လေ့ကျင့်ပညာပေးခြင်း

အလုပ်သမားရေးရာ အသိပညာပေးဆွေးနွေးမှုနှင့် နယ်မြေရုံးများ ကွင်းဆင်းစစ်ဆေးမှု

သင်တန်းပို့ချမှုမှတ်တမ်းများ

အလုပ်ရုံနှင့်အလုပ်သမားဥပဒေစစ်ဆေးရေးဦးစီးဌာန၊ညွှန်ကြားရေးမှူးချုပ်၊ ဦးဝင်းရှိန်၊ ရန်ကုန်တိုင်းဒေသကြီးအတွင်း ရှိ CMP စက်ရုံ၊ အလုပ်ရုံများမှ လုပ်ငန်းပိုင်ရှင်၊ မန်နေဂျာများနှင့် တွေ့ဆုံဆွေးနွေးခြင်း

CMP လုပ်ငန်းများ မြေပြင်ကွင်းဆင်းစစ်ဆေးရေးအဖွဲ့ ဥက္ကဌ၊ အလုပ်ရုံနှင့်အလုပ်သမားဥပဒေစစ်ဆေးရေးဦးစီး ဌာန၊ ညွှန်ကြားရေးမှူးချုပ် ဦးဝင်းရှိန်သည် ၂၅.၁၀.၂၀၁၂ ရက်နေ့၊ (၁၃းဝဝ)နာရီမှ (၁၅းဝဝ)နာရီထိ ရန်ကုန်တိုင်းဒေသကြီး၊ မရမ်းကုန်းမြို့နယ်၊ ပြည်လမ်း၊ ၈ မိုင်ခွဲရှိအလုပ်ရုံနှင့်အလုပ်သမားဥပဒေစစ်ဆေးရေး ဦးစီးဌာန ရုံး၊ အစည်းအဝေး ခန်းမတွင် လှိုင်သာယာ၊ ရွှေပြည်သာ၊ မင်္ဂလာဒုံ၊ တောင်ဒဂုံ၊ ဒဂုံဆိပ်ကမ်း၊ သန်လျင်မြို့နယ် များရှိ CMP စနစ်ဖြင့် လုပ်ကိုင်သည့် စက်ရုံံများမှ လုပ်ငန်းပိုင်ရှင်၊ မန်နေဂျာ စုစုပေါင်း (၆၅)ဦး နှင့် တွေ့ဆုံ၍ လက်ရှိ ကျင့်သုံးနေသော တည်ဆဲ အလုပ်သမားရေးရာ ဥပဒေများပါ ပြဌာန်း ချက်များ ၊ အချိန်ပို လုပ်ကိုင်မှုနှင့် ပတ်သက်၍ သိရှိလိုက်နာရမည့် အချက်များ၊ မိမိနိုင်ငံတွင် ဖြစ်ပွားခဲ့သည့် အလုပ်ရှင်၊ အလုပ်သမား အငြင်းပွားမှု ဖြစ်စဉ်များမှ သင်ခန်းစာ ယူသင့်သည့် အချက်များ၊ ဥပဒေပါ ပြဌာန်းချက်များတွင် မပါ၀င်သော်လည်း လုပ်ငန်းခွင် အေးချမ်း သာယာပြီး အလုပ်ရှင်၊ အလုပ်သမား နှစ်ဦးနှစ်ဖက် အကျိုုုးဖြစ်ထွန်းစေနိုင်မည့် လုပ်ငန်းခွင် ဆက်ဆံရေးနှင့် ပတ်သက်၍ လိုက်နာဆောင်ရွက်သင့်သည့် ကောင်းမွန်သော ကျင့်စဉ်များ အား ရှင်းလင်းဆွေးနွေးခဲ့ရာ တက်ရောက်လာကြသူများအနက် Asia world ဆိပ်ကမ်းတွင် အကောက်ခွန်ဌာနမှ ရုံးချိန် ၁၆း၃၀ နာရီထိသာ ဆောင်ရွက်ပေးနေကြောင်း၊ နီလာစတား စက္ကူစက်မှ အလုပ်သမားများမှ လုပ်ငန်းခွင်စည်းကမ်းလိုက်နာမှု အားနည်းကြောင်း၊ Sunny Shoes ဖိနပ်စက်ရုံမှ EC စာချုပ်ကို သက်တမ်းတစ်နှစ်စီထား၍ချုပ်ဆိုလိုကြောင်းတင်ပြခဲ့ပါသည်။ညွှန်ကြားရေးမှူးချုပ်မှအကောက်ခွန် ရုံးမှဆောင်ရွက ်ပေးမှုများကို ညှိနှိုင်းပေးမည်ဖြစ်ကြောင်း၊ EC စာချုပ်ကို အလုပ်ရှင်၊ အလုပ်သမားနှစ်ဖက်ကျေလည်စွာချုပ်ဆိုရန်လိုအပ်ကြောင်း၊ အခက်အခဲရှိက အချိန်မရွေး ဆက်သွယ်ဆောင်ရွက်နိုင်ကြောင်း ပြန်လည် ပြောကြားခဲ့ပါသည်။

—————————-။—————————-။—————————-။—————————-။—————————-

တနင်္သာရီတိုင်းဒေသကြီး၊ထားဝယ်မြို့တွင်အလုပ်သမားရေးရာ အသိပညာပေး ဆွေးနွေးပွဲကျင်းပပြုလုပ်ခြင်

