လုပ်ငန်းပိုင်ရှင် / မန်နေဂျာများ သိသင့်သိထိုက်သောအချက်များ

စက်ရုံ၊ အလုပ်ရုံများရှိအလုပ်သမားများလုပ်ငန်းခွင်ဘေးအန္တရာယ်ကင်းရှင်းရေးနှင့် ကျန်းမာရေး၊ သက်သာချောင်ချိရေး၊ ခွင့်ရက်နှင့်အလုပ်ပိတ်ရက်ရရှိရေး၊ လုပ်ခလစာနှောင့်နှေးကြန့်ကြာမှု မရှိဘဲအချိန်မှန်ပြည့်ဝစွာရရှိခံစားနိုင်ရန် ၁၉၅၁ ခုနှစ် အလုပ်ရုံများအက်ဥပဒေ၊ ၁၉၅၁ ခုနှစ် ခွင့်ရက်နှင့် အလုပ်ပိတ်ရက်အက်ဥပဒေ၊ ၂၀၁၆ခုနှစ်် အခကြေးငွေပေးချေရေး ဥပဒေအရ လုပ်ငန်းပိုင်ရှင်များလိုက်နာဆောင်ရွက်ရန် အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာန မှ ထုတ်ပြန်ထားပါသည်၊ ……………

ညႊန္ၾကားခ်က္မ်ားႏွင့္ အျပည့္အစုံ သိရွိရန္ (1661)


အလုပ်ရုံတည်ဆောက်လုပ်လိုလျှင်-

အလုပ်ရုံတည်ရှိသည့် နေရာကွက်အတွက် သော်လည်းကောင်း၊ အလုပ်ရုံဆောက်လုပ်ရန် အတွက် လည်းကောင်း၊ ညွှန်ကြားရေးမှူးချုပ်၏ ခွင့်ပြုချက် ကြိုတင်ရယူရမည်။ ညွှန်ကြားရေးမှူးချုပ် အနေဖြင့်အလုပ်ရုံကို မှတ်ပုံတင်၍ လိုင်စင် ထုတ်ပေးခြင်း၊ လဲလှယ်ခြင်းစသည်တို့ကို နည်းဥပဒေ ပြဌာန်းချက်များနှင့်အညီဆောင်ရွက်ပေးမည် ဖြစ်ပါသည်။
အလုပ်ရုံများဥပဒေ ၊ ပုဒ်မ (၆)

ကုန်ထုတ်လုပ်မှုလုပ်ငန်းစတင်လုပ်ကိုင်တော့မည်ဆိုလျှင် –
လုပ်ငန်းရှင်အနေဖြင့်အနည်းဆုံး(၁၅)ရက်ကြိုတင်၍နို့တစ်စာပေးပို့ရပါမည်။

(က) အလုပ်ရုံ၏အမည်နှင့်တည်ရာအရပ်၊
(ခ ) လုပ်ငန်းပိုင်ရှင်၏အမည်နှင့်နေရပ်အပြည့်အစုံ၊
(ဂ ) အလုပ်ရုံနှင့်စပ်လျဉ်း၍ ဆက်သွယ်ရမည့်နေရပ်အပြည့်အစုံ၊
(ဃ) ပြုလုပ်မှုလုပ်ငန်းစဉ်၊
(င ) အသုံးပြုရမည့်အားအမျိုးအစားနှင့်ပမာဏ၊
(စ ) အလုပ်ရုံမန်နေဂျာဖြစ်သူ၏အမည်၊
(ဆ) ခိုင်းစေမည့်အလုပ်သမားအရေအတွက်၊
(ဇ ) လုပ်ငန်းစတင်သည့်နေ့၊
(ဈ ) ပြဌာန်းသည့်အခြားအကြောင်းအရာများ၊
ပုဒ်မ ၈ (၁)

မန်နေဂျာအသစ်ခန့်အပ်သည့်အခါတိုင်း –

လုပ်ငန်းရှင်အနေဖြင့် (၇)ရက်အတွင်းနို့တစ်စာပေးပို့ရပါမည်။ ပုဒ်မ ၈ (၄)

အလုပ်ရုံမန်နေဂျာအဖြစ်ခန့်ထားခြင်းမရှိလျှင် –

လုပ်ငန်းပိုင်ရှင်ကိုစက်ရုံမန်နေဂျာအဖြစ်မှတ်ယူရပါသည်။ ပုဒ်မ ၈ (၅)

