မွန်ပြည်နယ်၊ မုဒုံမြို့တွင် အလုပ်သမားရေးရာဥပဒေများအား အလုပ်သမားများ သိရှိလိုက်နာ ခံစားနိုင်ရေး ရှင်းလင်းဆွေးနွေးပွဲအခမ်းအနား ကျင်းပခဲ့ခြင်း

မုဒုံမြို့၊ ဇွန်လ ၂၀ ရက်
အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန လက်အောက်ရှိ ဦးစီး ဌာနများအလိုက် မိမိတို့သက်ဆိုင်ရာ အလုပ်သမားရေးရာ ဥပဒေများ အသိပညာပေးဆွေးနွေးပွဲကို ၂၀-၆-၂၀၁၇ ရက်နေ့ နံနက်(၁၀:၀၀) နာရီအချိန်တွင် မွန်ပြည်နယ်၊ မုဒုံမြို့၊ ဟင်္သာခန်းမ၌ ကျင်းပ ဆောင်ရွက်ခဲ့ပါသည်။
ဆွေးနွေးပွဲတွင် မုဒုံမြို့နယ်အုပ်ချုပ်ရေးမှူး ဦးကျော်ထင်မှ အဖွင့်အမှာစကားပြောကြားခဲ့ပြီး မွန်ပြည်နယ် အလုပ်သမားညွှန်ကြားရေးဦးစီးဌာနမှ ညွှန်ကြားရေးမှူး ဒေါ်မြတ်မြတ်ထွေး၊ လက်ထောက်ညွှန်ကြားရေးမှူး ဒေါ်တိုးတိုးချစ်၊ ဦးစီးအရာရှိ ဒေါ်မြတ်မင်းဝေတို့မှ အလုပ်သမား ညွန်ကြားရေးဦးစီးဌာန၏စည်းကြပ်ဥပဒေများအကြောင်းအားလည်းကောင်း၊ မွန်ပြည်နယ်အလုပ်ရုံ နှင့် အလုပ်သမားဥပဒေစစ်ဆေးရေးဦးစီးဌာနမှ ဒုတိယညွှန်ကြားရေးမှူး ဒေါ်ကြည်အေးမှ အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာန၏ စည်းကြပ်ဥပဒေများအကြောင်းအား လည်းကောင်း၊ မွန်ပြည်နယ် အလုပ်သမားဆက်ဆံရေးဦးစီးဌာနမှ ဒုတိယညွှန်ကြားရေးမှူး ဒေါ်ဝင်းမာဦးမှ အလုပ်သမားရေးရာအငြင်းပွားမှု ဖြေရှင်းရေးဥပဒေအကြောင်းအား လည်းကောင်း၊ မွန်ပြည်နယ် လူမှုဖူလုံရေးအဖွဲ့မှ လက်ထောက်ညွှန်ကြားရေးမှူး ဒေါ်သင်းသင်းဦးမှ ၂၀၁၂ ခုနှစ်၊ လူမှုဖူလုံရေးဥပဒေအကြောင်းအားလည်းကောင်း၊ မုဒုံမြို့နယ် အမျိုးသားမှတ်ပုံတင်ရေး ဦးစီးဌာနမှ ဦးစီးအရာရှိ ဦးဝင်းမြင့်အောင်မှ မြန်မာနိုင်ငံသားများ မှတ်ပုံတင်ခြင်းဥပဒေအကြောင်းအား လည်းကောင်း အသီးသီး ရှင်းလင်းဆွေးနွေးပြောကြားခဲ့ပါသည်။
အဆိုပါဆွေးနွေးပွဲသို့ မုဒုံမြို့ရှိ ရပ်ကွက်အုပ်ချုပ်ရေးမှူးများ၊ စက်ရုံ၊ အလုပ်ရုံ၊ ဆိုင်အလုပ် ဌာနများ၊ ကုမ္ပဏီများ၊ ပုဂ္ဂလိကဘဏ်များမှ အလုပ်ရှင်များနှင့် အလုပ်သမားများ ကျား (၉၇)ဦး၊ မ(၅၅) ဦး၊ စုစုပေါင်း (၁၅၂) ဦး တို့ တက်ရောက်ခဲ့ကြပါသည်။ အခမ်းအနားကို နေ့လည်(၁၂:၀၀) နာရီ အချိန်တွင် ရုတ်သိမ်းခဲ့ပါသည်။

လူမှုဖူလုံရေးအဖွဲ့မှ လက်ထောက်ညွှန်ကြားရေးမှူး ဒေါ်သင်းသင်းဦးမှ ၂၀၁၂ ခုနှစ်၊ လူမှုဖူလုံရေးဥပဒေအကြောင်းအား ဆွေးနွေးပြောကြားနေစဉ်
လူမှုဖူလုံရေးအဖွဲ့မှ လက်ထောက်ညွှန်ကြားရေးမှူး ဒေါ်သင်းသင်းဦးမှ ၂၀၁၂ ခုနှစ်၊ လူမှုဖူလုံရေးဥပဒေအကြောင်းအား ဆွေးနွေးပြောကြားနေစဉ်