အနည်းဆုံးအခကြေးငွေသတ်မှတ်ရေးဆိုင်ရာ အမျိုးသားကော်မတီ၏ ဒုတိယအကြိမ်ညှိနှိုင်းအစည်း အဝေးကျင်းပ

နေပြည်တော် ဇူလိုင်လ ၇ ရက်
အနည်းဆုံးအခကြေးငွေသတ်မှတ်ရေးဆိုင်ရာအမျိုးသားကော်မတီ ညှိနှိုင်းအစည်းအဝေးကို ၂၀၁၇ ခုနှစ်၊ ဇူလိုင် လ ၇ ရက်နေ့ နံနက် ၀၉၀၀ အချိန်တွင် နေပြည်တော်ရှိအလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနအစည်းအဝေးခန်းမတွင် ကျင်းပခဲ့သည်။
အဆိုပါ ညှိနှိုင်းအစည်းအဝေးသို့ အနည်းဆုံးအခကြေးငွေသတ်မှတ်ရေးဆိုင်ရာအမျိုးသားကော်မတီ ဥက္ကဋ္ဌ ပြည်ထောင်စုဝန်ကြီးဦးသိန်းဆွေနှင့်အတူ အမျိုးသားကော်မတီဝင်များ၊ ပြည်ထောင်စုနယ်မြေ၊ တိုင်းဒေသကြီး၊ပြည်နယ်ကော်မတီများမှသက်ဆိုင်ရာဝန်ကြီးများနှင့်အတွင်းရေးမှူးများ၊ သက်ဆိုင်ရာ ဝန်ကြီးဌာနများမှ တာဝန်ရှိပုဂ္ဂိုလ်များ၊ ညွှန်ကြားရေးမှူးချုပ်များ၊ အလုပ်သမားအဖွဲ့အစည်းများမှ ကိုယ်စားလှယ်များ၊ အလုပ်ရှင်အဖွဲ့အစည်းများမှ ကိုယ်စားလှယ်များ၊ ကျွမ်းကျင်သူပုဂ္ဂိုလ်များ၊ ကျွမ်းကျင်ပညာရှင်များ၊ ဝန်ကြီးဌာနမှတာဝန်ရှိသူများ နှင့် အခြားဖိတ်ကြားထားသူများ တက်ရောက်ခဲ့ပါသည်။
အစည်းအဝေး၌ ပြည်ထောင်စုဝန်ကြီးကအမှာစကားပြောကြားရာတွင် ၂၀၁၃ခုနှစ်၊ အနည်းဆုံး အခကြေးငွေဥပဒေပုဒ်မ ၃၊ ပုဒ်မခွဲ(ဂ)အရ အနည်းဆုံးအခကြေးငွေသတ်မှတ်ရေးဆိုင်ရာ အမျိုးသား ကော်မတီကို နိုင်ငံတော်သမ္မတရုံးမှ ၁၆-၂-၂၀၁၇ရက်နေ့တွင် အမိန့်ကြော်ငြာစာအမှတ် (၂၃/၂၀၁၇) ဖြင့်ဒုတိယအကြိမ် ဖွဲ့စည်းတာဝန်ပေးအပ်ခဲ့ကြောင်း၊
အနည်းဆုံးအခကြေးငွေနည်းဥပဒေတွင် နှုန်းထားသတ်မှတ်ရေးနှင့် ထိုနှုန်းထားများကို ပြန်လည်သုံးသပ်ပြင်ဆင်ရေးတို့နှင့်စပ်လျဉ်း၍ အမျိုးသားကော်မတီ၏ ပုံမှန်အစည်းအဝေးကို လိုအပ်လျှင် ပုံမှန်အစည်းအဝေးနှင့် အထူးအစည်းအဝေး ကို ကျင်းပသွားမည်ဖြစ်ကြောင်း၊
ပထမအကြိမ် အမျိုးသားကော်မတီ၏ အစည်းအဝေးဆုံးဖြတ်ချက်အရ အနည်းဆုံး အခကြေးငွေ ဥပဒေပုဒ်မ ၅ ၊ပုဒ်မခွဲ(ခ)နှင့်အညီ အနည်းဆုံးအခကြေးငွေ သတ်မှတ်ရေးဆိုင်ရာ အမျိုးသားကော်မတီ မှပြည်ထောင်နယ်မြေ၊ သက်ဆိုင်ရာတိုင်းဒေသကြီးနှင့် ပြည်နယ်အနည်းဆုံး အခကြေးငွေသတ်မှတ် ရေးဆိုင်ရာကော်မတီများကို ၂၀-၆-၂၀၁၇ ရက်နေ့တွင် အမိန့်ကြော်ငြာစာ အမှတ် (၁/၂၀၁၇) ဖြင့် ဖွဲ့စည်းတာဝန်ပေးအပ်ခဲ့ပြီးဖြစ်ကြောင်း ၊