အောက်တိုဘာလ ၁၅

အလုပ်သမားဝန်ကြီးဌာန၊ အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာနမှ ညွှန်ကြားရေးမှူးချုပ် ၊ ဦးဝင်းရှိန်သည်တနင်္သာရီတိုင်းဒေသကြီး၊ထားဝယ်မြို့မြို့တော်ခန်းမ၌ အောက်တိုဘာလ(၁၂)ရက်နေ့၊ နေ့လည်ပိုင်းတွင် အလုပ်သမား ရေးရာအသိပညာပေး ဆွေးနွေးပွဲပြုလုပ်ခဲ့ပြီး ၄င်းဆွေးနွေးပွဲသို့ တနင်္သာရီတိုင်းဒေသကြီး၊ သစ်တောနှင့်သတ္တုဝန်ကြီး ဦးသိန်းလွင် ၊ တိုင်းဒေသကြီး လွှတ်တော် ဒုတိယဥက္ကဋ္ဌနှင့်အတူ ဌာနဆိုင်ရာအရာထမ်း၊ အမှုထမ်းများ ၊ စက်ရုံ/ အလုပ်ရုံ များမှလုပ်ငန်းပိုင်ရှင်များ၊ မန်နေဂျာများနှင့်အလုပ်သမားများ စုစုပေါင်း(၁၈၀)ဦး ခန့်တက်ရောက်ခဲ့ပါသည်။ အဆိုပါရှင်းလင်းဆွေးနွေးပွဲတွင် တိုင်းဒေသကြီး၊ သစ်တောနှင့်သတ္တုဝန်ကြီးမှ အဖွင့်အမှာစကား ပြောကြားပြီး နောက် ညွှန်ကြားရေးမှူးချုပ်မှ အလုပ်သမားရေးရာဥပဒေ၊ နည်းဥပဒေ၊ ညွှန်ကြားချက်နှင့်အမိန့်များ၊ ပြင်ဆင်/အသစ် ရေးဆွဲ လျှက်ရှိသည့်ဥပဒေများ၊ ဤဌာနမှဆောင်ရွက်ပေးနေသည့် လုပ်ငန်းများနှင့် စစ်ဆေးစည်းကြပ်ဆောင်ရွက်နေမှုများ၊အလုပ်ရှင်၊အလုပ်သမားအငြင်းပွားမှု မဖြစ်ပွားစေရေး အတွက် နှစ်ဦးနှစ်ဖက်အပြန်အလှန်ဆောင်ရွက်သင့်သည့် ကိစ္စရပ်များ၊ လုပ်ငန်းခွင်ဘေးအန္တရာယ်ကင်းရှင်းပြီး ကျန်းမာရေးနှင့်ညီညွှတ်သော အလုပ်ခွင်ဖြစ်စေရေးအတွက် ပြုပြင်ဆောင်ရွက်ရန်လိုအပ်ချက်များ၊ စက်ရုံ၊အလုပ်ရုံများတွင် OSH ကော်မတီဖွဲ့စည်းဆောင်ရွက်ရန်ကိစ္စရပ်များ၊ လုပ်ငန်းခွင်အေးချမ်းသာယာရေးအတွက် လိုက်နာဆောင်ရွက်သင့်သည့်အချက်များ၊ ယနေ့ခေတ်တွင် နိုင်ငံတော်အစိုးရ၊ အလုပ်ရှင်၊အလုပ်သမား၊INGO/NGO၊ လူမှုအဖွဲ့အစည်းများတက်ညီလက်ညီပူးပေါင်းပါဝင်ဆောင်ရွက်မှသာ လုပ်ငန်းခွင် အေးချမ်းသာယာပြီး ကောင်းမွန်သောလုပ်ငန်းခွင်ဖန်တီးနိုင်မည်ဖြစ်ကြောင်း၊ လုပ်သားများ၏အရည်အသွေးနှင့် စွမ်းဆောင်ရည်မြှင့်တက်လာခြင်းဖြင့် ကုန်ထုတ်စွမ်းအားမြင့်မားပြီး အလုပ်ရှင်၊အလုပ်သမား နှစ်ဦးနှစ်ဖက် အကျိုးရှိစေမည် ဖြစ်ကြောင်း အကျယ်တဝင့်ချပြဆွေးနွေးခဲ့ပါသည်။


—————————-။—————————-။—————————-။—————————-။—————————-
ဘေးအန္တရာယ်ကင်းရှင်းပြီး ကျန်းမာရေးနှင့်ညီညွတ်သောလုပ်ငန်းခွင်များ ဖန်တီးပေးရန် အသိပညာပေးဆွေးနွေးခြင်း

အလုပ်ရုံနှင့် အလုပ်သမား ဥပဒေ စစ်ဆေးရေးဦးစီးဌာန၊ ညွှန်ကြားရေးမှူးချုပ် ဦးဝင်းရှိန် ဦးဆောင်၍ (၁၃.၈.၂၀၁၃) ရက်နေ့တွင် ရန်ကုန်တိုင်းဒေသကြီး ၊ လှုူိင်သာယာစက်မှုဇုန် ၊ ကနောင်ခန်းမ တွင် သင်တန်းသား (၁၅၀)ဦးအား လည်းကောင်း ၊ (၁၄.၈.၂၀၁၃) ရက်နေ့တွင် ရွှေပြည်သာစက်မှုဇုန် ၊ ကနောင်ခန်းမတွင် သင်တန်းသား (၈၁)ဦးအား လည်းကောင်း ၊(၁၅.၈.၂၀၁၃) ရက်နေ့တွင် တောင်ဒဂုံ စက်မှုဇုန် (၁) ၊ စီမံခန့်ခွဲရေး ကော်မတီ ရုံးခန်းမ တွင် သင်တန်းသား (၅၆)ဦး နှင့် (၁၆.၈.၂၀၁၃) ရက်နေ့တွင် မင်္ဂလာဒုံမြို့နယ် ၊ ဇေကမ္ဘာခန်းမတွင် သင်တန်းသား (၇၀)ဦးတို့အား လုပ်ငန်းခွင်မတော်တဆထိခိုက်မှုနှင့် လုပ်ငန်းခွင်ရောဂါများမဖြစ်ပွားစေရန်ဘေးအန္တရာယ် ကင်းရှင်းပြီး ကျန်းမာရေး နှင့် ညီညွတ်သော လုပ်ငန်းခွင်များ ဖန်တီးပေးရန် အသိပညာပေး ဆွေးနွေးခြင်း နှင့် ၁၉၅၁ ခုနှစ် အလုပ်ရုံများ အက်ဥပဒေပါ ပြဌာန်းချက်များ ရှင်းလင်းဆွေးနွေးခြင်းများ ပြုလုပ်ခဲ့ပါသည်။

