ကလေးအလုပ်သမားခိုင်းစေမှု ပပျောက်ရေးဆိုင်ရာ အမျိုးသားအဆင့် လုပ်ငန်းစီမံချက် (National Action Plan) ရေးဆွဲနိုင်ရေး အလုပ်ရုံဆွေးနွေးပွဲ ကျင်းပခြင်း

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနနှင့် အိုင်အယ်(လ်)အို (မြန်မာ) တို့ပူးပေါင်း၍ ကလေးအလုပ်သမား ခိုင်းစေမှု ပပျောက်ရေးဆိုင်ရာ အမျိုးသားအဆင့် လုပ်ငန်းစီမံချက် (National Action Plan) ရေးဆွဲနိုင်ရေး အလုပ်ရုံဆွေးနွေးပွဲကို နေပြည်တော်၊ ရွှေပြည်တော်ဟိုတယ်၌ ၂၁-၁၀-၂၀၁၆ ရက်နေ့၊ ၀၉းဝ၀ နာရီမှ ၁၂းဝ၀ နာရီအထိ ကျင်းပပြုလုပ်ခဲ့ပါသည်။

အဆိုပါဆွေးနွေးပွဲ သို့ အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာန၊ ညွှန်ကြားရေးမှူးချုပ် ဦးဝင်းရှိန်၊ ညွှန်ကြားရေးမှူး ဦးတင်ကိုကိုနိုင်၊ ကလေး အလုပ်သမားဆိုင်ရာ နည်းပညာရပ်လုပ်ငန်းအဖွဲ့မှ အဖွဲ့ဝင်များ၊ သက်ဆိုင်ရာ မိတ်ဖက်ဌာန၊ အဖွဲ့အစည်းများ၊ အလုပ်ရှင်၊ အလုပ်သမား ကိုယ်စားလှယ်များ၊ အိုင်အယ်(လ်)အို မှ ကလေးအလုပ်သမားပပျောက်ရေးစီမံကိန်း၊ နည်းပညာရပ် အကြံပေးအရာရှိချုပ် Mr. Selim Benaissa တို့ တက်ရောက်ခဲ့ကြောင်း သတင်းရရှိပါသည်။

ဆွေးနွေးပွဲတွင် အမျိုးသားအဆင့် လုပ်ငန်းစီမံချက် (National Action Plan) မူကြမ်းရေးဆွဲရေး ကော်မတီဖွဲ့စည်း၍ ရှေ့ဆက်ဆောင် ရွက်မည့် လုပ်ငန်းစီမံချက်များနျှင့် စပ်လျဉ်းပြီး အကြံပြုထောက်ခံဆွေးနွေးခဲ့ကြောင်း၊ ကလေးအလုပ်သမား ခိုင်းစေမှု ပပျောက်ရေးဆိုင်ရာ အမျိုးသားအဆင့် လုပ်ငန်းစီမံချက် (National Action Plan) မူကြမ်းရေးဆွဲနိုင်ရန် အလုပ်ရုံဆွေးနွေးပွဲများကို အထက်မြန်မာပြည် အတွက် မန္တလေးမြို့တွင်လည်းကောင်း၊ အောက်မြန်မာပြည်အတွက် ရန်ကုန်မြို့တွင်လည်းကောင်း ဆက်လက်ကျင်းပသွားရန် ဆုံးဖြတ်ခဲ့ ကြောင်း သတင်းရရှိပါသည်။

Leave a Reply