင့်အဓမ္မခိုင်းစေမှုပပျောက်ရေးတိုင်ကြားမှု ယန္တရားနှင့်ပတ်သက်၍ တက်ရောက်လာသည့် ကော်မတီဝင်များမှ ရင်းနှီးပွင်လင်းစွာအကြံပြု ဆွေးနွေးကြစေလိုပါကြောင်းပြောကြားခဲ့ပါသည်။

ထို့နောက် အမြဲတမ်းအတွင်းဝန် ဦးမျိုးအောင် က ဝန်ကြီးဌာနများမှ ပေးပို့လာသည့် သဘော ထားမှတ်ချက်များနှင့် လုပ်ငန်းစီမံချက်၊ အမျိုးသားအဆင့်အဓမ္မခိုင်းစေမှု ပပျောက်ရေးတိုင်ကြားမှု ယန္တရားနှင့်အဆိုပါယန္တရားမထူထောင်မီ တိုင်ကြားစာလက်ခံဖြေရှင်းရေးလုပ်ငန်းစဉ်တို့အားရှင်းလင်း တင်ပြရာ တက်ရောက်လာသည့် ကော်မတီဝင်များမှ လိုအပ်ချက်များကို ဝိုင်းဝန်းအကြံပြုဖြည့်စွက် ဆွေးနွေးအတည်ပြုခဲ့ကြကြောင်းသတင်းရရှိပါသည်။

နေပြည်တော်၊ မေ လ ၂၀ ရက်

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၏ ပြည်ပတွင်အလုပ် လုပ်ကိုင်မှုကြီးကြပ်ရေးကော်မတီ၏ (၁/၂၀၁၉) ကြိမ်မြောက် လုပ်ငန်းညှိနှိုင်းအစည်းအဝေး ကို ယနေ့ နံနက် ၁၀:၀၀ အချိန်တွင် အဆိုပါ ဝန်ကြီးဌာန အစည်းအဝေးခန်းမတွင် ကျင်းပပြုလုပ်ခဲ့ ပါသည်။

အစည်းအဝေးတွင်ကော်မတီဥက္ကဋ္ဌ၊အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အား ဝန်ကြီးဌာန၊ပြည်ထောင်စုဝန်ကြီးဦးသိန်းဆွေ၊ နယ်စပ်ရေးရာဝန်ကြီးဌာန၊ ပြည်ထောင်စုဝန်ကြီး ဒုတိယဗိုလ်ချုပ်ကြီးရဲအောင်နှင့်အတူ ကော်မတီအဖွဲ့ဝင်များဖြစ်ကြသော ပြည်ထဲရေးဝန်ကြီးဌာန နှင့်ပို့ဆောင်ရေးနှင့်ဆက်သွယ်ရေးဝန်ကြီးဌာနမှ ဒုတိယဝန်ကြီးများ၊ ပြည်ထောင်စုစာရင်းစစ်ချုပ်ရုံး၊ နိုင်ငံခြားရေးဝန်ကြီးဌာန၊ မြန်မာနိုင်ငံတော်ဗဟိုဘဏ်၊ လူမှုဝန်ထမ်းကယ်ဆယ်ရေးနှင့် ပြန်လည် နေရာချထားရေးဝန်ကြီးဌာန၊ သတင်းရဲတပ်ဖွဲ့၊ ရေကြောင်းပို့ဆောင်ရေးဦးစီးဌာန၊ အထွေထွေ အုပ်ချုပ်ရေးဦးစီးဌာနတို့မှအမြဲတမ်းအတွင်းဝန်များ၊တာဝန်ရှိသူများနှင့်ဝန်ကြီးဌာနမှတာဝန်ရှိသူများ တက်ရောက်ခဲ့ကြပါသည်။