—————————-။—————————-။—————————-။—————————-။—————————-

Published date : Sept 15, 2012

အလုပ်ရုံနှင့်အလုပ်သမားဥပဒေစစ်ဆေးရေးဦးစီးဌာန၊ ညွှန်ကြားရေးမှူးချုပ်၊ ဦးဝင်းရှိန်သည် ဦးစီးအရာရှိ (အလုပ်ရုံ စစ်ဆေးရေး) ဦးစည်သူအောင် လိုက်ပါ၍ ၁၄.၉.၂၀၁၂ ရက်နေ့၊ (၀၈း၁၅)နာရီ တွင် ရန်ကုန်မြို့မှ စတင်ထွက်ခွာခဲ့ရာ သထုံမြို့နယ်ရုံးသို့ (၁၁း၄၅)နာရီတွင် ရောက်ရှိ၍ (၁၃းဝဝ)နာရီ အထိ စစ်ဆေးခဲ့ပြီး၊ မွန်ပြည်နယ်ရုံးနှင့် ခရိုင်ရုံးသို့ (၁၆း၄၅)နာရီတွင် ရောက်ရှိ၍ (၁၉းဝဝ)နာရီထိ အရာထမ်း၊အမှုထမ်းများနှင့် တွေ့ဆုံပြီး စစ်ဆေးကြည့်ရှု့၍ လိုအပ်သည်များ ညွှန်ကြားခဲ့ပါသည်။
ညွှန်ကြားရေးမှူးချုပ်သည် မော်လမြိုင်မြို့၊ ဦးဇိနလမ်းရှိ သူနာပြုသင်တန်းကျောင်း အစည်းအဝေးခန်းမ၌ ၁၅.၉.၂၀၁၂ ရက်နေ့၊(၀၉းဝဝ)နာရီမှ(၁၁း၄၅)နာရီထိကျင်းပပြုလုပ်ခဲ့သည့် အလုပ်သမားရေးရာ အသိပညာပေးဆွေးနွေးပွဲတွင် အလုပ်သမားရေးရာ ဥပဒေများ၊ လုပ်ငန်းခွင် အေးချမ်းသာယာရေးအတွက် လိုက်နာဆောင်ရွက်ရမည့် ကိစ္စရပ်များနှင့် လုပ်ငန်းခွင် ဘေးအန္တရာယ် ကင်းရှင်းရေးနှင့်ကျန်းမာရေးဆိုင်ရာ ကိစ္စရပ်များ ချပြ ဆွေးနွေးခဲ့ပါသည်။
အဆိုပါ ဆွေးနွေးပွဲသို့ မွန်ပြည်နယ်၊ စည်ပင်သာယာရေး ၀န်ကြီး ဒေါက်တာတိုးတိုးအောင်၊ ခုံသမာဓိ ကောင်စီ အဖွဲ့ဝင်များ၊ ဌာနဆိုင်ရာ အရာထမ်း၊အမှုထမ်းများ၊ စက်ရုံ၊ အလုပ်ရုံများမှ လုပ်ငန်း ပိုင်ရှင်၊ မန်နေဂျာနှင့် အလုပ်သမား စုစုပေါင်း (၁၀၄)ဦး တက်ရောက်ခဲ့ပါသည်။
ညွှန်ကြားရေးမှူးချုပ်သည် ကရင်ပြည်နယ်၊ ဘားအံခရိုင်ရုံးသို့ ဆက်လက်ထွက်ခွာခဲ့ရာ (၁၃း၃၀)နာရီတွင် ရောက်ရှိ၍ အရာထမ်း/အမှုထမ်း(၃)ဦးနှင့် တွေ့ဆုံပြီး ရုံးလုပ်ငန်းများ ဆောင်ရွက် ထားရှိမှု၊ စက်ရုံ၊ အလုပ်ရုံများ စစ်ဆေးချက်နှင့် ညွှန်ကြားချက်မှတ်တမ်းများ ထိန်းသိမ်းထားရှိမှု၊ ရုံး အတွင်းအပြင် အခြေအနေများကို (၁၄း၃၀)နာရီထိ စစ်ဆေး၍ လိုအပ်သည်များ ညွှန်ကြားခဲ့ပြီး ဆက်လက်ထွက်ခွာလာခဲ့ရာ (၁၈း၃၀)နာရီတွင် ကျိုက်ထိုမြို့သို့ ရောက်ရှိ အခြေပြုခဲ့ပါသည်။
၁၆.၉.၂၀၁၂ ရက်နေ့၊ (၀၉း၁၅)နာရီတွင် ကျိုက်ထိုမြို့မှ ပြန်လည်ထွက်ခွာခဲ့ရာ ပဲခူးခရိုင်ရုံးသို့ (၁၁း၄၀)နာရီတွင် ရောက်ရှိ၍ (၁၂း၃၀)နာရီထိ စစ်ဆေးခဲ့ပြီး လိုအပ်သည်များ မှာကြား၍ ရန်ကုန်မြို့သို့ (၁၄းဝဝ)နာရီတွင် ပြန်လည်ရောက်ရှိခဲ့ပါသည်။

ညွှန်ကြားရေးမှူးချုပ် ဦးဝင်းရှိန်
အလုပ်သမားရေးရာအသိပညာပေး ဆွေးနွေးမှုနှင့် နယ်မြေရုံးများကွင်းဆင်းစစ်ဆေးမှု

မော်လမြိုင်မြို့ရှိ လင်းရောင်နီငါး အအေးခန်းစက်ရုံ သို့သွားရောက်ဟောပြောဆွေးနွေးမှု

Published date : Jul 17, 2012

မော်လမြိုင်မြို့၊အလုပ်ရုံနှင့်အလုပ်သမား ဥပဒေစစ်ဆေးရေးဦးစီးဌာန (ပြည်နယ်ရုံးနှင့်ခရိုင်ရုံး) တို့မှ ဦးခွန်စံရင် ၊ ဦးစီးအရာရှိ (အလုပ်သမားဥပဒေစစ်ဆေးရေး) နှင့်ဦးလင်းမင်းထိုက် ၊ ဦးစီးအရာရှိ (အလုပ်ရုံစစ်ဆေးရေး) တို့သည်(၁၃.၇.၂၀၁၂)ရက်နေ့တွင် လင်းရောင်နီအအေးခန်းစက်ရုံ ၊ မြင်းဇီလမ်း၊ မောင်ငံရပ်၊ မော်လမြိုင်မြို့၌ ဦးခွန်စံရင်(အလုပ်သမား ဥပဒေစစ်ဆေးရေး)မှ အလုပ်ရုံများအက်ဥပဒေ၊ လုပ်ခပေးရေးအက်ဥပဒေ၊ခွင့်ရက်နှင့် အလုပ်ပိတ်ရက်အက်ဥပဒေဆိုင်ရာများအားဆွေးနွေးဟောပြောပြီး၊ ဦးလင်းမင်းထိုက်(အလုပ်ရုံစစ်ဆေးရေး)မှ လုပ်ငန်းခွင်ဘေးအန္တရာယ် ကင်းရှင်းရေးနှင့် ကျန်းမာရေး ဆိုင်ရာ ကိစ္စရပ်များဖြစ်သည့် လေဝင်လေထွက် ကောင်းမွန်ရေး ၊ အမိုးနီးယားအကြောင်းနှင့် ကုန်ပစ္စည်း များကို လူအားဖြင့် သယ်မခြင်း တို့ကို ဆွေးနွေးပြောကြားခဲ့ပြီး ဆွေးနွေးပွဲ သို့ တက်ရောက်သူ ဦးရေမှာ ကျား (၁၅) ၊ မ (၂၇) ၊ စုစုပေါင်း (၄၂)ဦး ဖြစ်ပါသည်။

အလုပ်ရုံ၊ဆိုင်နှင့်အလုပ်ဌာနများတွင် ကလေးသူငယ်များ အလုပ်လုပ်ကိုင်မှုအပေါ် ပညာပေး ဆွေးနွေး ပို့ချမှု

