ပြည်ထောင်စုဝန်ကြီး ဦးသိန်းဆွေ၊ မြန်မာနိုင်ငံဆိုင်ရာ ဒိန်းမတ်နိုင်ငံ သံအမတ်ကြီး Mr. Peter Lysholt Hansen အား နေပြည်တော်၌တွေ့ဆုံ၊ နိုင်ငံခြားသားဥပဒေ ရေးဆွဲဆောင်ရွက်မှုနှင့် ရခိုင် ပြည်နယ်အတွင်း နိုင်ငံသားစိစစ်ရေးလုပ်ငန်း ဆောင်ရွက်မှု အခြေအနေများဆွေးနွေး

နေပြည်တော်၊ ဖေဖော်ဝါရီ ၁၆။

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ ပြည်ထောင်စုဝန်ကြီး ဦးသိန်းဆွေသည် မြန်မာနိုင်ငံဆိုင်ရာ ဒိန်းမတ်နိုင်ငံ သံအမတ်ကြီး Mr. Peter Lysholt Hansen အား ဖေဖော်ဝါရီလ (၁၆)ရက်၊ ယနေ့နံနက်(၉)နာရီခွဲတွင် နေပြည်တော်ရှိ အဆိုပါဝန်ကြီးဌာန၊ ပြည်ထောင်စု ဝန်ကြီး၏ဧည့်ခန်းမ၌ လက်ခံတွေ့ဆုံသည်။
ထိုသို့တွေ့ဆုံရာတွင် ပြည်ထောင်စုဝန်ကြီးနှင့်အတူ အမြဲတမ်းအတွင်းဝန် ဦးမြင့်ကြိုင်နှင့် ဦးစီး ဌာနများမှ ညွှန်ကြားရေးမှူးချုပ်များ၊ တာဝန်ရှိသူများ တက်ရောက်ခဲ့ကြပြီး နိုင်ငံခြားသားများဆိုင်ရာ ဥပဒေ(မူကြမ်း) ရေးဆွဲဆောင်ရွက်နေမှု အခြေအနေ၊ ရခိုင်ပြည်နယ် တည်ငြိမ်အေးချမ်းရေးနှင့် ဖွံ့ဖြိုး တိုးတက်ရေး ဆောင်ရွက်နေမှု၊ NV Card ထုတ်ပေးရေးလုပ်ငန်း ဆောင်ရွက်နေမှုနှင့် နိုင်ငံသား စိစစ်ရေးလုပ်ငန်းဆောင်ရွက်နေမှု အခြေအနေများနှင့်စပ်လျဉ်း၍ ရင်းနှီးပွင့်လင်းစွာ ဆွေးနွေးခဲ့ကြောင်း သတင်းရရှိ သည်။

DemarkCall1