အစည်းအဝေးတွင်ပြည်ထောင်စုဝန်ကြီးက အဖွင့်အမှာစကားပြောကြားရာ၌မိမိအနေဖြင့် ပြည်ပတွင်အလုပ်လုပ်ကိုင်မှုကြီးကြပ်ရေးကော်မတီ လမ်းညွှန်ချက်ဖြင့် သက်ဆိုင်ရာဝန်ကြီးဌာန များမှ ဝန်ထမ်းများဖြင့် ထိုင်းနိုင်ငံမှာရောက်ရှိနေသည့် အထောက်အထားမဲ့ မြန်မာအလုပ်သမား များကိုမည်သူမည်ဝါဖြစ်ကြောင်း သက်သေခံလက်မှတ် CI ထုတ်ပေးခဲ့ရာတွင် အလုပ်သမား များ၏ Bio Matrix ကိုယ်ရေးအချက်အလက်များကို မျက်စိသူငယ်အိမ် scanဖတ်ခြင်း၊ လက်ဆယ်ချောင်းလက်ဗွေရယူခြင်းတို့ဆောင်ရွက်ပြီး ၁၃-၅-၂၀၁၉ ရက်နေ့ထိ အလုပ်သမား စုစုပေါင်း ၁,၆၆၆,၁၁၅ဦး၏ အချက်အလက်များကို ကောက်ယူ၍နိုင်ခဲ့ပြီး ထိုင်းနိုင်ငံတွင် တရားဝင်အလုပ်သမားများအဖြစ် ပြောင်းလဲပေးနိုင်ခဲ့ကြောင်း အလုပ်သမားများ၏ ကိုယ်ရေး အချက်အလက်များကို National Data Center တွင်ထိန်းသိမ်းထားရှိတာကြောင့် အဆိုပါအချက် အလက်များကိုမည်သည့်ဌာနမှမဆို လိုအပ်သလိုအသုံးပြုနိုင်မှာ ဖြစ်ပါကြောင်း။

ထိုင်းနိုင်ငံသို့MoUစနစ်နဲ့ မြန်မာအလုပ်သမားများ တရားဝင်စေလွှတ်ခြင်း လုပ်ငန်းစဉ်ကို ၂၀၁၀ ခုနှစ်မှ စတင်ဆောင်ရွက်ခဲ့ပြီး မြန်မာရွှေ့ပြောင်းအလုပ်သမားများအနေနဲ့ ဥပဒေပါ အခွင့်အရေးနှင့် လူမှုကာကွယ်စောင့်ရှောက်မှုများ ရရှိခံစားနိုင်ရန် နှစ်နိုင်ငံအစိုးရအကြား ညှိနှိုင်း ကြိုးပမ်းဆောင်ရွက်မှုများထိရောက်စွာလုပ်ဆောင်နိုင်ခဲ့ပါကြောင်း။

ထိုင်းနိုင်ငံရောက် မြန်မာရွှေ့ပြောင်းအလုပ်သမားများနှင့်စပ်လျဉ်း၍ မြန်မာ-ထိုင်းနှစ်နိုင်ငံ အစိုးရအကြား နှစ်နိုင်ငံညှိနှိုင်း အစည်းအဝေးများကို အလှည့်ကျကျင်းပပြုလုပ်လျက်ရှိရာ မေလ ၁၃ ရက်နေ့မှ ၁၄ ရက်နေ့တွင် ထိုင်းနိုင်ငံ၊ ဖူးခက်မြို့၌ကျင်းပခဲ့သည့် “မြန်မာ-ထိုင်းနှစ်နိုင်ငံ အလုပ်သမားရေးရာ ကျွမ်းကျင်သူများညှိနှိုင်းအစည်းအဝေး” ကို ညွှန်ကြားရေးမှူးချုပ် ဦးဝင်းရှိန် ဦးဆောင်၍ ပြည်ပတွင်အလုပ်လုပ်ကိုင်မှု ကြီးကြပ်ရေးကော်မတီအဖွဲ့ဝင်များ ဖြစ်ကြသည့် ကောင်စစ်ရေးရာနှင့် ဥပဒေရေးရာဦးစီးဌာန၊ အမျိုးသားမှတ်ပုံတင်နှင့် နိုင်ငံသားဦးစီးဌာန၊ သတင်းရဲတပ်ဖွဲ့ နှင့်လူကုန်ကူးမှုတားဆီးနှိမ်နင်းရေးရဲတပ်ဖွဲ့ တို့မှ ကိုယ်စားလှယ်များတက်ရောက် ခဲ့ပြီး ထိုင်းနိုင်ငံသို့ MoUစနစ်ဖြင့် မြန်မာအလုပ်သမားများ တရားဝင်စေလွှတ်ခြင်းလုပ်ငန်းစဉ်အရ မြန်မာရွှေ့ပြောင်းအလုပ်သမားများအား ဥပဒေပါအခွင့်အရေးနှင့် လူမှုကာကွယ်စောင့်ရှောက်မှု များ ရရှိခံစားနိုင်ရန်နှစ်နိုင်ငံအစိုးရအကြား ညှိနှိုင်းကြိုးပမ်းဆောင်ရွက်မှုများ ထိရောက်စွာလုပ် ဆောင်နိုင်ခဲ့ပါကြောင်း။

