မြိတ်ခရိုင်၊ ပုလောမြို့တွင် အလုပ်သမားရေးရာဥပဒေများအား အလုပ်သမားများ သိရှိလိုက်နာ ခံစားနိုင်ရေး ရှင်းလင်းဆွေးနွေးပွဲအခမ်းအနား

တနင်္သာရီမြို့၊ ဇွန်လ ၁၆ ရက်
အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန လက်အောက်ရှိ ဦးစီး ဌာနများအလိုက် မိမိတို့သက်ဆိုင်ရာ စည်းကြပ်ဆောင်ရွက်ရသောဥပဒေ၊ နည်းဥပဒေများနှင့် ပတ်သက်သည့် အသိပညာပေးဆွေးနွေးပွဲကို ၁၆-၆-၂၀၁၇ ရက်နေ့တွင် မြိတ်ခရိုင်၊ တနင်္သာရီမြို့ရှိ MSPP ဆီအုန်းစိုက်ပျိုးရေးလုပ်ငန်း၏ အစည်းအဝေးခန်းမ၌ ကျင်းပဆောင်ရွက်ခဲ့ပါသည်။
tanintharyi
အဆိုပါအခမ်းအနားတွင် တနင်္သာရီတိုင်းဒေသကြီး၊ အလုပ်သမားညွှန်ကြားရေးဦးစီးဌာန၊ လူမှုဖူလုံရေးအဖွဲ့၊ အလုပ်သမားဆက်ဆံရေးဦးစီးဌာနတို့မှ တိုင်းဒေသကြီးဦးစီးမှူးများနှင့် မြိတ်ခရိုင် အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာနနှင့် လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေးဦးစီးဌာနတို့မှ ခရိုင်ဦးစီးမှူးတို့က အလုပ်သမားများ သိသင့်သိထိုက်သော ဥပဒေ၊ နည်းဥပဒေများနှင့် လုပ်ငန်းခွင်နှင့်ပတ်သက်၍ အလုပ်သမားများဆောင်ရန်၊ ရှောင်ရန်တို့ကို အကျယ်တဝင့် အသိပညာပေး ဆွေးနွေးခဲ့ပါသည်။
အခမ်းအနားသို့ MSPP ဆီအုန်းစိုက်ပျိုးရေးလုပ်ငန်းရှိ မလေးရှားနိုင်ငံခြားသား (၁၅)ဦး၊ တာဝန်ရှိသူများနှင့် အလုပ်သမားစုစုပေါင်း (၁၅၁)ဦး တက်ရောက်ခဲ့ကြပါသည်။ အခမ်းအနားကို ညနေ (၁၆:၀၀)နာရီအချိန်တွင် ရုပ်သိမ်းခဲ့ပါကြောင်း သတင်းရရှိပါသည်။