ပြည်ထောင်စုဝန်ကြီး ဦးသိန်းဆွေ၊ မြန်မာနိုင်ငံဆိုင်ရာအီတလီနိုင်ငံသံအမတ်ကြီး H.E. Mr. Pier Giorgio Aliberti အား နေပြည်တော်၌ တွေ့ဆုံ၊ ရခိုင်ပြည်နယ် တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးဆိုင်ရာ ဆောင်ရွက်မှုများအား အမြင်ချင်းဖလှယ် ဆွေးနွေး။

နေပြည်တော်၊ မတ် ၁၄ ။
အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ ပြည်ထောင်စုဝန်ကြီး ဦးသိန်းဆွေသည် မြန်မာနိုင်ငံဆိုင်ရာအီတလီနိုင်ငံသံအမတ်ကြီး H.E. Mr. Pier Giorgio Aliberti အား မတ်လ(၁၄)ရက် ယနေ့မွန်းလွဲ(၁၃၀၀)နာရီတွင် နေပြည်တော်ရှိ အဆိုပါဝန်ကြီးဌာန၊ အစည်းအဝေး ဧည့်ခန်းမ၌လက်ခံတွေ့ဆုံသည်။
ထိုသို့တွေ့ဆုံရာတွင် ပြည်ထောင်စုဝန်ကြီးနှင့်အတူ အမျိုးသားမှတ်ပုံတင်နှင့် နိုင်ငံသားဦးစီး ဌာနမှ ညွှန်ကြားရေးမှူးချုပ် ဦးအေးလွင်နှင့် တာဝန်ရှိသူများတက်ရောက်ခဲ့ကြပြီး ရခိုင်ပြည်နယ်ဖွံ့ဖြိုး တိုးတက်ရေးလုပ်ငန်းများဆောင်ရွက်နေမှု၊ ရခိုင်ပြည်နယ်ဆိုင်ရာအကြံပေးကော်မရှင်၏ အကြံပြုချက် များအပေါ် အကောင်အထည်ဖော်ဆောင်ရွက်နေမှု၊ တစ်ဘက်နိုင်ငံသို့ ထွက်ပြေးတိမ်းရှောင်နေသူများ ပြန်လည်လက်ခံရေးအတွက် စီစဉ်ဆောင်ရွက်ထားရှိမှု၊ မြန်မာ-ဘင်္ဂလားဒေ့ရှ်နှစ်နိုင်ငံ နားလည်မှု စာချွှန်လွှာ MoU အရ ပြန်လည်လက်ခံဆောင်ရွက်မည့်အစီအစဉ်၊ ပြန်လည်လက်ရေးကိစ္စရပ် များနှင့်ပတ်သက်၍ မိမိဝန်ကြီးဌာနနှင့် UNHCR တို့အကြား MoU ရေးထိုးဆောင်ရွက်မည့် အခြေအနေ၊ ပြန်လည်ဝင်ရောက်လာသူများအတွက် နေရာချထားရေးနှင့် ပြန်လည်ထူထောင်ရေး ဆောင်ရွက်ပေးမည့်အစီအစဉ်၊ ရခိုင်ပြည်နယ်တည်ငြိမ်းအေးချမ်းရေးနှင့် ဖွံ့ဖြိုးတိုးတက်ရေးအတွက် UEHRD မှ ပံ့ပိုးကူညီအကောင်အထည်ဖော်ဆောင်ရွက်နေမှု အခြေအနေများနှင့် စပ်လျဉ်း၍ ရင်နှီးပွင့်လင်းစွာ အမြင်ချင်းဖလှယ် ဆွေးနွေးခဲ့ကြကြောင်း သတင်းရရှိသည်။(-)