အဆိုပါအစည်းအဝေးတွင် ထိုင်းနိုင်ငံသို့မြန်မာအလုပ်သမားများ တရားဝင်စေလွှတ်သည့် MoUလုပ်ငန်းစဉ်များ၊ ၂၀၁၉ခုနှစ်၊နိုဝင်ဘာလ၁ရက်နေ့နှင့် ၂၀၂၀ခုနှစ်၊ မတ်လ၃၁ရက်နေ့တို့တွင် အလုပ်လုပ်ကိုင်ခွင့်လက်မှတ် သက်တမ်းကုန်ဆုံးမည့် မြန်မာအလုပ်သမားများဆက်လက် အလုပ် လုပ်ကိုင်ခွင့်ရရှိရေး၊ မြန်မာအလုပ်သမားများအား ဥပဒေပါ အခွင့်အရေးအပြည့်အဝရရှိရေးနှင့် လူမှုကာကွယ်စောင့်ရှောက်မှုပေးရေး၊ ထိုင်းနိုင်ငံသို့ MoUစနစ်ဖြင့် မြန်မာရေလုပ်သားများ စေလွှတ်နိုင်ရေး၊ MoU စနစ်ဖြင့်ထိုင်းနိုင်ငံသို့ အလုပ်သမားစေလွှတ်ခြင်း လုပ်ငန်းစဉ်အတွက် ကုန်ကျစရိတ် သတ်မှတ်ခြင်းနှင့် ထိုင်းနိုင်ငံနှင့်မြန်မာနိုင်ငံတို့အကြား လက်မှတ်ရေးထိုးထားသော အလုပ်သမား များအလုပ်ခန့်ထားရေးဆိုင်ရာ သဘောတူစာချုပ်ကို သက်တမ်းတိုးနိုင်ရေးတို့ကိုညှိနှိုင်း ဆွေးနွေး ခဲ့ပါကြောင်း။

ထိုင်းနိုင်ငံ၊ ဂျပန်နိုင်ငံနဲ့ ကိုရီးယားသမ္မတနိုင်ငံမှာရှိတဲ့ ပင်လယ်ငါးဖမ်းလုပ်ငန်းများသို့ ပြည်ပအလုပ်အကိုင် အကျိုးဆောင်လိုင်စင်ရအေဂျင်စီများမှ သတ်မှတ်ချက်များနဲ့အညီ မြန်မာ ရေလုပ်သားများ စေလွှတ်ရန် ၂၇-၁၁-၂၀၁၈ ရက်နေ့တွင် ကျင်းပပြုလုပ်ခဲ့သည့် (၄၇/၂၀၁၈) ကြိမ်မြောက် ပညာရေး၊ ကျန်းမာရေးနှင့် လူ့စွမ်းအားအရင်းအမြစ်ဖွံ့ဖြိုးတိုးတက်ရေးကော်မတီ အစည်းအဝေးမှ ခွင့်ပြုမိန့်ရရှိခဲ့ပြီး သက်ဆိုင်ရာအေဂျင်စီများမှ လုပ်သားများစေလွှတ်ရေး ဆောင်ရွက်နေပြီဖြစ်ပါကြောင်း။

