မွန်ပြည်နယ်၊ သံဖြူဇရပ်မြို့တွင် ဝန်ကြီးဌာနလက်အောက်ရှိ မိတ်ဖက်ဌာနများ၏ ဦးစီးဌာနအလိုက် သက်ဆိုင်ရာဥပဒေရေးရာများ အသိပညာပေးဆွေးနွေးပွဲ ကျင်းပပြုလုပ်ခြင်း

အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊မွန်ပြည်နယ် လူမှုဖူလုံရေးအဖွဲ့နှင့် ဝန်ကြီးဌာနမိတ်ဖက်ဌာနတို့ပူးပေါင်း၍အလုပ်သမားရေးရာ ဥပဒေများ အသိပညာပေးဆွေးနွေးပွဲ အခမ်းအနားကို၂၉-၅-၂၀၁ရရက်နေ့နံနက်(၁၀:၀၀)နာရီအချိန်တွင်သံဖြူဇရပ်မြို့၊ အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ကျင်းပပြုလုပ်ခဲ့ပါသည်။
အခမ်းအနားတွင်မြို့နယ်အထွေထွေအုပ်ချုပ်ရေးဦးစီးဌာန၊ သံဖြူဇရပ်မြို့၊ မြို့နယ် အုပ်ချုပ်ရေးမှူးမှအဖွင့်အမှာစကားပြောကြားခဲ့ပါသည်။ဆက်လက်၍ အလုပ်သမားညွှန်ကြားရေးဦးစီးဌာနမှ စည်းကြပ်ဥပဒေများကို ညွှန်ကြားရေးမှူး၊ ဒေါ်မြတ်မြတ်ထွေး၊ လက်ထောက် ညွှန်ကြားရေးမှူး၊ ဒေါ်တိုးတိုးချစ်တို့မှလည်းကောင်း၊ အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာန၏ စည်းကြပ် ဥပဒေကိုဒုတိယညွှန်ကြားရေးမှူး၊ ဒေါ်ကြည်အေးမှလည်းကောင်း၊ အလုပ်သမားရေးရာအငြင်းပွားမှုဖြေရှင်းရေးဥပဒေကိုအလုပ်သမားဆက်ဆံရေးဦးစီးဌာန၊ ဒုတိယညွှန်ကြားရေးမှူး၊ ဒေါ်ဝင်းမာဦးမှလည်းကောင်း၊ ၂၀၁၂ ခုနှစ် လူမှုဖူလုံရေးဥပဒေကိုလူမှုဖူလုံရေးအဖွဲ့၊ လက်ထောက်ညွှန်ကြားရေးမှူး၊ ဒေါ်သင်းသင်းဦးမှလည်းကောင်း၊ မြို့နယ် လူဝင်မှုကြီးကြပ်ရေးဦးစီးဌာန၊ ဦးစီးအရာရှိ၊ ဦ:စိုးမင်းလတ်မှ လူဝင်မှုကြီးကြပ်ရေးဆိုင်ရာဥပဒေများကိုလည်းကောင်းရှင်းလင်းဆွေးနွေးခဲ့ပါသည်။
အဆိုပါဆွေးနွေးပွဲအခမ်းအနားသို့ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ် အုပ်ချုပ်ရေးမှူး၊ အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနလက် အောက်ရှိ ဦးစီးဌာနများမှ ညွှန်ကြားရေးမှူး၊ဒုတိယညွှန်ကြားရေးမှူးများ၊လက်ထောက် ညွှန်ကြားရေးမှူးများ၊ဦးစီးအရာရှိများနှင့် အလုပ်ဌာန (၃၂) ဌာနတို့မှ အလုပ်ရှင်နှင့် အလုပ် သမားကိုယ်စားလှယ်(၇၂)ဦးတို့ တက်ရောက်ခဲ့ကြပြီးဆွေးနွေးပွဲ အခမ်းအနားကို(၁၁:၄၅)နာရီတွင်ရုပ်သိမ်းခဲ့ပါသည်။
ThanPhyu1
၂၀၁၂ခုနှစ်၊ လူမှုဖူလုံးရေးဥပဒေကို ပြည်နယ်လူမှုဖူလုံရေးရုံးမှ လက်ထောက်ညွှန်ကြားရေးမှူး ဒေါ်သင်းသင်းဦးမှ ဆွေးနွေးပြောကြားနေစဉ် ThanPhyu2