အလုပ်ရုံနှင့်အလုပ်သမားဥပဒေစစ်ဆေးရေးဦးစီးဌာနမှ အလုပ်ရုံ၊ ဆိုင်နှင့် အလုပ်ဌာနများတွင် ကလေး သူငယ်များ အလုပ်လုပ်ကိုင်မှုအပေါ် ပိုင်ရှင်နှင့်မန်နေဂျာများသိရှိနိုင်ရန် အသိပညာပေးဆွေးနွေးပို့ချမှု

Published date : jul 11, 2012

အလုပ်ရုံနှင့်အလုပ်သမားဥပဒေစစ်ဆေးရေးဦးစီးဌာန မှ ၂၀၁၂ ခုနှစ် အတွင်း မြို့နယ်ရုံး/ခရိုင်ရုံးများရှိ အလုပ်သမား ဥပဒေစစ်ဆေးရေးအရာရှိများမှ အလုပ်ရုံ၊ ဆိုင်နှင့် အလုပ်ဌာနများတွင် ကလေးသူငယ်များ အလုပ်လုပ်ကိုင်မှုအပေါ် အသိပညာပေးခြင်းအနေဖြင့် ပိုင်ရှင်နှင့် မန်နေဂျာ များအား ဆွေးနွေးပို့ချရာ၌ လားရှိုးခရိုင်တွင် (၂၄)ဦး၊ မြစ်ကြီးနားခရိုင် တွင် (၅)ဦး၊ မကွေးခရိုင်တွင် (၁၀)ဦး၊ အင်းစိန်မြို့နယ် တွင် (၁၀)ဦး၊ ပုသိမ်ခရိုင်တွင် (၂၅)ဦး၊ တောင်ကြီး မြို့နယ်တွင် (၂၅)ဦး ၊ မိတ္ထီလာခရိုင်တွင် (၁၀)ဦး၊ ရွှေဘိုခရိုင်တွင် (၁၅)ဦး ၊ မှော်ဘီမြို့နယ်တွင်(၅)ဦး၊ ကျောက်မဲခရိုင်တွင် (၅)ဦး၊ စစ်ကိုင်းမြို့နယ် တွင် (၁၀)ဦး ၊ ညောင်လေးပင်မြို့နယ်တွင် (၁၅)ဦး၊ သန်လျင် မြို့နယ်တွင်(၅)ဦး၊ ရမည်းသင်းခရိုင် တွင်(၅)ဦး၊ ဒေါပုံ/သာကေတမြို့နယ် တွင် (၂၄)ဦး၊ မန္တလေးခရိုင်တွင် (၁၀)ဦး၊ တာမွေမြို့နယ်တွင် (၁၀)ဦး၊ ဗိုလ်တထောင်မြို့နယ်တွင် (၅)ဦး၊ သရက်ခရိုင်တွင် (၅)ဦး ၊ မြင်းခြံခရိုင်တွင် (၁၅) နှင့် မြောင်းမြခရိုင်တွင် (၅)ဦး ၊ ပိုင်ရှင်နှင့် မန်နေဂျာ စုစုပေါင်း(၂၃၈)ဦးတို့အား အသိပညာပေးဆွေးနွေးပို့ချခဲ့ကြောင်း သတင်းရရှိပါသည်။

အလုပ်သမားအဖွဲ့အစည်းဥပဒေ၊ နည်းဥပဒ၊ အလုပ်သမားရေးရာ အငြင်းပွားမှု ဖြေရှင်းရေးဥပဒေ၊ နည်းဥပဒေ နှင့် ပတ်သက်၍ အသိအမြင်တိုးမြှင့်ရေး ဆွေးနွေးပွဲကျင်းပခြင်း

ပြည်နယ်/တိုင်းဒေသကြီးနှင့်စက်မှုဇုန်များရှိ အလုပ်ရှင်၊ အလုပ်သမားများအား အလုပ်သမား အဖွဲ့အစည်းဥပဒေ၊ နည်းဥပဒေ၊ အလုပ်သမားရေးရာအငြင်းပွားမှု‌ ဖြေရှင်းရေးဥပဒေ၊ နည်းဥပဒေ နှင့် ပတ်သက်၍ အသိအမြင်တိုးမြှင့်ရေး ဆွေးနွေးပွဲကျင်းပခြင်း

Published on: Jul 9, 16:43

နိုင်ငံတော်မှ အလုပ်သမားများ၏အခွင့်အရေးများကို ကာကွယ်စောင့်ရှောက်ရန်၊ အလုပ်သမားအချင်းချင်းအကြား၊ အလုပ်ရှင်နှင့်အလုပ်သမားအကြား ဆက်ဆံရေးကောင်းမွန်စေရန် ရည်ရွယ်၍ အလုပ်ရှင်၊ အလုပ်သမားအငြင်းပွားမှု ကိစ္စရပ်များအား လုပ်ငန်းခွင်မပျက် ဥပဒေအရ တည်ငြိမ်အေးချမ်းစွာ ဖြေရှင်းဆောင်ရွက်နိုင်ရန်ရည်ရွယ်၍ အလုပ်ရှင်၊ အလုပ်သမားများအတွက် အလုပ်သမားဝန်ကြီးဌာနအနေဖြင့် အလုပ်သမားအဖွဲ့အစည်းဥပဒေနှင့် နည်းဥပဒေ၊ အလုပ်သမား ရေးရာ အငြင်းပွားမှုဖြေရှင်းရေးဥပဒေ၊ နည်းဥပဒေများရေးဆွဲ၍ ပြည်ထောင်စုလွှတ်တော်မှ အတည်ပြုပြဌာန်းခဲ့ပြီးဖြစ်ပါသည်။

အလုပ်သမားဝန်ကြီးဌာန၊ အလုပ်သမားညွှန်ကြားရေးဦးစီးဌာန၌ အလုပ်သမားများ၏ အခွင့်အရေးများအား ကာကွယ်စောင့်ရှောက်ရန်၊ အလုပ်ရှင်နှင့်အလုပ်သမားအကြား ဆက်ဆံရေး ကောင်းမွန်ပြီး လုပ်ငန်းခွင် အေးချမ်းသာယာစေရန်၊ အလုပ်ရှင်၊ အလုပ်သမားအငြင်းပွားမှုများကို တရားမျှတစွာ ဖြေရှင်းဆောင်ရွက်ပေးနိုင်ရန်၊ အလုပ်ရှင်နှင့် အလုပ်သမားအကြား လုပ်ငန်းခွင် ဆက်ဆံရေး (Industrial Relation) ကောင်းမွန်စေရန်၊ လုပ်ငန်းခွင် တည်ငြိမ်အေးချမ်းသာယာ စေရန်၊ ဥပဒေပါခံစားခွင့်များနှင့်ပတ်သက်၍ ရှင်းလင်းစွာ သိရှိနားလည်စေရန် ထုတ်ပြန်ခဲ့ပြီး ဖြစ်သည့် ဥပဒေ၊ နည်းဥပဒေများကို သိရှိနားလည်ခြင်းအားဖြင့် အလုပ်ရှင်၊ အလုပ်သမား အငြင်းပွားမှု ပဋိပက္ခများလျော့နည်းစေရန်နှင့် ဥပဒေနှင့်အညီ တည်ငြိမ်အေးချမ်းစွာ ဖြေရှင်း ဆောင်ရွက်နိုင်ရန်အတွက် ပြည်နယ်နှင့်တိုင်းဒေသကြီးများရှိ စက်မှုဇုန်များတွင် စက်ရုံ၊ အလုပ်ရုံ၊ အလုပ်ဌာနများမှ အလုပ်ရှင်၊ အလုပ်သမားများပါ ဝင်ရောက်ဆွေးနွေးသည့် အသိပညာပေး ဆွေးနွေးပွဲများ အလုပ်ရုံဆွေးနွေးပွဲများကျင်းပ ပြုလုပ်ခဲ့ပါသည်။

