၂၀၁၄ ခုနှစ်၊ လူဦးရေနှင့် အိမ်အကြောင်းအရာ သန်းခေါင်စာရင်း အချက်အလက်များကို အခြေခံ၍ ပညာရေးအကြောင်းအရာအသေးစိတ်သုတေသနစာတမ်း ထုတ်ပြန်

နေပြည်တော် ဇွန် ၃၀ ။
အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန ၊ပြည်သူ့အင်အားဦးစီးဌာနသည် ၂၀၁၄ခုနှစ်လူဦးရေနှင့် အိမ်အကြောင်းအရာသန်းခေါင်စာရင်းအချက်အလက်များကို အခြေခံပြုစုထားသည့် ပညာရေးအကြောင်းအရာ အသေးစိတ်သုတေသနစာတမ်းကို ယနေ့ ဇွန်(၃၀)ရက်နေ့တွင် ထုတ်ပြန်ကြေညာလိုက်သည်။
ယင်းသုတေသနစာတမ်းသည် ၂၀၁၄ ခုနှစ် သန်းခေါင်စာရင်းမှရရှိသည့် ပညာရေးဆိုင်ရာ အချက်အလက် (၃) ခုဖြစ်သည့် စာတတ်မြောက်မှု၊ ကျောင်းတက်ရောက်မှုအခြေအနေနှင့် အမြင့်ဆုံး တက်ရောက်ပြီးစီးခဲ့သည့်အတန်းတို့ကိုဆန်းစစ်လေ့လာ၊ စာတမ်းပြုစုထားခြင်းဖြစ်ပြီး ၂၀၅၀ ခုနှစ် အထိ ကျောင်းနေအရွယ်လူဦးရေခန့်မှန်းချက်များကိုလည်းဖော်ပြထားသည်။
စာတမ်းပါ အချက်အလက်များအရ မြန်မာနိုင်ငံတွင်အသက် (၁၅)နှစ်နှင့်အထက် စာတတ် မြောက်မှုနှုန်းမှာ (၈၉.၅%)ဖြစ်ပြီး အမျိုးသားများ၏ စာတတ်မြောက်မှုနှုန်းမှာ (၉၂.၆%) ခန့်ဖြစ်၍ အမျိုးသမီးများ၏ စာတတ်မြောက်မှုနှုန်းမှာ(၈၆.၉%)ဖြစ်သည်။ မြို့ပြတွင်နေထိုင်သူများ၏ စာတတ် မြောက်မှုနှုန်းမှာ (၉၅.၂%) ခန့်ရှိပြီး ကျေးလက်တွင်နေထိုင်သူများ၏ စာတတ်မြောက်မှုနှုန်းမှာ (၈၇.၀%) ဖြစ်ကြောင်းနှင့် စာမတတ်သူဦးရေမှာ ၁၉၈၃ ခုနှစ်တွင် (၄.၅) သန်းခန့် ရှိခဲ့ရာမှ ၂၀၁၄ ခုနှစ်တွင် (၃.၆) သန်းအထိလျော့နည်းလာကြောင်းတွေ့ရသည်။
ကျောင်းတက်ရောက်မှုနှင့်ပတ်သက်၍ အသက်(၅)နှစ်မှ (၂၅)နှစ်အတွင်းရှိ လူဦးရေ၏ ကျောင်း တက်ရောက်မှု ရာခိုင်နှုန်းမှာ (၃၈.၈%) ခန့်သာရှိပြီး မြို့ပြနှင့်ကျေးလက်တို့တွင် ကျောင်းတက်ရောက် မှုရာခိုင်နှုန်းမှာ အနည်းငယ်သာကွာခြားသည်ကိုတွေ့ရှိရသည်။ အသက် (၇)နှစ်မှ (၁၅)နှစ်အတွင်းရှိ ကလေးငယ်ငါးသိန်းခန့်သည် လုံးဝကျောင်းမနေဘူးသူများဖြစ်ကြပြီး အများစုမှာ ကျေးလက်နေ ကလေးငယ်များဖြစ်ကြောင်းတွေ့ရှိရသည်။