မြန်မာနိုင်ငံ၏ စီးပွားရေးဖွံ့ဖြိုးတိုးတက်စေရန်၊ လိုအပ်သည့် လူသားအရင်းအမြစ် ဖွံ့ဖြိုးတိုးတက်မှုကို အထောက်အကူပြုစေရန်၊ မြန်မာနိုင်ငံသို့ နည်းပညာဆိုင်ရာကျွမ်းကျင်မှုများ၊ အတတ်ပညာများနှင့် အသိပညာများ လွှဲပြောင်းပေးနိုင်ရန်၊ ထိုမှတစ်ဆင့် အပြည်ပြည်ဆိုင်ရာ
ပူးပေါင်းဆောင်ရွက်မှု တိုးမြှင့်ပေးနိုင်ရန်အတွက် ဂျပန်နိုင်ငံနှင့် မြန်မာနိုင်ငံအစိုးရအကြား နည်းပညာအလုပ်သင် သင်တန်းသားစီမံချက်ဆိုင်ရာ ပူးပေါင်းဆောင်ရွက်ရေးစာချွန်လွှာ (MOC) ကို၁၉-၄-၂၀၁၈ ရက်နေ့တွင် လက်မှတ်ရေးထိုးခဲ့ပြီးပြည်ပအလုပ်အကိုင် အကျိုးဆောင်လိုင်စင်ရ အေဂျင်စီများမှတစ်ဆင့် ဂျပန်နိုင်ငံသို့ နည်းပညာအလုပ်သင် သင်တန်းသားများအား စနစ်တကျ စေလွှတ်လျက်ရှိပါကြောင်း။

ထို့အပြင် ဂျပန်နိုင်ငံနှင့် မြန်မာနိုင်ငံအစိုးရတို့အကြား ကျွမ်းကျင်လုပ်သားနေထိုင်ခွင့်ပုံစံ ဖြင့် နိုင်ငံခြားသား လူ့စွမ်းအားအရင်းအမြစ်ဆိုင်ရာစနစ်အား စနစ်တကျ လည်ပတ်ဆောင်ရွက်မှု နှင့်စပ်လျဉ်း၍ သတင်းအချက်အလက် ပူးပေါင်းဆောင်ရွက်မှုအတွက် အခြေခံမူဘောင်ဆိုင်ရာ ပူးပေါင်းဆောင်ရွက်မှုစာချွန်လွှာ (MOC) ကို ၂၈-၃-၂၀၁၉ ရက်နေ့တွင် လက်မှတ်ရေးထိုးခဲ့ပြီး ဂျပန်နိုင်ငံမှ ဟိုတယ်ဝန်ဆောင်မှုလုပ်ငန်းအတွက် ကျွမ်းကျင်လုပ်သားခေါ်ယူရန် မြန်မာနိုင်ငံသို့ ၂၀၁၉ ခုနှစ်၊ အောက်တိုဘာလတွင် စာမေးပွဲလာရောက်စစ်ဆေးရန် လျာထားပါကြောင်း။

ပြည်ပအလုပ်အကိုင် အကျိုးဆောင်လိုင်စင်ရ အေဂျင်စီများကို ကြီးကြပ်ကွပ်ကဲနိုင်ရန် ပြည်ပတွင်အလုပ်လုပ်ကိုင်မှု ကြီးကြပ်ရေးကော်မတီ၏ အစည်းအဝေး ခွင့်ပြုချက်ဖြင့် “ မြန်မာပြည်ပ အလုပ်အကိုင်ဝန်ဆောင်မှုလုပ်ငန်းရှင်များ အဖွဲ့ချုပ်” ကိုဖွဲ့စည်းပြီးဖြစ်ကာ နိုင်ငံတော်၏ဦးစားပေး လုပ်ငန်းစဉ်ဖြစ်သော ပြည်တွင်းနှင့်ပြည်ပနိုင်ငံများသို့ သွားရောက်လုပ်ကိုင်မည့် အလုပ်သမားများ အတွက် ကောင်းမွန်သည့်လုပ်ငန်းခွင် ဖြစ်စေရေး၊ ဥပဒေနှင့်အညီခံစားခွင့်များ ရရှိစေရေး အဆိုပါ မြန်မာပြည်ပအလုပ်အကိုင် ဝန်ဆောင်မှုလုပ်ငန်းရှင်များအဖွဲ့ချုပ်နဲ့ တွေ့ဆုံဆွေးနွေးမှုများ လုပ်ဆောင်ကာ မြန်မာရွှေ့ပြောင်း အလုပ်သမားများ၏အခက်အခဲများနှင့် ပြဿနာများကို အချိန်နှင့်တစ်ပြေးညီဖြေရှင်း ဆောင်ရွက်ပေးလျက်ရှိပါကြောင်းပြောကြားခဲ့ပါသည်။