အမျိုးသားကော်မတီဝင်၏ တာဝန်များမှာ အမျိုးသားအဆင့်မူဝါဒများချမှတ်ခြင်း၊ ပြည်ထောင်စု နယ်မြေကော်မတီ၊ တိုင်းဒေသကြီးကော်မတီ၊ ပြည်နယ်ကော်မတီများသို့ လုပ်ငန်းတာဝန်များ သတ်မှတ်ပေးခြင်း၊ အနည်းဆုံးအခကြေးငွေသတ်မှတ်ရေးအတွက် သုတေသနပြုလုပ်ချက်နှင့် စစ်တမ်းများကိုလေ့လာစိစစ်တွက်ချက်ပြီး အကြံပြုချက်များတင်ပြရေးနှင့်ပတ်သက်၍ သုတေသန ပြုလုပ်ခြင်း၊ စာရင်းစစ်တမ်းများ ကောက်ယူစိစစ်တွက်ချက်ခြင်း၊ စီမံကိန်းများနှင့် အစီအစဉ်များ ချမှတ်ခြင်းတို့ကို ဆောင်ရွက်သွားရမည်ဖြစ်ကြောင်း၊
အမျိုးသားကော်မတီအနေဖြင့် အနည်းဆုံးအခကြေးငွေသတ်မှတ်ရေးနှင့် ပြန်လည်သုံးသပ် ရေးတို့အတွက် လုပ်ငန်းအမျိုးအစားအလိုက် ထိရောက်စွာဆောင်ရွက်နိုင်ရန်နှင့် အမျိုးသား ကော်မတီ၏လုပ်ငန်းတာဝန်များကို အထောက်အကူပြုနိုင်ရန် ကူးသန်းရောင်းဝယ်ရေး၊ ကုန်ထုတ် နှင့် ဝန်ဆောင်မှုလုပ်ငန်း၊ အလုပ်သမားများ အနည်းဆုံးအခကြေးငွေစိစစ်ရေးလုပ်ငန်းကော်မတီ၊ စိုက်ပျိုးရေးနှင့် မွေးမြူရေးလုပ်ငန်း၊ အလုပ်သမားအနည်းဆုံးအခကြေးငွေ စိစစ်ရေးလုပ်ငန်း ကော်မတီ၊ အနည်းဆုံးအခကြေးငွေဆိုင်ရာ သုတေသနပြုလုပ်ရေးနှင့် အကြံပေးလုပ်ငန်းကော်မတီ အပါအဝင် အခြားလိုအပ်သည့် လုပ်ငန်းကော်မတီများကို နည်းဥပဒေ ၁၂၊ ၁၄ နှင့် ၁၆ တို့အရ ဖွဲ့စည်းသွားမည်ဖြစ်ကြောင်း၊
အနည်းဆုံးအခကြေးငွေဆိုင်ရာလုပ်ငန်းကော်မတီများသည်လိုအပ်လျှင် ပြည်ထောင်စုနယ်မြေ၊ တိုင်းဒေသကြီးနှင့်ပြည်နယ်များသို့ မြေပြင်ကွင်းဆင်းစစ်ဆေးခြင်း၊ စာရင်းစစ်တမ်းကောက်ယူခြင်း တို့ကို ဆောင်ရွက်နိုင်ပါကြောင်း၊
အမျိုးသားကော်မတီအနေဖြင့်ယင်းလုပ်ငန်းကော်မတီများဖွဲ့စည်းပေးပြီးယင်းအဖွဲ့တွေထဲမှ အကြံဉာဏ်များ၊ အထောက်အထား အချက်အလက်များ ရရှိလိမ့်မည်ဟု ယုံကြည်ပါကြောင်း၊ အမျိုးသားကော်မတီဝင်များမှလည်း ဆွေးနွေးထားသည့် လုပ်ငန်းကော်မတီများ ဖွဲ့စည်းရန် သင့်/မသင့်ကို ဝိုင်းဝန်းဆွေးနွေးပေးဖို့တင်ပြလိုပါကြောင်း။