မကွေးမြို့၊ မြို့တော်ခန်းမ၌ အလုပ်သမားဝန်ကြီး ဌာန၊ ဒုတိယဝန်ကြီး မှ
အသိပညာပေးဆွေးနွေးဟောပြောနေစဉ်


ရန်ကုန်တိုင်းဒေသကြီး၊လှိုင်သာယာစက်မှုဇုန်ကနောင်ခန်းမ၌ကျင်းပသောအသိပညာပေးဆွေးနွေးပွဲတွင်
အလုပ်သမားညွှန်ကြားရေးဦးစီးဌာန၊ ညွှန်ကြားရေးမှူးချုပ်ဆွေးနွေးဟောပြောနေစဉ်

ကလေးသူငယ်များအလုပ်ရုံ၊ဆိုင်နှင့်အလုပ်ဌာနများတွင် အလုပ်လုပ်ကိုင်မှုအပေါ် ပညာပေးဆွေးနွေးမှုများ

Published date: Jul 06, 2012

လှိုင်သာယာမြို့နယ်စက်မှုဇုန်စက်ရုံ၊အလုပ်ရုံများမှအလုပ်ရှင်/အလုပ်သမားများအားဆွေးနွေးခြင်း

အလုပ်ရုံနှင့်အလုပ်သမားဥပဒေ စစ်ဆေးရေးဦးစီးဌာန၊ ညွှန်ကြားရေးမှူးချုပ် ဦးဝင်းရှိန်သည် ၅-၇-၂၀၁၂ ရက်နေ့တွင် အလုပ်ရုံနှင့်အလုပ်သမားဥပဒေ စစ်ဆေးရေးဦးစီးဌာန(မရမ်းကုန်းမြို့နယ်ရုံး)၌ လှိုင်သာယာ မြို့နယ်ရှိ စက်မှုဇုန်များမှ စက်ရုံ၊ အလုပ်ရုံ (၂၁)ရုံမှ ပိုင်ရှင်/ မန်နေဂျာ (၂၃)ဦးအား ကလေးသူငယ်များ အလုပ် လုပ်ကိုင်ခြင်းနှင့် ပတ်သက်၍ ဤဦးစီးဌာနမှ စစ်ဆေးစည်းကြပ်လျှက်ရှိသည့် ၁၉၅၁ခုနှစ်၊ အလုပ်ရုံ များအက်ဥပဒေ၊ ၁၉၅၁ခုနှစ်၊ ရေနံမြေ(အလုပ်သမား နှင့်သက်သာချောင်ချိရေး) အက်ဥပဒေ၊ ၁၉၅၁ခုနှစ်၊ ဆိုင်များနှင့်အလုပ်ဌာနများအက်ဥပဒေနှင့် ၁၉၉၃ခုနှစ် ကလေးသူငယ် ဥပဒေများ နှင့်အညီ သိရှိလိုက်နာ ဆောင်ရွက်ရန် မှာကြားဆွေးနွေးရှင်းလင်းခဲ့ပါသည်။

Published date: Jul 06, 2012

လှိုင်သာယာမြို့နယ်စက်မှုဇုန်စက်ရုံ၊အလုပ်ရုံများမှအလုပ်ရှင်/အလုပ်သမားများအားဆွေးနွေးခြင်း

အလုပ်ရုံနှင့်အလုပ်သမားဥပဒေ စစ်ဆေးရေးဦးစီးဌာန၊ ညွှန်ကြားရေးမှူးချုပ် ဦးဝင်းရှိန်သည် ၄-၇-၂၀၁၂ ရက်နေ့တွင် အလုပ်ရုံနှင့်အလုပ်သမားဥပဒေ စစ်ဆေးရေးဦးစီးဌာန(မရမ်းကုန်းမြို့နယ်ရုံး)၌ လှိုင်သာယာ မြို့နယ်ရှိ စက်မှုဇုန်များမှ စက်ရုံ၊ အလုပ်ရုံ (၃၀)ရုံမှ ပိုင်ရှင်/ မန်နေဂျာ (၃၀)ဦးအား ကလေးသူငယ်များ အလုပ် လုပ်ကိုင်ခြင်းနှင့် ပတ်သက်၍ ဤဦးစီးဌာနမှ စစ်ဆေးစည်းကြပ်လျှက်ရှိသည့် ၁၉၅၁ခုနှစ်၊ အလုပ်ရုံ များအက်ဥပဒေ၊ ၁၉၅၁ခုနှစ်၊ ရေနံမြေ (အလုပ်သမား နှင့်သက်သာချောင်ချိရေး) အက်ဥပဒေ၊ ၁၉၅၁ခုနှစ်၊ ဆိုင်များနှင့်အလုပ်ဌာနများအက်ဥပဒေနှင့် ၁၉၉၃ခုနှစ် ကလေးသူငယ် ဥပဒေများ နှင့်အညီ သိရှိလိုက်နာ ဆောင်ရွက်ရန် မှာကြားဆွေးနွေးရှင်းလင်းခဲ့ပါသည်။

Published date: Jul 06, 2012

တောင်ဒဂုံ၊ အရှေ့ဒဂုံနှင့် ဒဂုံဆိပ်ကမ်းစက်မှုဇုန်များရှိ စက်ရုံ၊အလုပ်ရုံများတွင် ဆွေးနွေးခြင်း