ထို့နောက် ပြည်ပတွင်အလုပ်လုပ်ကိုင်မှုကြီးကြပ်ရေးကော်မတီ၊ အတွင်းရေးမှူး၊ ညွှန်ကြား ရေးမှူးချုပ် ဦးဝင်းရှိန် မှ ၂၀၁၈ ခုနှစ် နိုဝင်ဘာလမှ ၂၀၁၉ ခုနှစ် ဧပြီလအထိ ပြည်ပတွင်အလုပ်လုပ် ကိုင်မှုကြီးကြပ်ရေးကော်မတီ၏ လုပ်ငန်းဆောင်ရွက်မှု အခြေအနေများ၊ ငွေကြေးသုံးစွဲမှုအခြေအနေ များကိုရှင်းလင်းတင်ပြခဲ့ပါသည်။ ဆက်လက်၍ အစည်းအဝေးသို့တက်ရောက်လာသည့် ကော်မတီ အဖွဲ့ဝင်များမှ သက်ဆိုင်ရာဝန်ကြီးဌာနများ၏ လုပ်ငန်းစဉ်များအလိုက် ရွှေ့ပြောင်းအလုပ်သမားများ အား ကာကွယ်စောင့်ရှောက် ပေးမှုအခြေအနေများ၊ ရွှေ့ပြောင်းအလုပ်သမားများ၏ ငွေကြေးများ အား မြန်မာနိုင်ငံသို့ပြန်လည်လွဲပို့ပေးနိုင်မည့် အခြေအနေများ၊ ထိုင်းနိုင်ငံမှပြန်လည်ရောက်ရှိလာ သည့်တရားမဝင်ရွှေ့ပြောင်း အလုပ်သမားများသူများအား ကြိုဆိုလက်ခံရေးဆောင်ရွက်နေသည့် အခြေအနေများနှင့် ပတ်သက်၍ အားဝိုင်းဝန်းအကြံပြုဆွေးနွေးခဲ့ကြပြီး အစည်းအဝေးကို ၁၂:၀၀ အချိန်တွင်ရုပ်သိမ်းခဲ့ပါသည်။

အလုပ်သမား၊ လူဝင်မှုကြီးကြပ်ရေးနှင့် ပြည်သူ့ အင်အားဝန်ကြီးဌာန၊ အစည်းအဝေးခန်းမ၌ မြန်မာနိုင်ငံလုပ်သားများ ကျွမ်းကျင်မှု “စံ” သတ်မှတ် ပြဋ္ဌာန်းရေးအဖွဲ့ (NSSA)၏ ၂၀၁၉ ခုနှစ်၊ ဇန်နဝါရီလမှ ဧပြီလအထိ ကျွမ်းကျင်မှုဖွံ့ဖြိုးတိုးတက် ရေးဆောင်ရွက်မှုအခြေအနေ၊ တိုးတက်မှုအခြေအနေနှင့် ဆက်လက်ဆောင်ရွက်မည့် လုပ်ငန်းစဉ် များနှင့် ချိတ်ဆက်ပြီးမြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသောဖွံ့ဖြိုးတိုးတက်မှု စီမံကိန်း(MSDP)သို့ နိုင်ငံဖွံ့ဖြိုးရေးအချက်အလက်များ ပေးအပ်နိုင်ရန်ရည်ရွယ်၍ ကျွမ်းကျင် မှုဖွံ့ဖြိုးတိုးတက်ရေးဆိုင်ရာ ပေါင်းစပ်ညှိနှိုင်းရေးလုပ်ငန်းအဖွဲ့ခွဲ အစည်းအဝေး Skills Development Sub Sector Coordination Group(SDSSCG) Meeting ကို ၁၅-၅-၂၀၁၉ ရက်နေ့တွင် ရုံးအမှတ်(၅၁) နေပြည်တော်၌ ကျင်းပပြုလုပ်ခဲ့ပါသည်။

