လူမှုဖူလုံရေးအဖွဲ့(ရုံးချုပ်) ၏ နေ့ကလေးထိန်းကျောင်းဖွင့်ပွဲအခမ်းအနား ကျင်းပခဲ့ခြင်း

နေပြည်တော်၊ ဇူလိုင် လ ၃ ရက်
အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့ (ရုံးချုပ်) ၏တာဝန်ထမ်းဆောင်နေကြသည့်ဝန်ထမ်းများ၏ သား/သမီးငယ်များအား အနာဂါတ် ဘဝတွင်လိမ္မာယဉ်ကျေးသော၊ အသိဉာဏ်ဖွံ့ဖြိုးသော၊ ဉာဏ်ရည်ဉာဏ်သွေးထက်မြက်သော ကလေးများအဖြစ် စောင့်ရှောက်ပေးရန်အတွက် နေ့ကလေးထိန်းကျောင်းဖွင့်လှစ်သည့် အခမ်း အနားကို ၃-၇-၂၀၁၇ ရက်နေ့ နံနက် (၁၀:၀၀) နာရီအချိန်တွင် လူမှုဖူလုံရေးအဖွဲ့(ရုံးချုပ်)၊ နေ့ကလေးထိန်းကျောင်း၌ ကျင်းပပြုလုပ်ရာ ဖွင့်ပွဲအခမ်းအနားသို့ ညွှန်ကြားရေးမှူးများ၊ ဒုတိယ ညွှန်ကြားရေးမှူးများ၊ ကလေးငယ်(၁၉) ဦး၏ မိခင်များ အသီးသီးတက်ရောက်ခဲ့ကြပါ သည်။
အခမ်းအနားတွင် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့၊ ညွှန်ကြားရေးမှူးချုပ်မှ အဖွင့်အမှာစကားပြောကြားခဲ့ပါသည်။ ညွှန်ကြားရေး မှူးချုပ်မှ ယခုကဲ့သို့ နေ့ကလေးထိန်းကြောင်း ဖွင့်လှစ်ရခြင်း၏ရည်ရွယ်ချက်မှာ ဝန်ထမ်းများ၏ သားသမီးများ၏အနာဂါတ်တွင် လူကြီးသူမများကိုရိုသေကိုင်းရှိုင်းပြီး လိမ္မာယဉ်ကျေးစွာကြီး ပြင်းလာစေရန်ဖြစ်ကြောင်း၊ ဝန်ထမ်းများ၏သားသမီးများမှာလည်း မိမိတို့၏ သားသမီးများပင် ဖြစ်ကြောင်း၊ ဝန်ထမ်းများ၏သာရေးနာရေးများတွင်လည်း တတ်နိုင်သလောက် ကူညီစောင့်ရှောက်ပေးသွားမည်ဖြစ်ကြောင်း၊ ပထမဦးစွာ (၂) နှစ်အောက်ကလေးများအား မူကြိုဖွင့်လှစ်နိုင် ရန် ဝန်ထမ်းများ၏ အလှူငွေများဖြင့်မတည်၍ နေ့ကလေးထိန်းကျောင်း ကြီးကြပ်ရေးကော်မတီ ဖွဲ့စည်းပြီးစနစ်တကျစီမံဆောင်ရွက်သွားမည်ဖြစ်ကြောင်း၊ ဒီထက်ပို၍ကြီးပြင်းလာသည့် ကလေး ငယ်များအား ပြင်ပမူကြိုကျောင်းများတွင် သင်ကြားနိုင်ရေးကိုပါ ဆက်လက်ဆောင်ရွက်သွား မည် ဖြစ်ကြောင်း၊ ဝန်ထမ်းမိသားစုများအချင်းချင်းညီညွတ်စွာဖြင့် ပူးပေါင်းဆောင်ရွက်သွား ကြစေလိုကြောင်း ပြောကြားခဲ့ပါသည်။ ထို့နောက် ညွှန်ကြားရေးမှူးချုပ်နှင့် အဖွဲ့ဝင်များသည် နေ့ကလေးထိန်းကျောင်းတွင် လာရောက်အပ်နှံသည့် ဝန်ထမ်းများ၏ သား/သမီးငယ် (၁၉) ဦး တို့အားလှည့်လည်ကြည့်ရှုအားပေးပြီး မှတ်တမ်းတင်ဓါတ်ပုံရိုက်ကူးခဲ့ကြောင်းသိရသည်။

ssb-child-care-center2
ssb-child-care-center5