လူမှုဖူလုံရေးအဖွဲ့၏ ဆေးဘက်ဆိုင်ရာအကြံပေးအဖွဲ့အစည်းအဝေး (၁/၂၀၁၇) တွင် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ အမြဲတမ်းအတွင်းဝန်မှ အဖွင့်အမှာစကားပြောကြား

နေပြည်တော်၊ ဇွန် လ ၂၃ ရက်
အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့၏ ဆေးဘက်ဆိုင်ရာအကြံပေးအဖွဲ့ (၁/၂၀၁၇) အစည်းအဝေးကို ၂၃-၆-၂၀၁၇ ရက်နေ့ နံနက်ပိုင်း တွင် နေပြည်တော်၊ လူမှုဖူလုံရေးအဖွဲ့(ရုံးချုပ်) ၊ အစည်းအဝေးခန်းမ(၁) ၌ ကျင်းပခဲ့ရာ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ အမြဲတမ်းအတွင်းဝန်နှင့် ကျန်းမာရေးနှင့် အားကစားဝန်ကြီးဌာန၊ မြန်မာနိုင်ငံဆရာဝန်အသင်း၊ မြန်မာနိုင်ငံဆေးကောင်စီ၊ ဆေးရုံအုပ်ကြီးများ၊ အထူးကုဆရာဝန်ကြီးများပါဝင်သော ဆေးဘက်ဆိုင်ရာအကြံပေးအဖွဲ့၊ အဖွဲ့ဝင်များ၊ ညွှန်ကြားရေးမှူးများ၊ ဒုတိယညွှန်ကြားရေးမှူးများနှင့် ဖိတ်ကြားထားသော ဧည့်သည်တော်များ တက်ရောက်ခဲ့ကြသည်။
ပထမဦးစွာ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ အမြဲတမ်းအတွင်းဝန်မှ အဖွင့်အမှာစကားပြောကြားရာတွင် ယနေ့ကျင်းပပြုလုပ်သည့် အစည်းအဝေးမှာ လူမှုဖူလုံရေးဆေးဘက်ဆိုင်ရာအကြံပေးအဖွဲ့ရဲ့ ဒုတိယအကြိမ်မြောက် အစည်းအဝေး ဖြစ်ပြီး ပထမအကြိမ်အစည်းအဝေးကို ၂၀၁၄ ခုနှစ် စက်တင်ဘာလ ၃၀ ရက်နေ့မှာ ကျင်းပခဲ့ပြီး ဖြစ်ပါကြောင်း၊ ယခုအစည်းအဝေးကျင်းပရခြင်း ရည်ရွယ်ချက်မှာ အာမခံ အလုပ်သမားများ၏ ဆေးကုသမှုအကျိုးခံစားခွင့်များနှင့် ဆေးဘိုးစိုက်ထုတ်ကုန်ကျစရိတ်များ ပြန်လည်တောင်းခံရာတွင် လက်ရှိထုတ်ပြန်ထားသော ညွှန်ကြားချက်အမှတ် (၂၀/ဆေး-၂၀၀၉) အား ပြန်လည်သုံးသပ်ပြီး မှန်ကန်မြန်ဆန်စေရေးအတွက် ဖြေလျော့ပေးသင့်သည်များကို ဖြေလျော့ပေးရန်၊ အာမခံအလုပ်သမားများ ဆေးကုသရာတွင် ကုန်ကျစရိတ်ကြီးမားသော ရောဂါများ၏ ဆေးကုသစရိတ်များအတွက် ဆေးဘိုးပြန်အမ်းခြင်းဆိုင်ရာ မူဝါဒများအား ပြန်လည်သုံးသပ်ပြီး အာမခံအလုပ်သမားများ စိုက်ထုတ်ကုန်ကျမှုလျော့နည်းသက်သာအောင် ဆောင်ရွက်ရန်ဖြစ်ပါကြောင်း၊ အလုပ်ဌာနများရှိ သတ်မှတ်ချက်နှင့်ကိုက်ညီသော ဆေးခန်းများကို ဌာနကြီးဆေးခန်းအဖြစ် သတ်မှတ်ရာတွင် လိုက်နာရမည့် စည်းမျဉ်း/ စည်းကမ်းများအားအတည်ပြုရန်နှင့် ဆေးရုံ/ ဆေးခန်းများရှိ ဆရာဝန်၊ သူနာပြုများ လိုအပ်ချက် ဖြည့်ဆည်းနိုင်ရေးနှင့် ပတ်သက်၍ ကျန်းမာရေးနှင့်အားကစားဝန်ကြီးဌာန၊ ကုသရေးဦးစီးဌာနမှ ဖြည့်တင်းပေးခြင်း၊ အဖွဲ့အစီအစဉ်ဖြင့် ဖြည့်တင်းခြင်း နည်းလမ်းများကို ညှိနှိုင်းအဖြေရှာရန် ဖြစ်ပါကြောင်း၊ ဆေးဘက်ဆိုင်ရာအကြံ ပေးအဖွဲ့ကို ဖွဲ့စည်းရခြင်း၏ ရည်ရွယ်ချက်မှာ ခေတ်နှင့်အညီလျော်ညီသော ကျန်းမာရေးစောင့် ရှောက်မှုများ ထိရောက်စွာ ဆောင်ရွက်ပေးနိုင်ရေးအတွက် လိုအပ်သော အကြံဉာဏ်များ၊ အကူအညီများပေးရန်ဖြစ်ပြီး စတင်ဖွဲ့စည်းခဲ့စဉ်က လူပုဂ္ဂိုလ် အမည်များနှင့် ဖွဲ့စည်းထားခဲ့ပြီး ဖြစ်သော်လည်း လုပ်ငန်းများအဆင်ပြေလွယ်ကူစွာဆောင်ရွက်နိုင်ရေးအတွက် ဆေးဘက်ဆိုင်ရာ အကြံပေးအဖွဲ့ကို ရာထူး၊ ဌာန အမည်များနှင့် ၂၀၁၆ ခုနှစ် မတ် လ ၂၄ ရက်နေ့မှာ အဖွဲ့ဝင် ၂၈ ဦးနှင့် ပြင်ဆင်ဖွဲ့စည်းခဲ့ပြီးဖြစ်ပါကြောင်း၊ လူမှုဖူလုံရေးအဖွဲ့အနေနှင့် အာမခံအလုပ်သမားများ ၏ ဆေးကုသမှုအကျိုးခံစားခွင့်များရရှိအောင် ဆောင်ရွက်ပေးရာမှာ ပိုမိုထိရောက် လွယ်ကူ စေရေး၊ အာမခံအလုပ်သမားတိုင်း လက်လှမ်းမီစေရေး အဆင့်မြင့် ကျန်းမာရေး ဝန်ဆောင်မှုများ ဖြည့်ဆည်းနိုင်ရေးဆောင်ရွက်လျက်ရှိပါကြောင်း၊ အာမခံအလုပ်သမားများ၏ ကျန်းမာရေးကို ပိုမိုထိရောက်စွာ ကုသစောင့်ရှောက်ပေးနိုင်ရေးအတွက် လူမှုဖူလုံရေးအဖွဲ့ဆေးရုံကြီးများအား နိုင်ငံတကာအဆင့်မီ ဆေးရုံကြီးများအဖြစ်သို့ အဆင့်မြှင့်တင်ဆောင်ရွက်နိုင်ရန်၊ ပြည်တွင်း/ ပြည်ပ ပုဂ္ဂလိကကုမ္ပဏီများမှ အဆိုပြုလွှာများတင်သွင်းလျက်ရှိပါကြောင်း၊ အဆိုပါဆေးရုံ၊ ဆေးခန်းများ အဆင့်မြှင့်တင်ခြင်းများဆောင်ရွက်ရာတွင် စနစ်တကျဖြစ်စေရေးနှင့် ကုသမှု စံနှုန်းများနှင့်အညီ ဆောင်ရွက်နိုင်ရေး၊ လူမှုဖူလုံရေးအဖွဲ့၏ ဘဏ္ဍာငွေသုံးစွဲနိုင်မှု ၊ တစ်ဦးချင်း၏ ကျန်းမာရေးဆေးကုသမှုစရိတ်များအား ခိုင်မာမှုရရှိစေရန် တွက်ချက်၍ လုပ်ကိုင်ဆောင် ရွက်လိုသော ကုမ္ပဏီများအား Fair Competition ဖြစ်စေရန် ဆောင်ရွက်သွားမှာဖြစ် ပါကြောင်း၊ အလုပ်သမားဆေးရုံကြီးများအား Economy Standard ၊ Private Hospital Standard၊ International Standard တို့ဖြင့် တစ်ဆင့်ပြီးတစ်ဆင့် အကောင်အထည်ဖော် ဆောင်ရွက်သွားမှာဖြစ်ပါကြောင်း၊ ယနေ့တက်ရောက်လာကြသည့် ဆေးဘက်ဆိုင်ရာအကြံပေး အဖွဲ့ဝင်များအနေနှင့် ဒီနေ့ဆွေးနွေးတင်ပြမည့် ဆေးဘက်ဆိုင်ရာကိစ္စရပ်တွေ အတွက် မိမိတို့၏ ကျွမ်းကျင်မှုအတွေ့အကြုံများအရ ဝိုင်းဝန်းကူညီအကြံပြုဆွေးနွေးပေးဖို့ တိုက်တွန်းပြောကြား လိုပါကြောင်း၊ ယနေ့အစည်းအဝေးတွင် ဆွေးနွေးအကြံပြုသည့်အချက်များ၊ အတည်ပြုချက် များ၊ ဆုံးဖြတ်ချက်များကို အမျိုးသားအဆင့် လူမှုဖူလုံရေးအဖွဲ့သို့ ပြန်လည်တင်ပြပြီး လုပ်ထုံး လုပ်နည်းများအတိုင်း ဆက်လက်ကျင့်သုံးအကောင်အထည်ဖော်သွားမှာ ဖြစ်ပါကြောင်း၊ လူမှုဖူလုံ ရေးအဖွဲ့အနေဖြင့် အာမခံအလုပ်သမားများ၏ ကျန်းမာရေးစောင့်ရှောက်မှုနှင့် ငွေကြေးအကျိုး ခံစားခွင့်များကို ယခင်ကထက် တိုးမြှင့် ဆောင်ရွက်ပေးနိုင်မည်ဟု ယုံကြည်ပါကြောင်း၊ သို့ဖြစ်၍ ဆေးဘက်ဆိုင်ရာ အကြံပေးအဖွဲ့ဝင်များအနေနှင့် မိမိတို့၏ဘာသာရပ်ကျွမ်းကျင်မှု အတွေ့အကြုံ များအလိုက် ပါဝင်ဆွေးနွေး အကြံပြုပေးကြပါရန် ပြောကြားခဲ့ပါသည်။

ထို့နောက် ဆေးဘက်ဆိုင်ရာအကြံပေးအဖွဲ့၊ ဥက္ကဋ္ဌ၊ လူမှုဖူလုံရေးအဖွဲ့၊ ညွှန်ကြားရေး မှူးချုပ်မှ အစည်းအဝေးတွင် ဆွေးနွေးမည့်ကိစ္စရပ်နှင့် စပ်လျဉ်း၍ ရှင်းလင်း တင်ပြခဲ့ပြီး၊ တက်ရောက်လာသူများက အစည်းအဝေးသို့တင်ပြသည့်ဆွေးနွေးရန်အချက်များအပေါ် ဝိုင်းဝန်း ဆွေးနွေးအကြံပြုကာ ဆွေးနွေးပွဲရလာဒ်များအပေါ် မှတ်တမ်းတင်ခြင်း( ၁ )ရပ်၊ ဆုံးဖြတ်ချက် ( ၁၂ ) ရပ် ချမှတ်အတည်ပြုခဲ့ပြီး၊ အခမ်းအနားအား ရုတ်သိမ်းခဲ့ကြောင်းသိရသည်။

medical-board-ssb2