အဆိုပါအစည်းအဝေးသို့ အလုပ်သမားညွှန်ကြားရေးဦးစီးဌာနမှ ညွှန်ကြားရေးမှူးချုပ်၊ ဦးဝင်းရှိန်နှင့်တာဝန်ရှိသူများ၊ NSSA မှတာဝန်ရှိသူများ၊ ကျွမ်းကျင်မှုဖွံ့ဖြိုးတိုးတက်ရေးဆိုင်ရာ ပေါင်းစပ်ညှိနှိုင်းရေးလုပ်ငန်းအဖွဲ့ခွဲ အဖွဲ့ဝင်များ၊ ILO၊ GIZ၊ Swisscontact ၊ JICA တို့မှ တာဝန်ရှိသူများ စုစု ကပေါင်း(၆၅)ဦးတက်ရောက်ခဲ့ကြကြောင်း သတင်းရရှိပါသည်။

skill-dev-sub-sect-meeting
Skills Development Sub Sector Coordination Group (SDSSCG)၊ ဥက္ကဋ္ဌ၊ အလုပ်သမားညွှန်ကြားရေးဦးစီးဌာန၊ညွှန်ကြားရေးမှူးချုပ်၊ဦးဝင်းရှိန်မှအဖွင့်အမှာစကားပြောကြားစဉ်

နေပြည်တော်၊ မေလ ၁၄
မြန်မာ – ထိုင်း နှစ်နိုင်ငံ အလုပ်သမားရေးရာ ကျွမ်းကျင်သူများ ညှိနှိုင်းအစည်းအဝေးကို ၂၀၁၉ခုနှစ်၊ မေလ ၁၃ ရက်နေ့မှ ၁၄ ရက်နေ့ထိ ထိုင်းနိုင်ငံ၊ ဖူးခက်မြို့တွင် ကျင်းပပြုလုပ်ခဲ့ရာ အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ အလုပ်သမားညွှန်ကြားရေး ဦးစီးဌာန ညွှန်ကြားရေးမှူးချုပ် ဦးဝင်းရှိန် ဦးဆောင်၍ ပြည်ပတွင်အလုပ်လုပ်ကိုင်မှုကြီးကြပ်ရေး ကော်မတီအဖွဲ့ဝင်များဖြစ်သောကောင်စစ်ရေးရာနှင့်ဥပဒေရေးရာဦးစီးဌာန၊ အမျိုးသားမှတ်ပုံတင် နှင့်နိုင်ငံသားဦးစီးဌာန၊ သတင်းရဲတပ်ဖွဲ့၊ လူကုန်ကူးမှုတားဆီးနှိမ်နင်းရေးရဲတပ်ဖွဲ့တို့မှ ကိုယ်စား လှယ်များ၊ထိုင်းနိုင်ငံဆိုင်ရာမြန်မာသံရုံးရှိသံမှူးကြီးနှင့်အလုပ်သမားသံအရာရှိအပါအဝင်ကိုယ်စားလှယ်အဖွဲ့ဝင်၁၃ဦးနှင့် ထိုင်းနိုင်ငံ၊အလုပ်သမားဝန်ကြီးဌာန၊ အလုပ်အကိုင်ဌာန၊ ညွှန်ကြားရေးမှူး ချုပ် Mrs. PetcharatSinauy ဦးဆောင်သော ကိုယ်စားလှယ်အဖွဲ့ဝင် ၁၈ဦး၊ စုစုပေါင်း ၃၁ဦး တက်ရောက်၍ညှိနှိုင်းဆွေးနွေးခဲ့သည်။
အစည်းအဝေးတွင် ထိုင်းနိုင်ငံသို့ မြန်မာအလုပ်သမားများ တရားဝင်စေလွှတ်သည့် MoU လုပ်ငန်းစဉ်၊ ၂၀၁၉ခုနှစ်၊နိုဝင်ဘာလ၁ရက်နေ့နှင့်၂၀၂၀ခုနှစ်၊မတ်လ၃၁ရက်နေ့ တို့တွင်အလုပ်လုပ် ကိုင်ခွင့်လက်မှတ်သက်တမ်းကုန်ဆုံးမည့် မြန်မာအလုပ်သမားများ ဆက်လက်အလုပ်လုပ်ကိုင်ခွင့် ရရှိရေး၊ မြန်မာအလုပ်သမားများအား ဥပဒေပါအခွင့်အရေး အပြည့်အဝရရှိရေးနှင့်လူမှုကာကွယ် စောင့်ရှောက်မှုပေးရေး၊ထိုင်းနိုင်ငံသို့ MoU စနစ်ဖြင့်မြန်မာရေလုပ်သားများစေလွှတ်နိုင်ရေး၊MoU စနစ်ဖြင့် ထိုင်းနိုင်ငံသို့အလုပ်သမားစေလွှတ်ခြင်းလုပ်ငန်းစဉ်အတွက်ကုန်ကျစရိတ်သတ်မှတ်ခြင်း နှင့် ထိုင်းနိုင်ငံနှင့်မြန်မာနိုင်ငံတို့အကြားလက်မှတ်ရေးထိုးထားသော အလုပ်သမားများ အလုပ် ခန့်ထားရေးဆိုင်ရာသဘောတူစာချုပ်ကိုသက်တမ်းတိုးနိုင်ရေးတို့ကိုညှိနှိုင်းဆွေးနွေးခဲ့ကြသည်။
ညွှန်ကြားရေးမှူးချုပ်နှင့်အဖွဲ့သည် ၂၀၁၉ခုနှစ်၊မေလ၁၂ရက်နေ့တွင်ထိုင်းနိုင်ငံ၊မဟာချိုင်မြို့ ၌ဖွင့်လှစ်ထားရှိသော သာမန်နိုင်ငံကူးလက်မှတ်ထုတ်ပေးရေးဌာနစိတ်၏အလုပ်သမားများအချက် အလက် ကောက်ယူရေးစင်တာသို့သွားရောက်၍စခန်း၌ တာဝန်ထမ်းဆောင်နေသော ဝန်ထမ်း များကိုတွေ့ဆုံ၍ လုပ်ငန်းဆောင်ရွက်မှုအခြေအနေ၊ လုပ်ငန်းများဆောင်ရွက်ရာတွင်ကြုံတွေ့ ရသည့် အခက်အခဲများကိုမေးမြန်းခဲ့ပြီးလိုအပ်သည်များကိုမှာကြားခဲ့သည်။