ထည့်သွင်းစဉ်းစားရမည့်အချက်များကို လေ့လာပြီး သတ်မှတ်သင့်သည့်နှုန်းထားများကို အမျိုးသားကော်မတီသို့ အကြံပြုချက်များတင်ပြရန်နှင့် အနည်းဆုံးအခကြေးငွေသတ်မှတ်ရေးနှင့် စပ်လျဉ်း၍ အကြံပြုတင်ပြရာတွင် အလုပ်ကျွမ်းကျင်မှုနှင့် လုပ်ငန်းခွင်ဘေးအန္တရာယ်ရှိမှုအလိုက် လေ့လာစိစစ်ပြီး အလုပ်ချိန် တစ်နာရီ၊ တစ်ရက်၊ ရက်သတ္တပတ်၊ တစ်လအတွက် အခကြေးငွေ၊ သတ်မှတ်ထားသည့်နှုန်း ထားများနှင့်စပ်လျဉ်းပြီး ကူးသန်းရောင်းဝယ်ရေး၊ ကုန်ထုတ်နှင့်ဝန်ဆောင်မှု လုပ်ငန်းများ၊ စိုက်ပျိုးရေး နှင့်မွေးမြူရေးလုပ်ငန်းအလိုက်၊ ဒေသအလိုက်၊ အလုပ်ကျွမ်းကျင်မှုနှင့် လုပ်ငန်းခွင်ဘေးအန္တရာယ်ရှိမှု တို့ကို ခွဲခြား၍ ပြောင်းလဲလာသည့် အခြေအနေအရပ်ရပ်တို့နှင့်အညီ စိစစ်ပြီး ၂ နှစ်လျှင် အနည်းဆုံး တစ်ကြိမ်သတ်မှတ်ရန်၊ သုံးပွင့်ဆိုင်ဆွေးနွေးပြီး သတ်မှတ်သင့်သည့် နှုန်းထားများကိုလည်းပြောင်းလဲ ရမည်ဖြစ်ကြောင်း၊ အလုပ်ရှင်၊ အလုပ်သမား၊ အစိုးရ သုံးပွင့်ဆိုင် အဖွဲ့အစည်းများမှလည်း နှုန်းထားများကို အောင်မြင်စွာသတ်မှတ်နိုင်လိမ့်မည်ဟု ယုံကြည်ကြောင်း ပြောကြားခဲ့ပါသည်။
ဆက်လက်၍ အနည်းဆုံးအခကြေးငွေသတ်မှတ်ရေးဆိုင်ရာ အမျိုးသားကော်မတီဝင်များ၊ ပြည်ထောင်စုနယ်မြေ၊ တိုင်းဒေသကြီး၊ ပြည်နယ်ကော်မတီဝင်များ နှင့် တက်ရောက်လာသူများမှ လုပ်ငန်းကော်မတီများ ဖွဲ့စည်းရန် ကိစ္စရပ်များ၊ အနည်းဆုံးအခကြေးငွေအား အချိန်ဇယားသတ်မှတ် ထုတ်ပြန်နိုင်ရေးကိစ္စရပ်များ၊ ပြည်နယ်နှင့်တိုင်းဒေသကြီးအလိုက် (သို့မဟုတ်) လုပ်ငန်းအမျိုးအစား အလိုက်ထုတ်ပြန်နိုင်ရေးကိစ္စရပ်များနှင့် အနည်းဆုံးအခကြေးငွေသတ်မှတ်နိုင်ရေးအတွက် အမြန်ဆုံး အကောင်အထည်ဖော် ဆောင်ရွက်နိုင်ရေးတို့နှင့်ပတ်သက်၍ ဆောင်ရွက်သင့်သည့်အခြေအနေများ အားရင်းနှီးပွင့်လင်းစွာ ပြန်လှန်ဆွေးနွေးခဲ့ကြပြီး အစည်းအဝေးအား ၁၃၃၀ အချိန်ခန့်တွင် ရုပ်သိမ်းခဲ့ ကြောင်း သတင်းရရှိသည်။