လူမှုဖူလုံရေးအဖွဲ့

လူတိုင်းလူတိုင်းသည်လောကဓမ္မတာအရ မမာမကျန်းမှု၊မီးဖွားမှု၊အလုပ်ခွင်ထိခိုက်ဒဏ်ရာရမှု၊ အလုပ်လက်မဲ့ ဖြစ်မှု၊ အသက်အရွယ်ကြီးရင့်မှု၊သေဆုံးမှုစသည့် လူမှုအန္တရာယ်များကို တစ်နေ့နေ့တစ်ချိန်ချိန်တွင် မလွဲမသွေတွေ့ကြုံရင်ဆိုင် ကြရမြဲဖြစ်သည်။ ဤသို့ လူမှုအန္တရာယ်များတွေ့ကြုံသည့်အခါလုပ်ခဝင်ငွေ တစ်ခုတည်းကိုသာ အားထားနေရသည့် အလုပ်သမားများဝင်ငွေလျော့နည်း ရပ်စဲခြင်းကြောင့် ၎င်းနှင့်တကွ ၎င်း၏မှီခိုသူမိသားစုများသည် အတိဒုက္ခရောက်ကြရပါသည်၊ယင်းသို့လူမှုဒုက္ခများနှင့် တွေ့ကြုံရသည့် အခါတွင် အာမခံစနစ်အပေါ်အခြေခံပြီး အခမဲ့ဆေးဝါးကုသပေးခြင်း နှင့် ငွေကြေးထောက်ပံ့ပေးခြင်းဖြင့် အကာအကွယ်ပေးခြင်းသည် လူမှုဖူလုံရေးစနစ်၏ အခြေခံသဘောတရားပင် ဖြစ်ပါသည်။