လူမှုဖူလုံရေးအဖွဲ့ ကွန်ပျူတာကျွမ်းကျင်မှုအခြေခံသင်တန်းအမှတ်စဉ်(၂/၂၀၁၇) သင်တန်းဖွင့်လှစ်ခြင်း

နေပြည်တော်၊ ဇွန် လ ၂၆ ရက်
အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့၏ ကွန်ပျူတာကျွမ်းကျင်မှုအခြေခံသင်တန်း (၂/၂၀၁၇) ဖွင့်ပွဲအခမ်းအနားကို ၂၆-၆-၂၀၁၇ ရက်နေ့ နေ့လည်(၁၂:၃၀) နာရီအချိန်တွင် နေပြည်တော်၊ လူမှုဖူလုံရေးအဖွဲ့(ရုံးချုပ်)၊ အစည်းအဝေးခန်းမ (၁) ၌ ကျင်းပခဲ့ပါသည်။
အဆိုပါ သင်တန်းဖွင့်ပွဲအခမ်းအနားတွင် အလုပ်သမား၊ လူဝင်မှုကြီးကြပ်ရေးနှင့် ပြည်သူ့ အင်အားဝန်ကြီးဌာန၊ လူမှုဖူလုံရေးအဖွဲ့၊ ညွှန်ကြားရေးမှူးချုပ်မှ အဖွင့်အမှာစကားပြောကြား ခဲ့ပြီး၊ လူမှုဖူလုံရေးအဖွဲ့တွင် တာဝန်ထမ်းဆောင်လျှက်ရှိသော ဝန်ထမ်းများအား ကွန်ပျူတာ ပညာရပ်ကို တတ်ကျွမ်းနားလည်စေရန်နှင့် ပေးအပ်သည့် လုပ်ငန်းတာဝန်များအား အခက်အခဲ မရှိစေဘဲ ကွန်ပျူတာနည်းပညာဖြင့် အချိန်နှင့်တပြေးညီလျှင်မြန်စွာ ဆောင်ရွက်နိုင်စေရန် ရည်ရွယ်၍ သင်တန်းသား/သူ(၄၀)ဦးအား ၂၆-၆-၂၀၁၇ ရက်နေ့ မှ ၁၄-၇-၂၀၁၇ ရက်နေ့ထိ ရက်သတ္တပတ် (၃) ပတ်ကြာ စာတွေ့လက်တွေ့ သင်ကြားပေးသွားမည် ဖြစ်ပါသည်။
အဆိုပါ သင်တန်းဖွင့်ပွဲအခမ်းအနားသို့ အလုပ်သမား၊ လူဝင်မှုကြီးကြပ်ရေးနှင့် ပြည်သူ့ အင်အားဝန်ကြီးဌာန၊ လူမှုဖူလုံရေးအဖွဲ့၊ ညွှန်ကြားရေးမှူးချုပ်၊ ညွှန်ကြားရေးမှူးများ၊ ဒုတိယ ညွှန်ကြားရေးမှူးများ၊ သင်တန်းနည်းပြများ၊ သင်တန်းအုပ်ချုပ်သူများနှင့် သင်တန်းသား/သူများ တက်ရောက်ခဲ့ကြပြီး သင်တန်းဖွင့်ပွဲအခမ်းအနားကို နေ့လည် (၁:၀၀) နာရီ အချိန်တွင် ရုတ်သိမ်း ခဲ့ပါသည်။

လူမှုဖူလုံရေးအဖွဲ့၊ သတင်းအချက်အလက်နှင့် နည်းပညာဌာန၊ ဒုတိယညွှန်ကြားရေးမှူး၊ ဒေါက်တာအိအိစိုးထွန်းမှ သင်ခန်းစာပို့ချနေစဉ်
လူမှုဖူလုံရေးအဖွဲ့၊ သတင်းအချက်အလက်နှင့် နည်းပညာဌာန၊ ဒုတိယညွှန်ကြားရေးမှူး၊ ဒေါက်တာအိအိစိုးထွန်းမှ သင်ခန်းစာပို့ချနေစဉ်