အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနနှင့် တီးမာဆက်ဖောင်ဒေးရှင်း-စင်္ကာပူပိုလီတက္ကနစ်တို့ ပူးပေါင်း၍ ကျွမ်းကျင်မှုဆိုင်ရာ သက်မွေးကဏ္ဍလုပ်ငန်းစဉ်များ အရည်အသွေးအာမခံချက်မူဘောင် တည်ထောင်နိုင်ရေး နားလည်မှုစာချွန်လွှာ လက်မှတ်ရေးထိုးပွဲ အခမ်းအနားနှင့် အလုပ်ရုံဆွေးနွေးပွဲ

၈-၆-၂၀၁၇ ရက်နေ့၊ နံနက်ပိုင်းတွင် နေပြည်တော်၊ မင်္ဂလာသီရိဟိုတယ်တွင် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနနှင့် တီးမားဆက်ဖောင်ဒေးရှင်း-စင်္ကာပူပိုလီ တက္ကနစ်တို့ပူးပေါင်း၍ ကျွမ်းကျင်မှုဆိုင်ရာ သက်မွေးကဏ္ဍလုပ်ငန်းစဉ်များ အရည်အသွေးအာမခံ ချက် မူဘောင်တည်ထောင်နိုင်ရေးအတွက် ရည်ရွယ်၍ နားလည်မှုစာချွန်လွှာ လက်မှတ်ရေးထိုးပွဲ အခမ်းအနားကို အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ ပြည်ထောင်စု ဝန်ကြီးဦးဆောင်ပြီး တာဝန်ရှိသူများ၊ စင်္ကာပူပိုလီတက္ကနစ်၊ တီးမားဆက် ဖောင်ဒေးရှင်းတို့မှ ကိုယ်စားလှယ်များ၊ မြန်မာနိုင်ငံလုပ်သားများ ကျွမ်းကျင်မှု “စံ” သတ်မှတ်ပြဌာန်းရေးအဖွဲ့၏ အလုပ်အကိုင်ဆိုင်ရာ “စံ” သတ်မှတ်ရေးကော်မတီများမှ ဥက္ကဌနှင့် အတွင်းရေးမှူးများ၊ ဌာနဆိုင်ရာကိုယ်စားလှယ်များ၊ အစိုးရနှင့် ပုဂ္ဂလိကသက်မွေးပညာသင်တန်းကျောင်းများ၊ မြန်မာ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်၊ မြန်မာနိုင်ငံ အင်ဂျင်နီယာအသင်းတို့မှ ကိုယ်စားလှယ်များစသော တက်ရောက်သူစုစုပေါင်း (၁၂၀) ဦးဖြင့် ကျင်းပခဲ့ပါသည်။
ဆက်လက်၍ နေ့လည်ပိုင်းတွင် ကျွမ်းကျင်မှုဆိုင်ရာ သက်မွေးကဏ္ဍလုပ်ငန်းစဉ်များ အရည် အသွေးအာမခံချက်မူဘောင် တည်ထောင်နိုင်ရေး အလုပ်ရုံဆွေးနွေးပွဲကို ဆက်လက်ကျင်းပ ခဲ့ပါသည်။ အဆိုပါ အလုပ်ရုံဆွေးနွေးပွဲကို ၈-၆-၂၀၁၇ ရက်နေ့တွင် နေပြည်တော်၊ မင်္ဂလာသီရိ ဟိုတယ်၌လည်းကောင်း၊ ၉-၆-၂၀၁၇ ရက်နေ့မှ ၁၀-၆-၂၀၁၇ ရက်နေ့ထိ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ ရုံးအမှတ်(၅၁)၊ အစည်းအဝေးခန်းမ၌ လည်းကောင်း သင်တန်းသား (၁၀၇)ဦးဖြင့် ဆွေးနွေးကျင်းပခဲ့ပါသည်။