အလုပ်ရုံနှင့်အလုပ်သမားဥပဒေ စစ်ဆေးရေးဦးစီးဌာန၊ ညွှန်ကြားရေးမှူးချုပ် ဦးဝင်းရှိန်သည် ၃-၇-၂၀၁၂ ရက်နေ့တွင် အလုပ်ရုံနှင့်အလုပ်သမားဥပဒေ စစ်ဆေးရေးဦးစီးဌာန(ဒဂုံမြို့သစ်တောင်ပိုင်းမြို့နယ်ရုံး)၌ တောင်ဒဂုံ၊ အရှေ့ဒဂုံနှင့် ဒဂုံဆိပ်ကမ်းစက်မှုဇုန်များရှိ စက်ရုံ၊ အလုပ်ရုံ (၄၁)ရုံမှ ပိုင်ရှင်/ မန်နေဂျာ (၄၁)ဦးအား ကလေးသူငယ်များ အလုပ်လုပ်ကိုင်ခြင်းနှင့် ပတ်သက်၍ ဤဦးစီးဌာနမှ စစ်ဆေးစည်းကြပ်လျှက်ရှိသည့် ၁၉၅၁ခုနှစ်၊ အလုပ်ရုံများ အက်ဥပဒေ၊ ၁၉၅၁ခုနှစ်၊ ရေနံမြေ (အလုပ်သမားနှင့် သက်သာချောင်ချိရေး) အက်ဥပဒေ၊ ၁၉၅၁ခုနှစ်၊ ဆိုင်များနှင့် အလုပ်ဌာနများ အက်ဥပဒေနှင့် ၁၉၉၃ခုနှစ် ကလေးသူငယ် ဥပဒေများ နှင့်အညီ သိရှိလိုက်နာဆောင်ရွက်ရန် မှာကြားဆွေးနွေးရှင်းလင်းခဲ့ပါသည်။

အလုပ်သမားဥပဒေရေးရာ အသိပညာပေးဆွေးနွေးပွဲ(ရန်ကုန်မြို့)

၂၆-၅-၂၀၁၂ ရက်နေ့
အလုပ်သမားဝန်ကြီးဌာန မှ ထုတ်ပြန်ထားသော အလုပ်သမားရေးရာအငြင်းပွားမှု ဖြေရှင်းရေးဥပဒေ နှင့်ပတ်သက်၍ အလုပ်ရှင်နှင့်အလုပ်သမားများသိရှိနားလည်စေရန် အတွက် အလုပ်သမားဝန်ကြီးဌာန ၊ အလုပ်သမားရေးရာဆက်ဆံရေး ဦးစီးဌာန ညွှန်ကြားရေးမှူးချုပ် ဒေါက်တာသန်းဝင်း မှ ၂၆-၅-၂၀၁၂ ရက်နေ့တွင် ရန်ကုန်တိုင်းဒေသကြီးအစိုးရအဖွဲ့၊ မင်္ဂ္လာအစည်းအဝေးခန်းမတွင် ရှင်းလင်း ဆွေးနွေးခဲ့ပါသည်။

ရှင်းလင်းဆွေးနွေးပွဲသို့ ရန်ကုန်တိုင်းဒေသကြီးအစိုးရအဖွဲ့၊ လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးတင်ဝင်း၊ စိုက်ပျိုးရေးနှင့်မွေးမြူရေးဝန်ကြီး(အလုပ်သမားရေးရာတာဝန်ခံဝန်ကြီး) ဦးစိုးမင်းတို့တက်ရောက်ခဲ့ပြီး အလုပ်သမား အဖွဲ့အစည်းများ နှင့် အလုပ်ရှင်အဖွဲ့အစည်းများ ၊ စက်ရုံစီမံခန့်ခွဲရေးကော်မတီများ၊ ရန်ကုန်တိုင်းဒေသကြီး ခုံသမာဓိအဖွဲ့ နှင့် မြို့နယ်(၁၀)မြို့နယ်မှ အငြင်းပွားမှုညှိနှိုင်းဖျန်ဖြေရေးအဖွဲ့များ စုစုပေါင်း အင်အား (၁၅၀) ဦး တက်ရောက်ခဲ့ကြပါသည်။

အလုပ်သမားဥပဒေရေးရာ အသိပညာပေးဆွေးနွေးပွဲ(မကွေးမြို့)

၂၃-၅-၂၀၁၂ ရက်နေ့
အလုပ်သမားဝန်ကြီးဌာန မှ ထုတ်ပြန်ထားသော အလုပ်သမားအဖွဲ့အစည်းဥပဒေ၊ နည်းဥပဒေများ နှင့် အလုပ်သမားရေးရာအငြင်းပွါးမှု ဖြေရှင်းရေးဥပဒေ၊ နည်းဥပဒေများ အသိပညာ တိုးမြှင့်ရေး ဆွေးနွေးပွဲ အခမ်းအနားအား မကွေးမြို့၊ မြို့တော်ခန်းမ၌ ၂၃-၅-၂၀၁၂ ရက်နေ့တွင် ကျင်းပပြုလုပ်ခဲ့ပါသည်။
အခမ်းအနားသို့ အလုပ်သမားဝန်ကြီးဌာန ဒုတိယဝန်ကြီး ဦးမြင့်သိန်း၊ မကွေးတိုင်း ဒေသကြီးအစိုးရအဖွဲ့၊ စီမံကိန်းနှင့်စီးပွါးရေးဝန်ကြီး ဦးမြင့်နိုင်၊ မကွေးတိုင်းဒေသကြီး ဥပဒေချုပ် ဦးမောင်မောင်ဖြူတင့်တို့ နှင့် စက်ရုံ၊အလုပ်ရုံနှင့် အလုပ်ဌာန များမှ အလုပ်ရှင်နှင့် အလုပ်သမား ကိုယ်စားလှယ် (၁၄၅)ဦး တက်ရောက်ခဲ့ကြကြောင်း သတင်းရရှိပါသည်။

လုပ်ငန်းခွင်ဘေးအန္တရာယ်ကင်းရှင်းရေးနှင့်ကျန်းမာရေးဆိုင်ရာ အသိပညာပေး ဆွေးနွေးပို့ချမှု အခြေအနေ

လုပ်ငန်းခွင်ဘေးအန္တရာယ် ကင်းရှင်းရေး နှင့် ကျန်းမာရေး စီမံခန့်ခွဲမှုစနစ် (OSH Management System) အားဆွေးနွေးပို့ချခြင်း၊ စက်ရုံ ၊ အလုပ်ရုံများတွင် ဖြစ်ပွားခဲ့သည့် မတော်တဆထိခိုက်မှု များနှင့် ပတ်သက်၍ ရှောင်ရန်၊ ဆောင်ရန်အချက်များ ရှင်းလင်းဆွေးနွေးခြင်း

