ပြည်ထောင်စုဝန်ကြီးဦးသိန်းဆွေ၊ ဂျပန်နိုင်ငံသို့ မြန်မာနိုင်ငံမှအလုပ်သင်အလုပ်သမားများစေလွှတ် နိုင်ရေးအတွက် ဂျပန်နိုင်ငံ ဂျပန်-မြန်မာ လွှတ်တော်အချင်းချင်း ချစ်ကြည်ရင်းနှီးရေးအသင်း၏ အထွေထွေအတွင်းရေးမှူး Mr.Kozo YAMAMOTO နှင့် အဖွဲ့အား လက်ခံတွေ့ဆုံ

နေပြည်တော် သြဂုတ် ၂
အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ပြည်ထောင်စုဝန်ကြီး ဦးသိန်းဆွေ သည် ဂျပန်နိုင်ငံ ဂျပန်-မြန်မာ လွှတ်တော်အချင်းချင်း ချစ်ကြည်ရင်းနှီးရေးအသင်း၏ အထွေထွေအတွင်းရေးမှူး Mr.Kozo YAMAMOTO နှင့် အဖွဲ့အား ယနေ့ညနေ့ ၁၆၀၀ နာရီ အချိန်တွင် နေပြည်တော် ရှိ အဆိုပါဝန်ကြီးဌာန ၊ အစည်းအဝေးခန်းမတွင် လက်ခံတွေ့ဆုံသည်။
ထိုသို့တွေ့ဆုံရာတွင် မြန်မာနိုင်ငံမှ ဂျပန်နိုင်ငံသို့ သက်ကြီးရွယ်အိုစောင့်ရှောက်ရေးနှင့် အလုပ်သင်အလုပ်သမားစေလွှတ်ရေးကိစ္စနှင့်ပတ်သက်၍ ဆောင်ရွက်လျှက်ရှိသည့်အခြေအနေများ ၊ ဂျပန်နိုင်ငံဘက်မှ အလုပ်သမားလိုအပ်မှု အခြေအနေများနှင့်ပတ်သက်၍ အသေးစိတ်ဆွေးနွေးခဲ့ပြီး တွေ့ဆုံပွဲအား ၁၇၀၀ နာရီတွင် ရုပ်သိမ်းခဲ့ပါသည်။
အဆိုပါတွေ့ဆုံပွဲသို့ ပြည်ထောင်စုဝန်ကြီး နှင့်အတူ ညွှန်ကြားရေးမှူးချုပ်နှင့် တာဝန်ရှိ သူများ တက်ရောက်ခဲ့ကြကြောင်းသတင်းရရှိပါသည်။