နိုင်ငံဖွံ့ဖြိုးတိုးတက်ရေးနှင့် အလုပ်လုပ်ကိုင်နိုင်သူ တစ်ဦးချင်းဝင်ငွေတိုးပွားစေရေးအတွက် ရည်ရွယ်၍ အလုပ်အကိုင်အခွင့်အလမ်းများပိုမိုရရှိစေရေးအတွက် ပြည်ပသို့တရားဝင်စေလွှတ်ခြင်း နှင့်ပြည်တွင်းအလုပ်အကိုင်များရှာဖွေပေးခြင်းတို့အား အလုပ်သမား၊ လူဝင်မှုကြီးကြပ်ရေးနှင့်ပြည်သူ့ အင်အားဝန်ကြီးဌာနမှ စဉ်ဆက်မပြတ်ကြိုးပမ်းဆောင်ရွက်လျက်ရှိပါသည်။
ထိုသို့ဆောင်ရွက်ရာတွင် ပြည်တွင်းအလုပ်အကိုင်ရရှိရေးကို ဦးစားပေးဆောင်ရွက်ပေးခဲ့ပြီး သင့်တော်ကောင်းမွန်သည့် အလုပ်အကိုင်များရရှိစေရေးနှင့် အလုပ်ရှင်များအတွက်လည်း အလုပ် သမားလုံလောက်စွာခန့်အပ်ထားရှိရန် အလုပ်အကိုင်နှင့်အလုပ်သမားရှာဖွေရေးရုံးများတွင် Labour Exchange Management System ဖြင့် Online မှဆောင်ရွက်ပေးခြင်းတို့အား လုပ်ဆောင်လျက်ရှိရာ ၂၀၁၉ခုနှစ်၊ ဧပြီလ အတွင်းအပြည့်အစုံ…