အလုပ်ရုံနှင့်အလုပ်သမားဥပဒေစစ်ဆေးရေးဦးစီးဌာန ညွှန်ကြား‌ရေးမှူးချုပ် ဦးဝင်းရှိန် ၊ ဒုတိယညွှန်ကြားရေးမှူး ဦးစိုးဝင်းစိန် (အလုပ်ရုံ) နှင့် ဦးစီးအရာရှိ ဦးဥက္ကာသိန်း တို့သည် ၂၇-၁-၂၀၁၂ ရက်နေ့တွင် ရွှေပြည်သာစက်မှုဇုန် ၊ စီမံခန့်ခွဲရေးကော်မတီရုံး၊ ကနောင်ခန်းမ၌ လုပ်သား (၅၀) ဦး အား လုပ်ငန်းခွင်ဘေးအန္တရာယ်ကင်းရှင်းရေး နှင့် ကျန်းမာရေးစီမံခန့်ခွဲမှုစနစ် (OSH Management System) အား ဆွေးနွေးပို့ချခြင်း၊ စက်ရုံ၊ အလုပ်ရုံများ တွင် ဖြစ်ပွားခဲ့သည့် မတော်တဆ ထိခိုက်မှုများနှင့်ပတ်သက်၍ ရှောင်ရန်၊ ဆောင်ရန် အချက်များအား ရှင်းလင်း ဆွေးနွေးခဲ့ပါသည်။

အလုပ်သမားဥပဒေရေးရာ အသိပညာပေးဆွေးနွေးပွဲ

အလုပ်ရုံနှင့်အလုပ်သမားဥပဒေစစ်ဆေးရေးဦးစီးဌာန၊လှိုင်သာယာမြို့နယ်ရုံးမှ ဦးစီးအရာရှိ(အလုပ်သမားဥပဒေ စစ်ဆေးရေး) ဦးအောင်နိုင် သည် ၁၁-၂-၂၀၁၂ ရက်နေ့တွင် စက်ရုံ(၁၃)ရုံ ၊ ဆိုင်နှင့်အလုပ်ဌာန(၅)ဌာန မှ ပိုင်ရှင်/မန်နေဂျာ/Super/Leader (၃၅)ဦး အား အလုပ်သမားဥပဒေရေးရာ အသိပညာပေးဆွေးနွေးပွဲပြုလုပ်ခဲ့ပါသည်။

အလုပ်သမားရပိုင်ခွင့်နှင့်ဥပဒေရေးရာကိစ္စရပ်များ

အလုပ်ရုံနှင့်အလုပ်သမားဥပဒေစစ်ဆေးရေးဦးစီးဌာန၊ သံတွဲခရိုင်ရုံးမှ ဦးစီးအရာရှိ (အလုပ်သမားဥပဒေစစ်ဆေးရေး) ဦးစံဝင်း သည် ၂၃-၁-၂၀၁၂ ရက်နေ့တွင် လင်းအောင်အအေးခန်း စက်ရုံမှ လုပ်သား(၁၂၃)ဦး နှင့် မရိန်းအအေးခန်း စက်ရုံမှ လုပ်သား (၂၅၀) ဦး တို့အား အလုပ်သမားရပိုင်ခွင့်နှင့် ဥပဒေရေးရာကိစ္စရပ်များ ဆွေးနွေးပို့ချခဲ့ပါသည်။

ဒဂုံမြို့သစ်(တောင်ပိုင်း)(အရှေ့ပိုင်း) နှင့် (ဆိပ်ကမ်း)မြို့နယ်များရှိ စက်မှုဇုန်များ
ရန်ကုန်တိုင်းဒေသကြီး

ရန်ကုန်တိုင်းဒေသကြီး ၊ ဒဂုံမြို့သစ်(တောင်ပိုင်း) မြို့နယ်ရှိအလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာန ၊ သင်တန်းခန်းမတွင် အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာန၊ ရုံးချုပ်မှ ညွှန်ကြားရေးမှူးချုပ် ဦးဝင်းရှိန်၊ ဒုတိယညွှန်ကြားရေးမှူး ဦးစိုးဝင်းစိန် ၊ ဦးစီးအရာရှိ(အလုပ်ရုံ) ဦးလှမျိုးအောင် တို့မှ ဒဂုံမြို့သစ်(တောင်ပိုင်း)မြို့နယ်၊ ဒဂုံမြိုသစ်(အရှေ့ပိုင်း)မြို့နယ် နှင့် ဒဂုံ(ဆိပ်ကမ်း)မြို့နယ် စက်မှုဇုန်များရှိ စက်ရုံ၊ အလုပ်ရုံများမှ လုပ်သား ဦးရေ(၃၈)ဦး တို့အား လုပ်ငန်းခွင် ဘေးအန္တရာယ်ကင်းရှင်းရေး နှင့် ကျန်းမာရေးကော်မတီဖွဲ့စည်းပြီး၊ စက်ရုံ၊အလုပ်ရုံများတွင် ဖြစ်ပွားခဲ့သည့် မတော်တဆ ထိခိုက်မှုများ၊ လုပ်ငန်းခွင်၌ ရှေ့ဆက်လက်ဆောင်ရွက်သင့်သည့် ကိစ္စရပ်များနှင့် စပ်လျဉ်း၍ ဆွေးနွေးပြောကြားပါသည်။

မြောက်ဥက္ကလာပစက်မှုဇုန် စီမံခန့်ခွဲရေးကော်မတီရုံး၊
အစည်းအဝေးခန်း
ရန်ကုန်တိုင်းဒေသကြီး

ရန်ကုန်တိုင်းဒေသကြီး၊ အလုပ်ရုံနှင်‌့အလုပ်သမားဥပဒေစစ်ဆေးရေးဦးစီးဌာန (ရုံးချုပ်) မှ ဒုတိယညွှန်ကြားရေးမှူး (အလုပ်ရုံ) ဦးစိုးဝင်းစိန် နှင့် ဦးစီးအရာရှိ(စီမံ-၂) (အလုပ်ရုံစစ်ဆေးရေး) ဦးစောဌေးမြင့်ဦး သည် (၁၃-၁-၂၀၁၂) ရက်နေ့တွင် မြောက်ဥက္ကလာပစက်မှုဇုန် ၊ စီမံခန့်ခွဲရေး ကော်မတီရုံးရှိ အစည်းအဝေးခန်းမ၌ မြောက်ဥက္ကလာပစက်မှုဇုန် နှင့် ရွှေပေါက္ကံစက်မှုဇုန်မှ လုပ်ငန်း ပိုင်ရှင်/မန်နေဂျာ(၃၂)ဦး တို့အား လုပ်ငန်းခွင်ဘေးအန္တရာယ်ကင်းရှင်းရေးနှင့် ကျန်းမာရေးဆိုင်ရာ အသိပညာပေးဆွေးနွေးပွဲပြုလုပ်ခဲ့ပါသည်။

