မြိတ်ခရိုင်၊ ပုလောမြို့တွင် အလုပ်သမားရေးရာဥပဒေများအား အလုပ်သမားများ သိရှိလိုက်နာ ခံစားနိုင်ရေး ရှင်းလင်းဆွေးနွေးပွဲအခမ်းအနား

ပုလောမြို့၊ ဇွန်လ ၁၅ ရက်
အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန လက်အောက်ရှိ ဦးစီး ဌာနများအလိုက် မိမိတို့သက်ဆိုင်ရာ စည်းကြပ်ဆောင်ရွက်ရသောဥပဒေ၊ နည်းဥပဒေများနှင့် ပတ်သက်သည့် အသိပညာပေးဆွေးနွေးပွဲကို ၁၅-၆-၂၀၁၇ ရက်နေ့တွင် မြိတ်ခရိုင်၊ ပုလောမြို့ရှိ မြန်မာထိုင်းရာဘာဂျွိုင်း Co; Ltd ၏ ရုံးခန်း၌ ကျင်းပဆောင်ရွက်ခဲ့ပါသည်။
အဆိုပါအခမ်းအနားတွင် တနင်္သာရီတိုင်းဒေသကြီး၊ အလုပ်သမားညွှန်ကြားရေးဦးစီးဌာန၊ လူမှုဖူလုံရေးအဖွဲ့၊ အလုပ်သမားဆက်ဆံရေးဦးစီးဌာနတို့မှ တိုင်းဒေသကြီး ဦးစီးမှူးများနှင့် မြိတ်ခရိုင် အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာနနှင့် လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေးဦးစီးဌာနတို့မှ ခရိုင်ဦးစီးမှူးတို့က အလုပ်သမားများ သိသင့်သိထိုက်သော ဥပဒ၊ နည်းဥပဒေများနှင့် လုပ်ငန်းခွင်နှင့်ပတ်သက်၍ အလုပ်သမားများဆောင်ရန်၊ ရှောင်ရန်တို့ကို အကျယ်တဝင့် အသိပညာပေးဆွေးနွေးခဲ့ပါသည်။
Pulaw
အခမ်းအနားသို့ မြန်မာထိုင်းရာဘာဂျွိုင်း Co;Ltd ရှိ တာဝန်ရှိသူ (၁)ဦး၊ ထိုင်းလုပ်သား (၄)ဦးနှင့် အလုပ်သမား (၄၅)ဦး တက်ရောက်ခဲ့ကြပါသည်။ အခမ်းအနားကို ညနေ (၁၅:၀၀)နာရီ အချိန်တွင် ရုပ်သိမ်းခဲ့ပါကြောင်း သတင်းရရှိပါသည်။
Pulaw2