အလုပ်ရုံကိုခေတ္တ(သို့) အချိန်အကန့်အသတ်မရှိဘဲပိတ်ထားလိုလျှင်-

လုပ်ငန်းပိုင်ရှင်သည် အနည်းဆုံး(၁)လကြိုတင် အကြောင်းကြားရမည်။ ပုဒ်မ ၈(၆)

အလုပ်ရုံကိုပိတ်ထားရာမှ ပြန်လည်ဖွင့်လှစ်လုပ်ကိုင်လိုလျှင် –

လုပ်ငန်းရှင်အနေဖြင့် ပြန်လည်အလုပ်မလုပ်မီ (၁၅)ရက်အတွင်း နို့တစ်စာ ပေးပို့ရပါမည်။ ပုဒ်မ ၈ (၇)

လုပ်ငန်းစတင်လုပ်ကိုင်တော့မည်ဆိုလျှင် –

အလုပ်ရုံမန်နေဂျာအနေဖြင့် အလုပ်သမားများ၏ အလုပ်ချိန် ဇယားမိတ္တူနှစ်စောင်ကို ပေးပို့ရ ပါမည်။ အလုပ်ချိန် ဇယားတွင်အပြောင်းအလဲရှိတိုင်းအသစ်တဖန် ပေးပို့ရပါမည်။ ပုဒ်မ (၆၇)

အလုပ်သမားများနှင့်ပတ်သက်၍ –

အလုပ်ရုံမန်နေဂျာအနေဖြင့် အလုပ်သမားများ၏ အမည်၊ အလုပ်အကိုင်နှင့် ပြဌာန်းသည့် အခြားအကြောင်းအရာများကိုဖော်ပြသောအလုပ်သမားမှတ်ပုံတင်စာအုပ်ပုံစံ(၂)ထားရှိရပါမည်။ ပုဒ်မ (၆၈)အလုပ်သမားလျော်ကြေးအက်ဥပဒေတွင် ဖော်ပြထားသော
လုပ်ငန်းခွင်ဆိုင်ရာရောဂါများဖြစ်ပွားလျှင် –
အလုပ်ရုံမန်နေဂျာအနေဖြင့် နို့တစ်စာပေးပို့ရပါမည်။ ပုဒ်မ (၅၄)

လုပ်ငန်းခွင်အတွင်းအလုပ်ကြောင့်အလုပ်သမားများမတော်တဆထိခိုက်မှု ဖြစ်ပွားလျှင် –

အလုပ်ရုံမန်နေဂျာအနေဖြင့်ပုံစံ(က) Form (A)ဖြင့်နို့တစ်စာပေးပို့ရပါမည်။ သေဆုံးမှုဖြစ်ပွားပါက နို့တစ်စာကိုဆောလျင်စွာပေးပို့ရပါမည်။ ပုဒ်မ (၅၃)

အလုပ်ရုံများသို့ စစ်ဆေးရေးအရာရှိများလာရောက်သည့်အခါ –

(က) အလုပ်ရုံအဖြစ် အသုံးပြုသည်ဟုယုံကြည်ရန် အကြောင်းရှိသည့် မည်သည့် နေရာမဆို ဝင်နိုင်ပါသည်။ (Right of Entry)
(ခ ) အဆောက်အအုံ၊ စက်ကိရိယာပြဌာန်းထားသည့် မှတ်ပုံတင်စာအုပ် အလုပ်ရုံနှင့်သက်ဆိုင် သော အခြားစာချုပ်စာတမ်းများကိုကြည့်ရှုစစ်ဆေးနိုင်ပါသည်။ ပုဒ်မ (၁၁)
(ဂ ) ဥပဒေအရအပ်နှင်းထားသည့် အာဏာကိုသုံးစွဲနေသောစစ်ဆေးရေးအရာရှိ အားတမင်ဟန့် တား လျှင် ပြစ်ဒဏ်ကျခံရပါမည်။ ပုဒ်မ (၈၈) လုပ်ငန်းရှင်များအနေဖြင့် တာဝန်သိစွာပူးပေါင်း ဆောင်ရွက်ရန် အရေးကြီးပါသည်။