လှိုင်သာယာမြို့နယ် ၊ စက်မှုဇုန်(၂)
ဧရာရွှေဝါပဲသန့်စင်စက်ရုံ
ရန်ကုန်တိုင်းဒေသကြီး

ရန်ကုန်တိုင်းဒေသကြီး၊ အလုပ်ရုံနှင့်အလုပ်သမားဥပဒေစစ်ဆေးရေးဦးစီးဌာန (ရုံးချုပ်) မှ ဦးစီးအရာရှိ(စီမံ-၃)(အလုပ်ရုံစစ်ဆေးရေး) ဦးစိုးသိန်း နှင့် ဦးစီးအရာရှိ(စီမံ-၂) (အလုပ်ရုံစစ်ဆေးရေး) ဦးစည်သူအောင် သည် (၁၁-၁-၂၀၁၂) ရက်နေ့တွင် ရန်ကုန်တိုင်း ဒေသကြီး ၊ လှိုင်သာယာမြို့နယ် ၊ စက်မှုဇုန်(၂) ဧရာရွှေဝါပဲသန့်စင်စက်ရုံ၌ လုပ်သားဦးရေ (၈၃)ဦး တို့အား လုပ်ငန်းခွင်ဘေးအန္တရာယ်ကင်းရှင်းရေး ဆူညံသံအန္တရာယ်နှင့် ထိန်းချုပ် ကာကွယ်ရေးနည်းလမ်းများ အသိပညာပေးဆွေးနွေးပွဲပြုလုပ်ခဲ့ပါသည်။

လုပ်ငန်းခွင်ဘေးအန္တရာယ်ကင်းရှင်းရေးနှင့်ကျန်းမာရေးဆိုင်ရာအသိပညာပေးဆွေးနွေးပို့ချမှု အခြေအနေ

ဒဂုံမြို့သစ်(တောင်ပိုင်း)(အရှေ့ပိုင်း) နှင့် (ဆိပ်ကမ်း)မြို့နယ်များရှိ စက်မှုဇုန်များ
ရန်ကုန်တိုင်းဒေသကြီး

ရန်ကုန်တိုင်းဒေသကြီး ၊ ဒဂုံမြို့သစ်(တောင်ပိုင်း) မြို့နယ်ရှိအလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာန ၊ သင်တန်းခန်းမတွင် အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာန၊ ရုံးချုပ်မှ ညွှန်ကြားရေးမှူးချုပ် ဦးဝင်းရှိန်၊ ဒုတိယညွှန်ကြားရေးမှူး ဦးစိုးဝင်းစိန် ၊ ဦးစီးအရာရှိ(အလုပ်ရုံ) ဦးလှမျိုးအောင် တို့မှ ဒဂုံမြို့သစ်(တောင်ပိုင်း)မြို့နယ်၊ ဒဂုံမြို့သစ်(အရှေ့ပိုင်း)မြို့နယ် နှင့် ဒဂုံ(ဆိပ်ကမ်း)မြို့နယ် စက်မှုဇုန်များရှိ စက်ရုံ၊ အလုပ်ရုံများမှ လုပ်သား ဦးရေ(၃၈)ဦး တို့အား လုပ်ငန်းခွင် ဘေးအန္တရာယ်ကင်းရှင်းရေး နှင့် ကျန်းမာရေးကော်မတီဖွဲ့စည်းပြီး၊ စက်ရုံ၊အလုပ်ရုံများတွင် ဖြစ်ပွားခဲ့သည့် မတော်တဆ ထိခိုက်မှုများ၊ လုပ်ငန်းခွင်၌ ရှေ့ဆက်လက်ဆောင်ရွက်သင့်သည့် ကိစ္စရပ်များနှင့် စပ်လျဉ်း၍ ဆွေးနွေးပြောကြားပါသည်။

မြောက်ဥက္ကလာပစက်မှုဇုန် စီမံခန့်ခွဲရေးကော်မတီရုံး၊
အစည်းအဝေးခန်း
ရန်ကုန်တိုင်းဒေသကြီး

ရန်ကုန်တိုင်းဒေသကြီး၊ အလုပ်ရုံနှင်‌့အလုပ်သမားဥပဒေစစ်ဆေးရေးဦးစီးဌာန (ရုံးချုပ်) မှ ဒုတိယညွှန်ကြားရေးမှူး (အလုပ်ရုံ) ဦးစိုးဝင်းစိန် နှင့် ဦးစီးအရာရှိ(စီမံ-၂) (အလုပ်ရုံစစ်ဆေးရေး) ဦးစောဌေးမြင့်ဦး သည် (၁၃-၁-၂၀၁၂) ရက်နေ့တွင် မြောက်ဥက္ကလာပစက်မှုဇုန် ၊ စီမံခန့်ခွဲရေး ကော်မတီရုံးရှိ အစည်းအဝေးခန်းမ၌ မြောက်ဥက္ကလာပစက်မှုဇုန် နှင့် ရွှေပေါက္ကံစက်မှုဇုန်မှ လုပ်ငန်း ပိုင်ရှင်/မန်နေဂျာ(၃၂)ဦး တို့အား လုပ်ငန်းခွင်ဘေးအန္တရာယ်ကင်းရှင်းရေးနှင့် ကျန်းမာရေးဆိုင်ရာ အသိပညာပေးဆွေးနွေးပွဲပြုလုပ်ခဲ့ပါသည်။

လှိုင်သာယာမြို့နယ် ၊ စက်မှုဇုန်(၂)
ဧရာရွှေဝါပဲသန့်စင်စက်ရုံ
ရန်ကုန်တိုင်းဒေသကြီး

ရန်ကုန်တိုင်းဒေသကြီး၊ အလုပ်ရုံနှင်‌့အလုပ်သမားဥပဒေစစ်ဆေးရေးဦးစီးဌာန (ရုံးချုပ်) မှ ဦးစီးအရာရှိ(စီမံ-၃)(အလုပ်ရုံစစ်ဆေးရေး) ဦးစိုးသိန်း နှင့် ဦးစီးအရာရှိ(စီမံ-၂) (အလုပ်ရုံစစ်ဆေးရေး) ဦးစည်သူအောင် သည် (၁၁-၁-၂၀၁၂) ရက်နေ့တွင် ရန်ကုန်တိုင်း ဒေသကြီး ၊ လှိုင်သာယာမြို့နယ် ၊ စက်မှုဇုန်(၂) ဧရာရွှေဝါပဲသန့်စင်စက်ရုံ၌ လုပ်သားဦးရေ (၈၃)ဦး တို့အား လုပ်ငန်းခွင်ဘေးအန္တရာယ်ကင်းရှင်းရေး ဆူညံသံအန္တရာယ်နှင့် ထိန်းချုပ် ကာကွယ်ရေးနည်းလမ်းများ အသိပညာပေးဆွေးနွေးပွဲပြုလုပ်ခဲ့ပါသည်။