၂၀၁၄ခုနှစ်သန်းခေါင်စာရင်းရလဒ်များအရ အသက်(၂၅)နှစ်အထက် လူဦးရေစုစုပေါင်း၏ သုံးပုံနှစ်ပုံခန့်မှာ မူလတန်းပညာရေးအဆင့် (သို့မဟုတ်) အတန်းမရှိသူများသာဖြစ်ကြောင်း တွေ့ရှိ ရပြီး အသက်၂၅နှစ်နှင့်အထက် လူဦးရေ၏ (၇.၃%)ခန့်သာ တက္ကသိုလ်မှဘွဲ့ရရှိသူများဖြစ်ကြောင်း တွေ့ရှိရသည်။
၁၉၇၃ ခုနှစ်တွင် ကျောင်းနေအရွယ်လူဦးရေမှာ (၈)သန်းခန့်နှင့် ၁၉၈၃ခုနှစ်တွင် (၉.၅) သန်း ခန့်ရှိပြီး ၂၀၁၄ ခုနှစ်တွင် ကျောင်းနေအရွယ်လူဦးရေမှာ (၁၁)သန်းနီးပါးရှိသည်။ သို့သော်လည်း ၂၀၅၀ ခုနှစ်တွင် ကျောင်းနေအရွယ်လူဦးရေ (၁၀.၇) သန်းခန့်ထိလျော့ကျသွားမည်ဟု ခန့်မှန်းထား သည်။
အဆိုပါစာတမ်းတွင် မြန်မာနိုင်ငံပညာရေးစနစ် တိုးတက်ကောင်းမွန်လာစေရေးအတွက် သုံးသပ်ချက်များနှင့် အကြံပြုချက်များကိုလည်း ထည့်သွင်းဖော်ပြထားသည့်အပြင် အစိုးရ၏ အနာဂတ်မူဝါဒများကို ချမှတ်နိုင်ရာတွင် အထောက်အကူပြုနိုင်ရန် ပညာရေးဆိုင်ရာစာရင်းအင်း အချက်အလက်ကောက်ယူခြင်းနှင့်ပတ်သက်၍ သီးခြားအကြံပြုချက်အချို့ကိုလည်း ထည့်သွင်း ဖော်ပြထားကြောင်းတွေ့ရှိရသည်။
ပြည်သူ့အင်အားဦးစီးဌာနမှ ထုတ်ပြန်သည့် ၂၀၁၄ ခုနှစ် လူဦးရေနှင့်အိမ်အကြောင်းအရာ သန်းခေါင်စာရင်းပင်မအစီရင်ခံစာ၊ တိုင်းဒေသကြီး/ ပြည်နယ်အလိုက် အစီရင်ခံစာများ၊ အလုပ်အကိုင်နှင့် လုပ်ငန်းအစီရင်ခံစာ၊ ကိုးကွယ်သည့်ဘာသာအစီရင်ခံစာနှင့် အသေးစိတ်သုတေသနစာတမ်းများ ဖြစ်သော မွေးဖွားခြင်းနှင့်လက်ထပ်ထိမ်းမြားခြင်း၊ သေဆုံးခြင်း၊ သားဖွားမိခင်သေဆုံးခြင်း၊ လူဦးရေ ပြောင်းလဲခြင်း၊ ရွှေ့ပြောင်းသွားလာခြင်းနှင့် မြို့ပြထွန်းကားလာခြင်း၊ လူဦးရေခန့်မှန်းခြင်း၊ လုပ်သား အင်အားအကြောင်းအရာနှင့် ယခုထုတ်ပြန်လိုက်သည့် ပညာရေးအကြောင်းအရာ အသေးစိတ် သုတေသနစာတမ်းများကို ပြည်သူ့အင်အားဦးစီးဌာန ဝက်ဘ်ဆိုဒ် www.dop.gov.mm တွင် ဝင်ရောက်ကြည့်ရှု့လေ့လာရယူနိုင်ကြောင်းနှင့် အစီရင်ခံစာကို http://www.dop.gov.mm/moip/index.php Thematic Report On Education လင့်တွင် download ရယူနိုင်ကြောင်းသတင်းရရှိသည်။ (-)