ပြည်ထောင်စုဝန်ကြီး ဦးသိန်းဆွေ၊ မြန်မာနိုင်ငံဆိုင်ရာ နီပေါနိုင်ငံ သံအမတ်ကြီး Mr. Bhim K. Udas အား နေပြည်တော်၌ လက်ခံတွေ့ဆုံ၊ နှစ်နိုင်ငံလူဝင်မှုကြီးကြပ်ရေးဆိုင်ရာကိစ္စရပ်များ ဆွေးနွေး။

နေပြည်တော်၊ ဇူလိုင် ၂၇ ။
အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ ပြည်ထောင်စုဝန်ကြီး ဦးသိန်းဆွေသည် မြန်မာနိုင်ငံဆိုင်ရာ နီပေါနိုင်ငံ သံအမတ်ကြီး Mr. Bhim K. Udas နှင့် အဖွဲ့အား ဇူလိုင်လ(၂၇)ရက်၊ ယနေ့နံနက်(၁၁)နာရီတွင် နေပြည်တော်ရှိ အဆိုပါဝန်ကြီးဌာန၊ ဧည့်ခန်းမ၌ လက်ခံ တွေ့ဆုံသည်။
ထိုသို့တွေ့ဆုံရာတွင် ပြည်ထောင်စုဝန်ကြီးနှင့်အတူ အမြဲတမ်းအတွင်းဝန် ဦးမြင့်ကြိုင်နှင့် ဦးစီးဌာနများမှ ညွှန်ကြားရေးမှူးချုပ်များ၊ တာဝန်ရှိသူများတက်ရောက်ခဲ့ကြပြီး ပြည်ပအလုပ် အကိုင်ရရှိရေးအတွက် လုပ်သားများစေလွှတ်ရန် ပြည်ပနိုင်ငံများနှင့် နားလည်မှုစာချွန်လွှာ (MoU)ရေးထိုးထားရှိမှု၊ ပြည်ပနိုင်ငံများသို့ သွားရောက်အလုပ်လုပ်ကိုင်သည့် လုပ်သားများ အခြေအနေနှင့် လုပ်သားစွမ်းရည်မြင့်မားရေးအတွက် ဆောင်ရွက်မှုအခြေအနေ၊ နှစ်နိုင်ငံလူဝင်မှု ကြီးကြပ်ရေးနှင့် အလုပ်သမားရေးရာဆိုင်ရာကိစ္စရပ်များ ပူးပေါင်းဆောင်ရွက်နိုင်ရေး အခြေအနေ များနှင့်စပ်လျဉ်း၍ ရင်းနှီးပွင့်လင်းစွာ အမြင်ချင်းဖလှယ်ဆွေးနွေးခဲ့ကြောင်း သတင်းရရှိသည်။