အလုပ်သမားရေးရာဥပဒေများအကြောင်း သိကောင်းစရာများ ရှင်းလင်းဆွေးနွေး ဟောပြောခြင်းအခမ်းအနား

မန္တလေးမြို့၊ စက်တင်ဘာလ ၁ ရက်
အလုပ်သမား ၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့ နှင့် အလုပ်ရုံနှင့်အလုပ်သမားဥပဒေစစ်ဆေးရေး ဦးစီးဌာနတို့ပေါင်းစပ်၍ ကြီးကြပ်ဆောင်ရွက် သည့် ဥပဒေများအား ၁-၉-၂၀၁ရရက်နေ့ နံနက်(၁၀:၀၀)နာရီ အချိန်တွင် ပြည်ကြီးတံခွန်မြို့နယ်၊ စက်မှုဇုန်(၁)ရှိ နှင်းဆီဆေးကြောသန့်စင်စက်ရုံ၊ စက်ရုံအစည်းအဝေးခန်းမ၌ အသိပညာပေး ဆွေးနွေးပွဲကျင်းပပြုလုပ်ခဲ့ရာ အခမ်းအနားသို့ မန္တလေးတိုင်းဒေသကြီး၊ လူမှုဖူလုံရေးရုံး၊ တိုင်းဒေသကြီးတာဝန်ခံအရာရှိ၊ ပြည်ကြီးတံခွန်မြို့နယ်၊ မြို့နယ်လူမှုဖူလုံရေးရုံး၊ ရုံးခွဲတာဝန်ခံ နှင့် နယ်မြေတာဝန်ခံ ဒုတိယဦးစီးမှူး၊ အလုပ်ရုံနှင့်အလုပ်သမား ဥပဒေစစ်ဆေးရေးဦးစီးဌာန၊ တိုင်းဒေသကြီးစစ်ဆေးရေးမှူးနှင့် ဦးစီးအရာရှိများ၊ ပြည်ကြီးတံခွန်မြို့နယ်၊ အလုပ်ရုံနှင့်အလုပ် သမားဥပဒေစစ်ဆေးရေးဦးစီးဌာန၊ ဦးစီးအရာရှိနှင့် စက်ရုံမှတာဝန်ရှိသူများ၊အလုပ်သမားများ၊ စုစုပေါင်း (၃၄၄) ဦးတို့ တက်ရောက်ခဲ့ကြပါသည်။
အဆိုပါအခမ်းအနားတွင် အလုပ်ရုံနှင့်အလုပ်သမား ဥပဒေစစ်ဆေးရေးဦးစီးဌာန၊ တိုင်းဒေသကြီးစစ်ဆေးရေးမှူး ဦးထိန်ဝင်းဦးမှ ဝန်ကြီးဌာနအောက်ရှိ ဦးစီးဌာနများ ကြီးကြပ် ဆောင်ရွက်သည့် ဥပဒေများအကြောင်း ရှင်းလင်းပြောကြားခဲ့ပါသည်။ ထို့နောက် တိုင်းဒေသကြီး လူမှုဖူလုံရေးရုံး၊ တိုင်းဒေသကြီးတာဝန်ခံအရာရှိ ဦးလှမြင့်မှ ၂၀၁၂ ခုနှစ်၊ လူမှုဖူလုံရေးဥပဒေပါ တာဝန်များနှင့်် အကျိုးခံစားခွင့််များအကြောင်း အသိပညာပေးဆွေးနွေးခဲ့ပါသည်။ ၎င်းနောက် အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာန၊ ပြည်ကြီးတံခွန်မြို့နယ်ရုံး၊ ဦးစီးအရာရှိ ဒေါ်နှင်းယုဝေနှင့် ဦးစီးအရာရှိ(၂)ဦးတို့မှ ၎င်းတို့စည်းကြပ်သည့် ဥပဒေများအကြောင်း အသိ ပညာပေးဆွေးနွေးခဲ့ပါသည်။ ထို့နောက် အလုပ်သမားများမှ သိရှိလိုသည့် အချက်အလက် များအား လူမှုဖူလုံရေးအဖွဲ့နှင့်ပတ်သက်သည့် မေးမြန်းချက်များအား တိုင်းဒေသကြီး တာဝန်ခံအရာရှိမှလည်းကောင်း၊ အလုပ်ရုံနှင့်အလုပ်သမား ဥပဒေစစ်ဆေးရေးဦးစီးဌာနနှင့် သက်ဆိုင်သည့်မေးမြန်းချက်များအား တိုင်းဒေသကြီးစစ်ဆေးရေးမှူးမှလည်းကောင်း၊ ရှင်းလင်း ပြောကြားခဲ့ပြီး အခမ်းအနားကို (၁၄:၄၅) နာရီအချိန်တွင် ရုတ်သိမ်းခဲ့ပါသည်။